MATEO 17

1Huan quema panotoya chicuase tonali, Jes'us quihuicac Pedro huan Jacobo ihuaya iicni, Juan, huan tlejcoque ininseltitzi ipan se huejcapantic tepetl. 2Huan nepa Jes'us quipatlac itlachiyalis iniixtla. Huan ixayac cahuanqui queja tonati huan iyoyo mocuepqui chipahuac queja tlahuili. 3Huan nimantzi monextijque Mois'es huan El'ias huan pejque quicamahu'iaj Jes'us. 4Huajca Pedro quiilhui Jes'us: --NoTeco, nel'ia cuali para tiitztoque nica. Intla tijnequi, tijchihuase eyi pilxajcaltzitzi. Se para ta, seyoc para Mois'es huan seyoc para El'ias. 5Huan quema Pedro noja quicamahuiyaya Jes'us, temoc se mixtli tlen tlahuiyaya huan quintzajqui. Huan camatqui Toteco Dios ipan nopa mixtli huan quiijto: "Ya ni Nocone tlen niquicnel'ia. Nijpiya miyac paquilistli ica tlen quichihua. Xijtlacaquilica tlen yajaya quiijtohua." 6Huan quema imomachtijcahua quicajque ni tlajtoli, moixtlapachojque huan nel'ia momajmatijque. 7Huan Jes'us quinnechcahuico huan quinpanitzqui sesen yajuanti huan quinilhui: --Ximoquetzaca huan amo ximajmahuica. 8Huan quema yajuanti ajcotlachixque, axaca m'as quiitaque, san Jes'us iselti. 9Huan quema temoyayaj tlen tepetl, Jes'us quinnahuati: --Axaca xiquilhuica tlen inquiitztoque hasta na tlen niMocuepqui Tlacatl niquincajtehuas tlen mictoque huan nimoyolcuis sampa. 10Huan imomachtijcahua Jes'us quitlajtlanijque: --¿Para tlen nopa tlamachtiani tlen itlanahuatil Mois'es quiijtohuaj para achtohuiya monequi hualas El'ias huan teipa hualas nopa Cristo? 11Huan Jes'us quinilhui: --Nel'ia El'ias huala achtohui para tlacualtlaliqui nochi tlamantli. 12Pero nimechilhu'ia, El'ias ya hualajqui huan tlacame ax quiixmatque huan san tlen hueli quichihuilijque. Huan ihuical elis ica na tlen niMocuepqui Tlacatl nojquiya nitlaijiyohuis ininmaco. 13Huajca imomachtijcahua quimachilijque para Jes'us quincamahuiyaya tlen Juan tlen tecuaaltiyaya para yajaya eltoya El'ias. 14Huan yajuanti sampa ajsicoj campa itztoyaj nopa miyac tlacame. Huan hualajqui se tlacatl, huan motlancuaquetzqui iixtla Jes'us huan quiilhui: 15--Tate, xijtlasojtla nocone huan xijchicahua pampa tlapolohua huan tlaijiyohu'ia miyac. Quemantzi huetzi tlixijco huan quemantzi huetzi atitla. 16Niquinhualiquili momomachtijcahua pero ax huelque quichicahuaj. 17Huan Jes'us quinilhui nopa tlacame tlen moquetztoyaj nopano: --¡Ay intlacame tlen ama initztoque, ax innechneltocaj! ¿Tlachque nijchihuas imohuaya? Ax xitlahuac imotlalnamiquilis. ¿Quesqui tonali monequi nimocahuas imohuaya? ¿Quesqui tonali monequi nimechijiyohuis? Huan Jes'us quiilhui nopa tlacatl: --Xinechhualiquili mocone. 18Huan Jes'us quinahuati ma quisa iajacayo Axcualtlacatl tlen calactoya ipan itlacayo huan yajaya quisqui. Huan nopa oquichpil nimantzi mochicajqui. 19Huajca tiimomachtijcahua iyoca tijcamahuitoj Jes'us huan tijtlajtlanijque: --¿Para tlen ax tihuelque tijchihuaj ma quisa nopa ajacatl? 20Huan Jes'us techilhui: --Ax inhuelque pampa noja pilquentzi innechneltocaj. Nel'ia nimechilhu'ia, intla imotlaneltoquilis moscaltisqu'ia queja quichihua se ipilxinacho mostaza, huelis inquinahuatise ni tepetl: 'Ximoijcueni huan xiya nepa' huan nopa tepetl moijcuenis huan mochihuas imotlajtol. Intla cuali intlaneltocase, huelis inquichihuase nochi. 21Pero ni tlamantli ajacame ax quisase intla ax timosahuase huan timomaijtose ipan Toteco para ma quisaca. 22Huan quema tiajsitoyaj ipan tlali Galilea, Jes'us techilhui tiimomachtijcahua: --Nechtemactilise na tlen niMocuepqui Tlacatl ininmaco tlacame, 23huan nechmictise, pero ica eyi tonali nimoyolcuis. Huan tiimomachtijcahua nel'ia timocuesojque. 24Teipa Jes'us huan tiimomachtijcahua tiajsicoj altepetl Capernaum. Huan hualajque campa Pedro itztoya nopa tlacame tlen quisentiliyayaj nopa tomi tlen tlainamaj para tiopamitl huan quitlajtlanijque: --¿Motlamachtijca tlaxtlahua nopa tomi tlen tlainamaj para tiopamitl o axtle? 25Huan Pedro quinnanquili: --Quena, tlaxtlahua. Teipa Pedro yajqui quiitato Jes'us campa itztoya ipan se cali. Huan quema Pedro noja aya tleno quiilhuiyaya, Jes'us quitlajtlani: --¿Quejatza tiquita, Pedro? Quema tlanahuatiani ipan ni tlaltepactli tlainamaj impuesto, ¿ajqueya quininamaj? ¿Quininamaj ininconehua o sejcoyoc ehuani? 26Huan Pedro quinanquili: --Quininamaj sejcoyoc ehuani. Huan Jes'us quiilhui: --Huajca ax monequi para tojuanti tlen tiiconehua nopa tlanahuatijquetl ma titlaxtlahuaca. 27Pero para ax titecualancamacase, nojquiya titlaxtlahuase. Xiya nepa campa hueyi atl huan xijmajcahua se tepos huijcoli para michime. Xijtlalana nopa michi tlen achtohui tijmasiltis, huan ipan icamac tijpantis se tomi tlen quiaxilis para titlaxtlahuase tlen tlainamaj para tiopamitl. Huajca xijhuica huan xitlaxtlahuati para na huan para ta.

will be added

X\