MATEO 14

1Ipan nopa tonali Tlanahuatijquetl Herodes 'Antipas tlen quinahuatiyaya estado Galilea quicajqui para Jes'us quichihuayaya miyac chicahualnescayotl. 2Huan quinilhui itequipanojcahua: "Ni tlacatl Jes'us, yajaya Juan tlen tecuaaltiyaya. Nijmicti, pero ama moyolcuitoc huan yeca quipiya chicahualistli para quichihuas huejhueyi chicahualnescayotl." 3- 4Quej ni mijqui Juan. Quipiyayaya tonali quema Tlanahuatijquetl Herodes mocuilijtoya se sihuatl tlen itoca Herod'ias tlen achtohui eliyaya isihua Herodes Felipe I, iicni Herodes. Pero hualajqui Juan tlen tecuaaltiyaya huan quiilhui para ax cuali itztoc ihuaya ihuejpol, huajca Tlanahuatijquetl Herodes quiitzqui Juan, quiilpi huan quitzajqui. 5Huan Herodes quinequiyaya quimictis pero quinimacasiyaya nopa miyac tlacame tlen quiitayayaj Juan para se tiocamanalojquetl. 6Pero quema quiaxiti ixihui Tlanahuatijquetl Herodes, ilhuichijqui huan itepotz ichpoca mijtotico iixtla ya huan itlanotzalhua. Yajaya eliyaya iichpoca Herod'ias tlen ama isihua. Huan Tlanahuatijquetl Herodes nel'ia quipacti queja mijtoti. 7Huajca Tlanahuatijquetl Herodes quitencahuili quimacasqu'ia nopa ichpocatl tlen hueli tlamantli tlen quitlajtlanisqu'ia. 8Huan inana nopa ichpocatl, yajaya tlen itocayaya Herod'ias, ya quiilhuijtoya iichpoca tlachque ma tlajtlani. Huajca nopa ichpocatl quiilhui nopa tlanahuatijquetl: --Xinechmaca amantzi ipan se hueyi plato itzonteco Juan tlen tecuaaltiyaya. 9Huan yonque mocueso nopa tlanahuatijquetl, tlanahuati ma quimacaca pampa quitencahuilijtoya quimacas tlen quitlajtlanisqu'ia iniixtla itlanotzalhua tlen tlacuayayaj ihuaya. 10Huajca tlatitlanqui ma quiquechtzontequiti Juan ipan tlatzactli. 11Huan quihualicaque itzonteco ipan se hueyi plato huan quimacaque nopa ichpocatl. Huan nopa ichpocatl quimactili inana. 12Huan hualajque imomachtijcahua Juan huan quihuicaque itlacayo huan quitlalpachotoj. Teipa yajque quiyolmelahuatoj Jes'us para mijqui Juan tlen tecuaaltiyaya. 13Huan quema Jes'us quicajqui para ya mijqui Juan, quisqui nepa campa itztoya, huan yajqui iselti ipan cuacanahua hasta sejcoyoc campa tlatzitzica. Huan nopa miyac tlacame quicajque canque yohuiyaya. Huan quisque inialtepehua huan quitoquilijque icxinejnemiyayaj. Huan quimacaque se huelta campa nopa hueyi atl hasta campa Jes'us ajsiti ipan icuacanahua. 14Huan quema Jes'us temoc ipan cuacanahua, quinitac nopa miyac tlacame huan quintlasojtlac. Huan quinchicajqui nopa cocoyani tlen quinhualiquiliyayaj. 15Huan quema pejqui tlayohua, tiimomachtijcahua tiajsicoj huan tiquilhuijque: --Tlayohuaya huan nica ax onca caltini. Huajca xiquintitlani ni tlacame ma yaca, pampa monequi quicohuatij tlen quicuase campa pilaltepetzitzi. 16Pero Jes'us techilhui: --Ax monequi yase. Imojuanti xiquintlamacaca. 17Huan tiimomachtijcahua tiquilhuijque: --Tojuanti san tijpiyaj nica macuili pantzi huan ome michime. 18Huan Jes'us techilhui: --Xinechhualiquilica tlen inquipiyaj. 19Huan Jes'us quinilhui nochi nopa tlacame ma mosehuica sacapetlaixco. Huan quiitzqui nopa macuili pantzi huan nopa ome michime, huan ajcoitac elhuicac, huan quitlascamatqui Toteco. Teipa quitlajcotlapanqui nopa pantzi huan techmacac tojuanti tiimomachtijcahua huan tiquinmajmacaque nopa miyac tlacame. 20Huan nochi yajuanti tlacuajque huan cuali ixhuique. Huan teipa tijsentilijque nopa panpayaxtli huan michpayaxtli tlen mocajqui, huan tijtemitijque majtlactli huan ome chiquihuitl. 21Huan itztoyaj nepa nechca macuili mil san tlacame tlen tlacuajque huan ax tiquinpojque quesqui sihuame huan coneme. 22Huan nimantzi Jes'us techilhui tiimomachtijcahua ma ticalaquica ipan cuacanahua huan ma titlayacanaca hasta seyoc nali. Huan yajaya mocajqui para quinnahuatijtehuas nopa miyac tlacame. 23Huan Jes'us quinnahuatijtejqui huan tlejcoc iselti ipan se tepetl para momaijtos. Huan quema tlayohuaya, itztoya nepa iselti. 24Huan tocuacanahua tlen ipan tiyohuiyayaj nejnentoya hasta tlajco ipan hueyi atl quema pejqui tlaajaca chicahuac. Huan pejqui quicuatopehua tocuacanahua, huan nopa atl techhuicayaya huan ayoc huelqui tiyohuij para seyoc nali. 25Huan quema tlanestihualayaya, Jes'us monechcahuico campa tojuanti nejnentihualayaya aixco. 26Huan tiimomachtijcahua tiquitaque nejnemiyaya aixco, huan timomajmatijque huan titzajtzique: --Huala se animajtzi. Huan nel'ia timomajmatijque. 27Pero Jes'us nimantzi technojnotzqui huan techilhui: --Ximosemacaca. Na niJes'us. Amo ximomajmatica. 28Huan Pedro quiilhui Jes'us: --NoTeco, intla nel'ia ta, huajca xijchihua ma ninejnemi aixco hasta campa tiitztoc. 29Huan Jes'us quiilhui: --Xihuala. Huan Pedro quisqui ipan cuacanahua huan nejnenqui aixco para ajsis campa Jes'us. 30Pero quema quicajqui nopa ajacatl tlen hualayaya chicahuac, nel'ia momajmati huan pejqui atzonpolihui, huan tzajtzic: --NoTeco xinechmanahui. 31Huan nimantzi Jes'us quimaitzqui huan quiilhui: --┬┐Para tlen timomajmati? ┬┐Para tlen pilquentzi tinechneltoca? 32Huan quema Jes'us ihuaya Pedro tlejcoque ipan tocuacanahua, nopa ajacatl moquetzqui. 33Huan tiimomachtijcahua tijhueyichijque huan tiquilhuijque: --Nel'ia ta tiIcone Toteco. 34Huan teipa quema Jes'us huan tiimomachtijcahua tiquixcotonque nopa hueyi atl, tiajsitoj tlali Genesaret. 35Huan nopa tlacame nepa quiixmatque Jes'us huan campa hueli tlayolmelahuatoj ipan inintlal para ya ajsito. Huajca tlacame quinhualicaque campa ya nochi tlen mococohuayayaj para ma quinchicahua. 36Huan nopa cocoyani quitlajtlaniyayaj Jes'us ma quincahuili quitoxomase iyoyo. Huan nochi tlen quitoxomayayaj iyoyo, mochicahuayayaj.

will be added

X\