MATEO 21

1Huan Jes'us huan nochi tojuanti tlen tinejnemiyayaj ihuaya timonechcahuiyayaj altepetl Jerusal'en. Huan tiajsitoj ipan se pilaltepetzi tlen itoca Betfag'e, nechca nopa tepetl tlen itoca Olivos. Huan Jes'us quinnotzqui ome imomachtijcahua para quintitlanis ipan se rancho nechca. 2Huan quinilhui: --Xiyaca ipan ne altepetl tlen mocahua toixmelac. Nepa inquipantise se burra ilpitoc ihuaya icone. Xiquintojtomaca huan xinechhualiquilica. 3Huan intla se tlacatl inmechtlajtlanis tlachque inquichihuaj, xiquilhuica: 'Toteco quinequi quintequihuis para se tlalochtli huan nimantzi mitzcuepilis.' 4Quichijqui ni para ma pano tlen huejcajquiya quiijcuilo nopa tiocamanalojquetl para panos teipa. Yajaya huejcajquiya quiijtojtoya: 5"Xiquinilhui altepetl Jerusal'en ehuani ni tlajtoli: 'Xiquitaca, hualahua imotlanahuatijca. Yajaya ax mohueyimati. Mosehuijtihualas ipan se pilburrojtzi. Quena, mosehuijtihualas ipan icone se burra tlen quimati tlamama.' " Quej nopa quiijcuilo nopa tiocamanalojquetl tlen huejcajquiya. 6Huan nopa ome imomachtijcahua Jes'us yajque huan quichijque queja Jes'us quinilhui. 7Huan quihualicaque nopa burra ihuaya icone. Huan tijtlalilijque totlaque ininpani huan Jes'us tlejcoc. 8Huan itztoyaj tohuaya tlahuel miyac tlacame huan quisojque inintlaque ipan ojtli. Sequinoc quimapostejque ininmacuayo apachtli huan quitenque ipan ojtli para ma ipan nejnemi ipilburro Jes'us. 9Huan nochi nopa miyac tlacame tlen quiyacanayayaj Jes'us huan nochi m'as tlen yohuiyayaj itepotzco chicahuac tlahuejchihuayayaj huan quiijtohuayayaj: "¡Timitzhueyichihuaj ta tlen tiiteipa ixhui Tlanahuatijquetl David! ¡Ma Toteco Dios mitztiochihua ta tlen tihuala ica itequihuejcayo Toteco! ¡Ma tijhueyichihuaca Toteco Dios tlen itztoc elhuicac ipampa tlen techchihuilijtoc!" 10Huan quema Jes'us calajqui ipan altepetl Jerusal'en, nochi hualajque quitlachilicoj tlachque panoyaya huan motlajtlaniyayaj: --¿Ajqueya huala? 11Huan tlacame quiijtojque: --Yajaya ne tiocamanalojquetl Jes'us tlen ehua Nazaret ipan estado Galilea. 12Huan Jes'us calajqui ipan nopa hueyi israelita tiopamitl huan quintotocac nochi tlen tlanamacayayaj huan tlacohuayayaj tiopan calijtic. Huan quintepehuili ininmesas tlen quipatlayayaj tomi tlen huala sejcoyoc. Nojquiya quintepehuili ininsiyas tlen tenamaquiltiyayaj palomas. 13Huan Jes'us quinilhui: --Ijcuilijtoc ipan Itlajtol Toteco campa yajaya quiijtohua: 'Nochi tlacame quitocaxtise nochaj: Nopa Cali Campa Tlacame Momaijtohuaj.' Pero inquichijtoque campa mosentil'iaj tlaxtequini para quintlaxtequilise tlen hualahuij. 14Huan hualajque campa Jes'us nepa tiopan calijtic tlen popoyotzitzi huan tlen metzcuachotzitzi, huan yajaya quinchicajqui. 15Pero nopa tlayacanca totajtzitzi huan nopa tlamachtiani tlen itlanahuatil Mois'es quiitaque nopa chicahualnescayotl tlen Jes'us quichihuayaya huan nojquiya quinitaque nopa coneme tiopan calijtic tlen chicahuac quiijtohuayayaj: "Timitzhueyichihuaj ta tiiteipa ixhui David." Huajca cualanque, 16huan quiilhuijque Jes'us: --¿Ax tijcaqui tlen quiijtohuaj tlen ta? Huan Jes'us quinilhui: --Quena, nijcaqui. Huelis ax inquipojtoque ipan Itlajtol Toteco campa quiijtohua: 'Toteco ta tijchijtoc para coneme huan pilconetzitzi ma mitzhueyichihuaca.' 17Huan Jes'us quincajtejqui huan yajqui altepetl Betania huan nepa tonilito. 18Huan hualmostla ica ijnaloc Jes'us itztoya ipan ojtli mocuepayaya para Jerusal'en huan mayantoya. 19Huan ojteno Jes'us quiitac se higuera cuahuitl huan monechcahuito huan quiitac ax quipiyayaya itlajca. San ixihuiyo quipiyayaya. Huan Jes'us quiilhui nopa cuahuitl: --Cuahuitl, ayoc quema titemacas motlajca. Huan nimantzi huajqui nopa cuahuitl. 20Huan quema tiimomachtijcahua tiquitaque para huajqui nopa cuahuitl, timosentlachilijque huan tijtlajtlanijque: --¿Quejatza elqui para nimantzi huajqui ni cuahuitl? 21Huan Jes'us technanquili: --Nel'ia nimechilhu'ia, monequi quema inquitlajtlan'iaj Toteco se tlamantli, xijneltocaca para temachtli Toteco inmechmacas huan huajca inmechmacas. Intla san inmoilhu'iaj huelis inmechmacas o huelis axtle, huajca ax tleno inmechmacas. Nojquiya huelis inquichihuase sequinoc tlamantli tlen m'as huejhueyi que nopa tlen nijchijtoc ica ni cuahuitl. Huelis inquiilhuise se tepetl: 'Ximijcueni, tepetl, huan ximomajcahua ipan hueyi atl', huan queja nopa panos. 22Huan nochi tlen inquitlajtlanise Toteco huan inquineltocase temachtli Toteco inmechmacas, inquiselise. 23Huan quema Jes'us sampa ajsico ipan nopa hueyi tiopamitl huan tlamachtiyaya, hualajque nopa tlayacanca totajtzitzi huan nopa huehue tlacame tlen israelitame huan quiilhuijque: --¿Tlachque tlanahuatili tijpiya para tijchihua nochi ni tlamantli tlen tijchijtinemi? ¿Ajqueya mitzmacatoc tlanahuatili? 24Huan Jes'us quinilhui: --Nojquiya nimechtlajtlanis se tlamantli. Intla xitlahuac innechnanquilise, huajca nojquiya nimechilhuis ajqueya nechmacac tlanahuatili para nijchihuas tlen nijchihua. 25¿Ajqueya quititlanqui Juan para ma tecuaaltiqui? ¿Toteco quititlanqui o san tlacame? Huajca yajuanti pejque mocamahu'iaj quejatza quinanquilisqu'iaj. Quiijtojque: --Intla tiquijtose Toteco quititlanqui Juan, huajca Jes'us techtlajtlanis para tlen ax tijneltocaque. 26Huan intla tiquijtose san tlacame quimacaque Juan tequihuejcayotl, huajca techchihuilise tlen fiero ni tlacame, pampa yajuanti quineltocaj para Juan eliyaya se itiocamanalojca Toteco. 27Huajca quiilhuijque Jes'us: --Tojuanti ax tijmatij ajqueya quititlanqui Juan. Huajca Jes'us quinilhui: --Ax innechnanquilijque xitlahuac, huajca na nojquiya ax nimechilhuis ajqueya nechmacatoc tlanahuatili para nijchihuas tlen nijchihua. 28Jes'us quinilhui: --¿Tlachque inmoilhu'iaj tlen ni huicaltili tlen nimechpohuilis? Se tlacatl quinpixtoya ome itelpocahua huan yajqui campa nopa achtohui ejquetl huan quiilhui: 'Nocone, xiya ama xitequititi nepa ipan toxocomecamil.' 29Huan yajaya quinanquili: 'Axtle, Pap'a, ax nijnequi niyas.' Pero teipa moyolpatlac huan yajqui tequitito. 30Huan teipa nopa tetat yajqui campa ne se itelpoca huan nojquiya quiilhui ma tequititi. Huan yajaya quiilhui: 'Quena, Pap'a, niyas.' Pero ax yajqui. 31Huajca, ¿ajqueya nopa ome iconehua quichijqui tlen itata quinequiyaya ma quichihua? Huan quinanquilijque: --Nopa telpocatl tlen achtohui. Huan Jes'us quinilhui: --Nel'ia nimechilhu'ia nopa fiero tlacame tlen tlainamaj impuesto huan nopa tlacanenca sihuame inmechtlayacancuilise para calaquise nepa campa Toteco tlanahuat'ia. 32Pampa achtohui Juan tlen tecuaaltiyaya tlamachtico nopa ojtli tlen xitlahuac, huan ax inquineltocaque. Pero nopa tlacame tlen tlainamaj impuesto huan nopa sihuame tlen tlacanemij, quena, quineltocaque. Huan yonque inquiitaque queja quipatlaque ininnemilis, noja ax inmoyolcueptoque huan ax inquineltocase. 33Huan Jes'us quinilhui: --Xijtlacaquilica ni huicaltili tlen nimechpohuilis. Itztoya se tlacatl tlen quitojqui xocomecatl ipan imil huan quitzajtzajqui yahualtic huan tlacoyoni campa tepejpechtitla para ipan quipatzcas itlajca. Huan nojquiya quichijqui se tepancali tlen huejcapantic para ipan tlejcos para quimocuitlahuis nochi imil. Huan quincahuilijtejqui ininmaco sequinoc tlacame para ma quimocuitlahuica huan teipa ma quitlajcoitasqu'iaj itlajca nopa mili. Huan teipa nopa tecojtli quisqui huan yajqui huejca. 34Huan quema ajsic tonali para tlatequistli, nopa tecojtli quintitlanqui se ome itlatequipanojcahua para ma quinitatij nopa tlacame para ma quinmacaca tlen ya iaxca tlen nopa tlatequistli. 35Pero nopa tlacame tlen ininmaco eltoya nopa mili quinitzquijque itlatequipanojcahua; huan se quimaquilijque, huan seyoc quimictijque, huan seyoc quitepachojque ica tetl. 36Huan nopa tecojtli sampa quintitlanqui achi miyaqui itlatequipanojcahua huan nojquiya san se quinchihuilijque. 37"Teipa nopa tecojtli quititlanqui itelpoca pampa moilhui temachtli quitlepanitase notelpoca. 38Pero quema nopa ax cuajcualme quiitaque itelpoca, moilhuijque se ica seyoc: 'Yajaya ni tlen teipa quiselis ni xocomeca mili para iaxca. Huajca ma tijmictica huan teipa ni mili elis toaxca.' 39Huajca quiitzquijque itelpoca ininteco huan quimajcajque xocomeca milteno huan quimictijque. 40"Huajca, ¿tlachque inmoilhu'iaj nopa tecojtli quinchihuilis nopa fiero tlacame quema yajaya mocuepas?" 41Huan nopa tlacame quinanquilijque Jes'us: --Nopa tecojtli quinmictis nopa fiero tlacame, niyon ax quintlasojtlas. Huan teipa quincahuilis sequinoc ma quimocuitlahuica ixocomecamil tlen nel'ia quicuepilise tlen iaxca quema oncas tlatequistli. 42Huan Jes'us quinilhui: --¿Ax inquipojtoque campa ijcuilijtoc ipan Itlajtol Toteco campa camati tlen na queja nieli se hueyi tetl? Queja ni quiijtohua: 'Nopa hueyi tetl tlen calchihuani ax quinejque quitequihuise, huan quimajcajque, teipa elqui tlen m'as monequiyaya para yas calnacastla, huan ipan quiquetzase nopa cali. Elis yajaya Toteco tlen quichihua queja nopa ma pano, huan nel'ia yejyectzi tiquitaj tlen quichihua.' 43Huajca nimechilhu'ia Toteco quichihuas queja nopa tecojtli huan ayoc inmechcahuilis incalaquise campa Toteco tlanahuat'ia pampa ax innechnequij, pero quincahuilis ma calaquica tlacame tlen nechselise huan quichihuase tlen cuali queja tlen quinamiqui para tlen itztoque ipan itlanahuatilis. 44Huan tlen ax nechnequi eltos queja se tlen huetzis ipan nopa hueyi tetl huan tlahuel mococos. Huan na nieli nopa hueyi tetl huan quema nijpanajsis tlen ax nechsel'ia, nijchihuas xacualtic. 45Huan quema nopa tlayacanca totajtzitzi huan nopa fariseos quicajque ni eyi huicaltili, quimachilijque para Jes'us camatiyaya tlen yajuanti. 46Pero yonque quinequiyayaj quiitzquise Jes'us para quitzacuase, quinimacasiyayaj nopa miyac tlacame tlen quitlepanitayayaj Jes'us huan quiitayayaj para se itiocamanalojca Toteco.

will be added

X\