MATEO 19

1Huan quema Jes'us tlanqui quinilhu'ia nopa tlacame ni tlajtoli, quisqui estado Galilea huan yajqui estado Judea nechca nopa nali atentli Jord'an campa temo tonati. 2Huan quitoquilijque miyac tlacame huan quinchicajqui nochi tlen mococohuayayaj nopano. 3Huan hualajque sequin fariseos campa Jes'us para quicajcayahuase para ma quiijtos tlen ax cuali. Huan yajuanti quitlajtlanijque: --¿Nopa tlanahuatili quicahuil'ia se tlacatl ma quicahuas isihua ica tlen hueli tlamantli? 4Huan Jes'us quinnanquili: --¿Ax inquipojtoque tlen ijcuilijtoc ipan Itlajtol Toteco campa achtohui Toteco tlasencajqui? Quiijtohua: 'Yajaya quichijqui tlacatl huan sihuatl' para ma itztoca san sejco. 5Huan nojquiya quiijtohua: 'Yeca se tlacatl quicahuas itata huan inana huan mosejcotilis ihuaya isihua huan nopa ome itztose queja san se inintlacayo.' 6Huajca ayoc itztose queja ome. Ama nopa ome mochihuase queja san se inintlacayo. Toteco quinsejcotil'ia se tlacatl ihuaya isihua; huajca ma axaca quiniyocatlalis. 7Huan nopa fariseos quitlajtlanijque: --Huajca ¿para tlen Mois'es huejcajquiya quiijto se tlacatl ma quimaca isihua se amatlajcuiloli campa quiijtos para nopa sihuatl ayoc iaxca huan queja nopa quicahuas? 8Huan Jes'us quinnanquili: --Pampa inyoltetique, Mois'es inmechcahuili intlacame para inquicahuase imosihua ica se amatl, pero Toteco ax queja nopa quisencajqui ma eli ipan ipejya. 9Huan nimechyolmelahua intla se tlacatl quipiya isihua tlen ax quiixpanotoc ica seyoc tlacatl huan nopa tlacatl quicahuas huan mosejcotilis ica seyoc, huajca nopa tlacatl momecat'ia. Huan intla se tlacatl mosejcotilis ica nopa sihuatl tlen ihuehue quicajtejtoc, huajca nopa tlacatl nojquiya momecat'ia. 10Huan tojuanti tiimomachtijcahua tiquilhuijque: --Intla queja nopa monequi para se tlacatl mocahuas ihuaya isihua, huajca m'as cuali ma ax mosihuajti se tlacatl. 11Huan Jes'us quinilhui: --Ax nochi hueli quipiyaj nopa yajatili para mocahuase ininseltitzi. San hueli quichihuaj tlen Toteco quinmacatoc nopa chicahualistli. 12Sequin tlacame tlen quema tlacatque quimatque para ax quema huelis quipiyase ininsihua. Sequinoc ax huelis quipiyase ininsihua pampa sequinoc quincaparojtoque. Huan itztoque sequinoc tlacame tlen ax quipiyaj ininsihua pampa ipan ininyolo quimatij queja nopa achi m'as huelis tequitise ipan itlanahuatilis Toteco tlen itztoc elhuicac. Huajca intla se tlacatl quimachil'ia para huelis mocahuas iselti, ma mocahua iselti. 13Teipa tlacame quinhualicaque ininconehua campa Jes'us para ma quitlali ima huan ma momaijtos. Huan tiimomachtijcahua tiquinajhuaque. 14Pero Jes'us techilhui: --Xiquincahuaca nopa coneme ma hualaca campa na huan amo xiquintzacuilica. Pampa Toteco tlen itztoc nepa elhuicac quinnahuatis tlacame tlen nechsel'iaj queja ni coneme. 15Huajca Jes'us quitlali ima ipan nopa coneme huan quintiochijqui. Teipa quisqui huan yajqui. 16Huan hualajqui se tlacatl campa Jes'us huan quitlajtlani: --Cuali titlamachtijquetl, ¿tlachque tlen cuali monequi nijchihuas para Toteco nechmacas yolistli yancuic para nochipa? 17Huan Jes'us quiilhui: --¿Para tlen tinechnotzqui nicuali? ¿Ta tijmachil'ia para axaca cuali, san Dios? Intla tijnequi Toteco ma mitzmaca yolistli yancuic para nochipa, huajca xiquinneltoquili itlanahuatil. 18Huan nopa tlacatl quitlajtlani: --¿Tlachque itlanahuatilhua Toteco niquintoquilis? Huan Jes'us quiilhui: --Amo xitemicti, amo ximomecati, amo xitlaxtequi, amo xijtestigojquetza tlen ax melahuac tlen seyoc tlacatl. 19Xiquintlepanita motata huan monana. Huan xiquinicneli sequinoc queja timoicnel'ia. 20Huan nopa telpoca tlacatl quiilhui: --Nochi ya ni nijtoquilijtihualajtoc hasta quema niconetzi nieltoya. ¿Tlachque polihui para nijchihuas? 21Huan Jes'us quiilhui: --Intla tijnequi tijchihuas senquistoc tlen Toteco quinequi, xiya huan xijnamacati nochi tlen tijpiya huan xiquinmaca nopa tomi tlen teicneltzitzi. Quej nopa tijpiyas tlen ipati para moaxca nepa elhuicac. Teipa xihuala huan xinechtoquili. 22Pero quema nopa telpoca tlacatl quicajqui tlen Jes'us quiilhui, mocueso huan quistejqui pampa nel'ia tlapijpixtoya. 23Huan Jes'us techilhui tiimomachtijcahua: --Nel'ia nimechilhu'ia, nel'ia ohui para tominpiyani calaquise campa tlanahuatis Toteco tlen itztoc elhuicac. 24Sampa nimechilhu'ia, huelis ax ohui para se hueyi tlapiyali queja se camello panos ipan iixtiyol se huitzmalotl, pero ohui para calaquis se tlacatl tlen tominpiya campa Toteco tlanahuat'ia. 25Quema tiimomachtijcahua tijcajque ni tlajtoli, tlahuel timosentlachilijque huan tiquilhuijque: --Huajca ¿ajqueya huelis momaquixtis tlen itlajtlacolhua? 26Huan Jes'us techtlachili huan techilhui: --Tlacame ax huelis momaquixtise ininseltitzitzi, pero Toteco huelis. Yajaya nochi hueli quichihua. 27Huajca Pedro quiilhui Jes'us: --Xiquita, tojuanti tijcajtejtoque nochi tlen tijpixtoyaj para timitztoquilise. Huajca ¿tlachque tijpiyase? 28Huan Jes'us techilhui: --Nel'ia nimechilhu'ia quema ajsis nopa tonal quema Toteco quiyancuilis nochi tlaltepactli huan quema na tlen niMocuepqui Tlacatl nimosehuis ipan nosiya tlen yejyectzi para nitlanahuatis ica nochi nohueyitilis, imojuanti tlen innechtoquilijtoque inmosehuise ipan majtlactli huan ome siyas tlen yejyectzitzi. Huan inquintlajtolsencahuase nopa majtlactli huan ome huejhueyi familias tlen tlacame tlen hualajque tlen itelpocahua Israel. 29Huan nochi tlen quicajtejtoc ichaj, o itlaca icnihua, o isihua icnihua, o inana, o itata, o iconehua, o imil, o isihua pampa nechneltoquil'iaj, quipantis cien huelta tlen quicajtejtoc huan nojquiya Toteco quimacas yolistli tlen yancuic para nochipa. 30Pero miyac tlacame tlen nochi quintlepanitaj ama, ayoc aca quintlepanitas ipan nopa tonal. Huan miyac tlen axaca quintlepanita ama, nochi quitlepanitase ipan nopa tonal.

will be added

X\