MARCOS 3

1Jes'us sampa calajqui ipan se israelita tiopamitl huan nopano itztoya se tlacatl tlen mahuactoya. 2Huan nopa fariseos san quitlachiliyayaj intla Jes'us quichicahuasqu'ia para quiteilhuise pampa elqui se tonal para ma timosiyajcahuaca tiisraelitame. 3Huajca Jes'us quiilhui nopa tlacatl tlen mahuactoya: --Ximoquetza huan xihuala nica tlatlajco ni tlacame. 4Huan nimantzi Jes'us quintlajtlani nopa fariseos, quinilhui: --¿Ipan ni tonal para timosiyajcahuase inquiitaj quinamiqui ma tijchihuaca tlen cuali o tlen ax cuali? ¿Ma tiquinpalehuica tlacame o ma tiquinmictica? Pero nopa fariseos ax molinijque. 5Huajca Jes'us quintlachili huan cualanqui. Mocueso pampa nopa fariseos tlahuel yoltetique. Huajca Jes'us quiilhui nopa tlacatl: --¡Xijxitlahua moma! Huan quixitlajqui ima huan cuali mochicajqui. 6Huajca quisque nopa fariseos huan nimantzi pejque motlajtolmacaj ica sequinoc tlacame tlen quitoquiliyayaj Herodes quejatza huelis quimictise Jes'us. 7Huan Jes'us quisqui ihuaya imomachtijcahua huan yajque iteno hueyi atl. Huan quintoquilijque tlahuel miyac tlacame tlen ejque estado Galilea huan estado Judea. 8Nojquiya itztoyaj tlacame tlen altepetl Jerusal'en, huan tlen estado Idumea huan tlen nopa tlali tlen mocahua ipan seyoc nali nopa atemitl Jord'an. Nojquiya hualajque tlacame tlen ejque nechca altepetini Tiro huan Sid'on. Miyaqui tlacame quicactoyaj nochi tlen Jes'us quichihuayaya huan yeca yohuiyayaj campa yajaya itztoya. 9Huan Jes'us quinilhui imomachtijcahua ma quichiyaca ica se cuacanahua para ipan tlejcos para ma ax quitetzopaca nopa tlacame. 10Pampa Jes'us quinchicajtoya miyac cocoyani huan nochi tlen mococohuayayaj nochipa quicuatopejtiyohuiyayaj chicahuac para quiitzquise. 11Huan quema tlacame tlen quipiyayayaj se iajaca Axcualtlacatl quiitayayaj Jes'us, motlancuaquetzayayaj iixtla huan chicahuac nopa ajacame quiijtohuayayaj: --¡Ta tiIcone Dios! 12Pero Jes'us chicahuac quinnahuatiyaya ma ax quinilhuica tlacame ajqueya yaja. 13Teipa Jes'us tlejcoc ipan se tepetl huan quinnotzqui san nopa tlacame tlen quinequiyaya ma yaca ihuaya, huan yajuanti yajque campa ya. 14Huan Jes'us quintlapejpeni majtlactli huan ome imomachtijcahua para ma itztoca ihuaya huan para quintitlanis ma teilhuitij itlajtol Toteco. 15Nojquiya Jes'us quintlapejpeni para ma quipiyaca tequihuejcayotl quinchicahuase cocoyani huan quinquixtilise iajacahua Axcualtlacatl tlen calactoyaj ipan tlacame. 16Huajca nicani eltoc inintoca nopa tlacame tlen quintlapejpeni: Sim'on, tlen Jes'us quitocaxtlali Pedro, 17Jacobo ihuaya iicni, Juan, tlen eliyayaj iconehua Zebedeo. Jes'us quintocaxtiyaya nopa ome Boanerges, tlen quinequi quiijtos tlacame tlen itztoque queja se tlatomonilotl pampa mosisiniyayaj. 18Nojquiya quintlapejpeni Andr'es, Felipe, Bartolom'e, Mateo, Tom'as, Jacobo icone Alfeo, Tadeo huan Sim'on tlen moiyocatlaliyaya ica nopa partido cananista. 19Huan quitlapejpeni Judas Iscariote tlen teipa quitemactili Jes'us. 20Teipa Jes'us ihuaya imomachtijcahua mocuepque huan sampa calajque ipan se cali. Huan sampa mosentilijque miyac tlacame, huan yeca Jes'us ihuaya imomachtijcahua ax quipiyayayaj niyon se tlalochtli para tlacuase. 21Huan quema quicajque iteixmatcahua Jes'us para ax quipixqui se tlalochtli para tlacuas, hualajque para quihuicase pampa quiijtohuayayaj: "Molocojchijtoc." 22Pero ajsicoj tlen Jerusal'en sequin tlamachtiani tlen itlanahuatil Mois'es. Yajuanti teilhuiyayaj para Jes'us quipixqui Axcualtlacatl yajaya tlen quinyacana nochi ajacame, huan yeca quimacatoya Jes'us chicahualistli quinquixtis ajacame tlen calactoque ipan sequinoc. 23Huajca Jes'us quinnotzqui nopa tlamachtiani tlen itlanahuatil Mois'es huan quinilhui ica huicalotl, quiijto: "¿Quejatza huelis Axcualtlacatl quinquixtis ajacame tlen iaxcahua? 24Intla se tlali ica san se tlanahuatijquetl motlajcoxelohua, ax huejcahuas pampa seyoc tlali quitlanis nimantzi. 25Huan intla ichampoyohua se tlacatl ipan se cali motlajcoxelohuaj, ax hueli mocahuase san sejco. 26Huan intla Axcualtlacatl mocualan'ia ica iaxcahua, huan motlajcoxelohuaj, ax huejcahuas pampa yajaya iselti quintzontlamiltis tlen iaxcahua. 27"Axaca huelis calaquis ichaj se tlen tetixtoc queja Axcualtlacatl huan quiquixtilis tlen iaxca intla achtohui ax quiilpis. Huajca quena, huelis quiquixtilis tlen iaxca. 28"Nel'ia nimechilhu'ia noTata huelis quintlapojpolhuis nochi inintlajtlacolhua tlacame huan nochi tlen fiero camatij, 29pero ajqueya quitlaijilhuis itequi Itonal Toteco huan quiijtos para tlen yajaya quichijtoc eltoc se tlamantli tlen fiero, Toteco ax quema quitlapojpolhuis. Nopa tlacatl quihuicas nopa tlajtlacoli para nochipa." 30Jes'us quiijto ya ni pampa yajuanti quiijtohuayayaj para yajaya quipixtoya se iajaca Axcualtlacatl. 31Teipa ajsico inana ihuaya iicnihua Jes'us, pero mocajque calteno huan tlatitlanque ma quinotzatij Jes'us. 32Huan nopa tlacame tlen mosiyajcahuayayaj huan quiyahualohuayayaj Jes'us, quiilhuijque: --Xiquita, monana huan moicnihua itztoque calteno huan mitztemohuaj. 33Pero Jes'us quinnanquili: --¿Ajqueya nonana? huan ¿ajqueya noicnihua? 34Huan quintlachili nopa tlacame tlen quiyahualohuayayaj huan quinilhui: --Xiquitaca ni tlacame tlen itztoque nica, yajuanti niquinita para nonana huan noicnihua, 35pampa ajqueya quichihua tlen Toteco Dios quinequi, yajaya niquita queja noicni huan nonana.

will be added

X\