MATEO 12

1Ipan nopa tonali, ipan se s'abado quema tiisraelitame timosehu'iaj, Jes'us panoyaya ipan se mili tlen quipixqui toctli tlen trigo. Huan tiimomachtijcahua timayanayayaj huan tijquechcocototzque quentzi trigo huan tijcuajque. 2Huan nopa fariseos techitaque huan quiilhuijque Jes'us: --Xiquita tlen quichihuaj momachtijcahua. Yajuanti tequitij, pampa quipixcaj trigo huan ama s'abado. Huan itlanahuatil Mois'es technahuat'iaj tiisraelitame ma ax titequitica ipan ni tonal. 3Huajca Jes'us quinilhui: --Huelis ax inquipojtoque tlen David huan ihuampoyohua quichijque quema tlahuel mayanayayaj huan ax elqui se tlajtlacoli. 4Calajque ipan ichaj Toteco huan quicuajque nopa pantzi tlen totajtzitzi quitlalil'iaj iixtla Toteco. Huan itlanahuatilhua Mois'es ax quicahuili para David, niyon tlen itztoyaj ihuaya ma quicuaca, pampa quiijto san totajtzitzi huelis quicuase nopa pantzi. 5Nojquiya huelis ax inquipojtoque ipan itlanahuatilhua Mois'es campa quiijto para nopa totajtzitzi monequi quiixpanose nopa tlanahuatili para ma ax tequitica ipan s'abado, pampa monequi tequitise ipan tiopamitl huan ya nopa ax elqui tlajtlacoli. 6Huan nimechilhu'ia na niitztoc m'as nihueyi iixtla Toteco que nopa tiopamitl. 7Huelis ax inquimachil'iaj Itlajtol Toteco campa quiijtohua: 'Nijnequi xiquintlasojtlaca tlacame, ax nijnequi san xinechmacaca tlapiyalime para tlacajcahualistli.' Intla inquimachilijtosqu'iaj, inquintlasojtlatosqu'iaj nomomachtijcahua tlen mayanaj, huan ax inquinteilhuijtosqu'iaj pampa ax tleno ax cuali quichijtoyaj. 8Na tlen niMocuepqui Tlacatl nijpiya tlanahuatili para niquinilhuis tlacame tlachque huelis quichihuase ipan s'abado, ni tonal para ma timosehuica tiisraelitame. 9Jes'us quistejqui nepa huan yajqui inintiopa. 10Huan nepa itztoya se tlacatl tlen mahuactoya. Huan nopa fariseos quitemohuayayaj tlen ica quiteilhuisqu'iaj Jes'us, huajca quitlajtlanijque: --¿Techcahuil'iaj itlanahuatil Mois'es para tijchicahuas se tlacatl ama ipan ni tonal para tiisraelitame timosehuise? 11Huan Jes'us quinilhui: --Intla se tlen imojuanti quipiyasqu'ia se borrego tlen huetzisqu'ia ipan ostotl ipan s'abado, ni tonal para timosehuise, ¿ax tijquixtisqu'ia? 12Se tlacatl ipati m'as que se borrego. Huajca quena, quinamiqui para tijchihuase tlen cuali ipan ni tonal para timosehuise. 13Huajca Jes'us quiilhui nopa tlacatl tlen mahuactoya: --Xijxitlahua moma. Huan yajaya quixitlajqui huan mocualtili queja nopa seyoc ima. 14Huajca nopa fariseos quisque nepa huan mocamahuijque san sejco quejatza quichihuase para quimictise Jes'us. 15Jes'us quimatiyaya tlen nopa tlacame quisencahuayayaj quichihuase, huajca quisqui nepa. Huan quitoquiliyayaj miyac tlacame, huan quinchicajqui nochi tlen mococohuaj nepa. 16Pero quinilhui ma ax quinilhuise sequinoc ajqueya ya. 17Ica nochi ni tlamantli tlen Jes'us quichijqui tlanqui nopa tlajtoli tlen Toteco quiijto huejcajquiya huan tlen tiocamanalojquetl Isa'ias quiijcuilo. Quiijto: 18"Xijtlachili ni notequipanojca tlen nijtlapejpenijtoc. Niquicnel'ia miyac, yajaya quichihua tlen tlahuel nechpact'ia. Na nijtlalis Notonal ipan ya, huan yajaya quinilhuis tlacame tlen ax israelitame tlen nopa tonal quema Toteco tetlajtolsencahuas. 19Yajaya ax tlatehuis, niyon ax tzajtzis. Ax tlahuejchihuas tlamiyacapa ipan calle. 20Quipiyas iyolo ica tlen ax quipiyaj chicahualistli, huan quinpalehuis tlen ax quimatij tlen quichihuase. Quena, yajaya iselti tlanahuatiqui nica huan quichihuas ma tlatlani tlen xitlahuac. 21Huan ipan ya, nochi tlaltepac ehuani mochiyase para ma quinmaquixti." 22Teipa quihualicaque campa Jes'us se tlacatl tlen quipixtoya iajacayo Axcualtlacatl ipan itlacayo. Huan nopa ajacatl quichijtoya para ax hueli tlachiyas huan ax hueli camatis. Huan Jes'us quichicajqui huan yajaya huelqui camati huan huelqui tlachiya. 23Huan nochi nopa miyac tlacame quisentlachilijque quema quiitaque tlen Jes'us quichijqui huan moilhuiyayaj se ica seyoc: "¿Huelis yajaya iteipa ixhui Tlanahuatijquetl David tlen Toteco techilhui techtitlanilisqu'ia?" 24Huan nopa fariseos quicajque tlen yajuanti quiijtohuayayaj huan quiijtojque: "Ni Jes'us quinquixt'ia ajacame ica ichicahualis Axcualtlacatl tlen quinyacana nochi ajacame." 25Pero Jes'us quimatiyaya nochi tlen nopa tlacame moilhuiyayaj, huan huajca quinilhui: "Intla se tlanahuatijquetl ipan se tlali quinpiya itlacajhua tlen moxelohuaj huan tlajco motehu'iaj ica seyoc tlajco, tlamis ichicahualis nopa tlali. Nojquiya intla se altepetl o se familia ipan ininchaj motehuise, ax huejcahuase nojquiya. 26Ihuical elisqu'ia intla nopa Axcualtlacatl nechmacasqu'ia fuerza para niquinquixtilisqu'ia tlen ya iajacahua ipan tlacame, motlajcoxelosqu'ia huan ax huejcahuasqu'ia itequihuejcayo ica iajacahua. 27Inquiijtojque niquinquixt'ia iajacahua ica itlapalehuil Axcualtlacatl, pero yajuanti tlen inmechtoquil'iaj nojquiya quinquixt'iaj iajacahua Axcualtlacatl tlen calactoque ipan tlacame. ¿Huelis inmoilhu'iaj nopa Axcualtlacatl quinpalehu'ia nojquiya? ¡Ax melahuac! Hasta imotlatoquilijcahua inmechilhuise para inmocuapolojtoque. 28Pero ximoilhuica. Intla na niquinquixt'ia iajacahua Axcualtlacatl ica ichicahualis Itonal Toteco, huajca ximomacaca cuenta para ajsicoya imohuaya Toteco tlen huelis tlanahuatis ipan imoyolo. 29"Ximoilhuica, axaca huelis calaquis ichaj se tlacatl tlen tetixtoc queja Axcualtlacatl huan quiquixtilis tlen iaxca intla achtohui ax quitlanis huan quiilpis. Huajca quena, huelis quiquixtilis tlen quipiya queja na niquinquixtil'ia tlen iaxcahua Axcualtlacatl. 30"Se tlacatl tlen ax itztoc nohuaya, itztoc nocualancaitaca. Tlen ax nechpalehu'ia para niquinnotzas tlacame campa na, quinsemana tlen hualahuij nohuaya. 31"Nimechilhu'ia, Toteco hueli quintlapojpolhu'ia tlacame nochi tlajtlacoli tlen quichihuaj huan nochi tlajtoli tlen ax cuali quiijtohuaj, pero intla se quimahuispolos Itonal Toteco, Toteco ax quema quitlapojpolhuis. 32Huajca intla se camatis tlen hueli tlen na tlen niMocuepqui Tlacatl, Toteco huelis quitlapojpolhuis, pero intla quimahuispolos Itonal Toteco, Toteco ax quitlapojpolhuis ipan ni tonali, niyon ipan nopa tonali tlen hualas. 33"Tlacame quiixmatij se cuali cuahuitl pampa temaca itlajca tlen cuali. Monequi inquiijtose cuali se cuahuitl pampa cuali itlajca o xiquijtoca ax cuali se cuahuitl pampa ax cuali itlajca. 34Imojuanti initztoque queja incohuame, huajca ¿quejatza hueli inquiijtose tlen cuali? Pampa se tlacatl camati tlen eltoc ipan iyolo. 35Se cuali tlacatl quiijtohua tlen cuali pampa cuali iyolo, pero fiero tlacame quiijtohuaj tlen fiero tlajtoli pampa fiero ininyolo. 36Huan nimechilhu'ia, quema Toteco tetlajtolsencahuas, yajaya nojquiya quintlatzacuiltis tlacame ipampa nochi fiero tlajtoli tlen quiijtojque. 37Quena, intla inquiijtojque tlen cuali ama, Toteco inmechilhuis ax inquihuicaj tlajtlacoli. Pero intla inquiijtojque tlen fiero ama, Toteco inmechtlatzacuiltis." 38Teipa sequin fariseos huan tlamachtiani tlen itlanahuatil Mois'es quitlajtlanijque Jes'us: --Tlamachtijquetl, tojuanti tijnequij xijchihua se tlanescayotl para technextilis nel'ia tijpiya chicahualistli. 39Huan Jes'us quinnanquili: --Imojuanti tlen initztoque ama, nel'ia infiero tlacame huan inquicajtejtoque Toteco. San imojuanti innechtlajtlan'iaj m'as tlanescayotl para innechneltocase. Pero ax nimechmacas seyoc tlanescayotl. San nopa tlanescayotl tlen tiocamanalojquetl Jon'as elis se tlanescayotl para imojuanti. 40Pampa queja Jon'as itztoya eyi tonali huan eyi yohuali iijtico nopa hueyi tlapiyali ipan hueyi atl, na nojquiya tlen niMocuepqui Tlacatl, niitztos ipan tlalcoyoctli para eyi tonali huan eyi yohuali. 41Ipan nopa tonal quema Toteco tetlajtolsencahuas, nopa tlacame tlen huejcajquiya itztoyaj ipan altepetl N'inive moquetzase huan inmechteilhuise. Pampa nopa N'inive ehuani moyolcuepque quema Jon'as quinilhuito itlajtol Toteco, pero xiquitaca, na niitztoc m'as hueyi que Jon'as huan ax inquinequij innechneltocase. 42Nojquiya ipan nopa tonal quema Toteco tetlajtolsencahuas, nopa hueyi sihua tlanahuatijquetl tlen Sur moquetzas huan inmechteilhuis tlen initztoque ama. Pampa nopa sihua tlanahuatijquetl hualajqui huejca para quicaquis itlajtol Salom'on pampa quimatqui tlahuel tlalnamiqui. Huan na niitztoc m'as hueyi que Salom'on, pero ax inquinequij innechtlacaquilise. 43"Quema se iajacayo Axcualtlacatl quisa ipan se tlacatl, nopa ajacatl nemi campa tlahuactoc huan campa hueli quitemojtinemi campa mosehuis, huan intla ax tleno quipant'ia, 44huajca quiijtohua: 'Nimocuepas ipan nopa tlacatl tlen nijcajtejqui.' Huan mocuepas huan quipantis axaca itztoc ipan iyolo nopa tlacatl. Nepa cactoc. Eltoc queja se cali tlen tlachpantli huan tlen quipiya nochi tlacualtlalili. 45Huajca nopa ajacatl yas huan quinhualicas ihuaya sequinoc chicome ajacame tlen achi m'as fierojtique que ya. Huan nopa tlacatl elis m'as fiero teipa ica chicome ajacame que eltoya achtohuiya ica san setzi. Quej nopa nojquiya elis ica imojuanti tlen ama initztoque, teipa initztose m'as fierojtique que ama." 46Quema Jes'us quincamahuiyaya nopa tlacame, hualajque inana huan iicnihua huan moquetzacoj calteno. Quinequiyayaj quicamahuise. 47Huajca se tlacatl quiilhui Jes'us: --Monana huan moicnihua itztoque calteno huan quinequij mitzcamahuise. 48Pero Jes'us quinanquili: --¿Ajqueya nonana?, huan ¿ajqueya noicnihua? 49Huan Jes'us techmanexti tiimomachtijcahua huan quiilhui nopa tlacatl: --Xiquita, ni tlacame tlen itztoque nica niquinita queja nonana huan queja noicnihua. 50Pampa tlen quichihua ipaquilis noTata tlen itztoc elhuicac, yajaya noicni huan nonana.

will be added

X\