MATEO 1

1Ni amatl quipiya inintoca ihuejcapan tatahua Jesucristo. Yajaya se iteipa ixhui David huan se iteipa ixhui Abraham. 2Abraham tlen itztoya huejcajquiya quipixqui se icone tlen quitocaxti Isaac. Huan Isaac quipixqui se icone tlen quitocaxti Jacob. Huan Jacob quinpixqui majtlactli huan ome iconehua huan se tlen nopa majtlactli huan ome elqui itoca Jud'a. 3Jud'a huan nopa sihuatl Tamar quinpixque ome ininconehua huan quintocaxtijque Fares huan Zara. Huan Fares quipixqui se icone tlen quitocaxti Esrom. Esrom quipixqui se icone tlen quitocaxti Aram. 4Aram quipixqui se icone tlen quitocaxti Aminadab. Huan Aminadab quipixqui se icone tlen quitocaxti Naas'on. Naas'on quipixqui se icone tlen quitocaxti Salm'on. 5Huan Salm'on huan isihua Rahab quipixque se inincone tlen quitocaxtijque Booz. Booz huan isihua Rut quipixque se inincone tlen quitocaxtijque Obed. Obed quipixqui se icone tlen quitocaxti Isa'i. 6Huan Isa'i quipixqui se icone tlen quitocaxti David tlen moscalti huan elqui nopa hueyi tlanahuatijquetl. Huan nopa hueyi tlanahuatijquetl David quipixqui se icone tlen quitocaxti Salom'on. Huan inana Salom'on eliyaya tlen achtohui elqui isihua Ur'ias. 7Huan Salom'on quipixqui se icone tlen quitocaxti Roboam. Roboam quipixqui se icone tlen quitocaxti Ab'ias. Huan Ab'ias quipixqui se icone tlen quitocaxti Asa. 8Asa quipixqui se icone tlen quitocaxti Josafat. Huan Josafat quipixqui se icone tlen quitocaxti Joram. Joram quipixqui se icone tlen quitocaxti Uz'ias. 9Huan Uz'ias quipixqui se icone tlen quitocaxti Jotam. Jotam quipixqui se icone tlen quitocaxti Acaz. Acaz quipixqui se icone tlen quitocaxti Ezequ'ias. 10Huan Ezequ'ias quipixqui se icone tlen quitocaxti Manas'es. Manas'es quipixqui se icone tlen quitocaxti Am'on. Am'on quipixqui se icone tlen quitocaxti Jos'ias. 11Huan Jos'ias quipixqui se icone tlen quitocaxti Jecon'ias huan nojquiya quinpixqui m'as iconehua. Jos'ias huan iconehua itztoyaj ipan nopa tonali quema hualajque tlali Babilonia ehuani huan quinhuicaque nechca nochi israelitame ilpitoque para ma quintequipanotij ipan inintlal. 12Huan teipa nepa ipan tlali Babilonia Jecon'ias quipixqui se icone tlen quitocaxti Salatiel. Huan Salatiel quipixqui se icone tlen quitocaxti Zorobabel. 13Huan Zorobabel quipixqui se icone tlen quitocaxti Abiud. Abiud quipixqui se icone tlen quitocaxti Eliaquim. Eliaquim quipixqui se icone tlen quitocaxti Azor. 14Huan Azor quipixqui se icone tlen quitocaxti Sadoc. Sadoc quipixqui se icone tlen quitocaxti Aquim. Aquim quipixqui se icone tlen quitocaxti Eliud. 15Huan Eliud quipixqui se icone tlen quitocaxti Eleazar. Eleazar quipixqui se icone tlen quitocaxti Mat'an. Mat'an quipixqui se icone tlen quitocaxti Jacob. 16Huan Jacob quipixqui se icone tlen quitocaxti Jos'e tlen moscalti huan mosihuajti ihuaya Mar'ia. Huan Mar'ia elqui inana Jes'us. Huan Jes'us elqui nopa Cristo tlen Toteco Dios quititlanqui ipan ni tlaltepactli. 17Huajca majtlactli huan nahui huejhueyi tatame quinpixque ininconehua tlen quema Abraham itztoya ipan tlaltepactli hasta quema Tlanahuatijquetl David itztoya. Huan seyoc majtlactli huan nahui huejhueyi tatame quinpixque ininconehua tlen quema David itztoya ipan tlaltepactli hasta quinhuicaque nechca nochi israelitame ipan tlali Babilonia. Huan seyoc majtlactli huan nahui huejhueyi tatame quinpixque ininconehua tlen quema quinhuicaque israelitame ipan tlali Babilonia hasta quema tlacatqui Cristo tlen Toteco Dios quititlanqui ipan tlaltepactli. 18Quej ni panoc quema tlacatqui Jesucristo. Inana Jes'us quitocaxtiyayaj Mar'ia huan ya quiijtlantoya Jos'e huan quisencajtoyaj ipan amatl para mocuilis queja momatque quichihuaj. Huan ipan nopa xihuitl quema polihuiyaya para mosejcotilise, Jos'e quimatqui para Mar'ia ya tlanemiltiyaya, pero elqui ichicahualis Itonal Toteco tlen quichijqui ma conepiya. 19Huan Jos'e, tlen ya eltoya ihuehue Mar'ia ipan amatl, eliyaya se tlacatl xitlahuac huan ax quinequiyaya quipinahualtis iniixtla tlacame. Huajca moilhui m'as cuali moamaxolehuas ihuaya Mar'ia ixtacatzi para mocahuase. 20Huan quema Jos'e moilhuiyaya tlen quichihuasqu'ia, quiitac ipan se temictli se ielhuicac ejca Toteco quiilhui: "Xitlacaqui Jos'e, ta tiiteipa ixhui David tlen huejcajquiya itztoya. Amo ximajmahui para timocuilis Mar'ia, mosihua, pampa nopa conetl tlen quinemilt'ia, pejqui ica ichicahualis Itonal Toteco. 21Huan Mar'ia quitlacatiltis se oquichpil huan tijtocaxtis: 'Jes'us' tlen quiijtosnequi Temaquixtijquetl pampa quinmaquixtis itlacajhua tlen inintlajtlacolhua." 22Huajca nochi ya ni panoc para ma tlami tlen Toteco Dios techilhui ica itiocamanalojca huejcajquiya para teipa panos. Yajaya techilhui: 23"Xiquita se cuali ichpocatl tlen ax quema itztoya ihuaya se tlacatl elis conehue, huan quitlacatiltis se oquichpil huan quitocaxtis: Emanuel. Emanuel quiijtosnequi: 'Toteco itztoc tohuaya.' " 24Huajca quema Jos'e isac, quichijqui senquistoc tlen ielhuicac ejca Toteco quiilhuijtoya. Quicuito Mar'ia queja isihua, 25pero Jos'e ax quinechcahui hasta tlacatqui icone. Huan Mar'ia quitlacatilti iachtohui ejca cone, se piloquichpiltzi. Huan Jos'e quitocaxti Jes'us.

will be added

X\