MARCOS 16

1Ipan s'abado ica tiotlac quema ya tlantoya nopa tonal quema tiisraelitame timosiyajcahuaj, Mar'ia Magdalena, Mar'ia inana Jacobo, huan Salom'e quicojque tlaajhuiyacayotl para quitlalilise itlacayo Jes'us. 2Huan ijnaltzi ipan domingo, nopa achtohui tonal ipan samano, yajque campa tlacacahuaya quema quistihualayaya tonati. 3Huan motlatzintoquiliyayaj: --┬┐Ajqueya techijcuenilis nopa hueyi tetl tlen ica quitzactoque nopa tlacacahuaya? 4Pero quema ajsitoj nepa, quitlachilijque huan quiitaque para ya quiijcuenijtoyaj nopa tetl yonque nel'ia hueyi. 5Huan calajque ipan nopa tlacacahuaya, huan nepa ica ininnejmatl quiitaque mosehuijtoya se telpoca tlacatl tlen moquentijtoya iyoyo chipahuac huan huehueyac. Huan nopa sihuame momajmatijque. 6Pero nopa telpoca tlacatl quinilhui: --Amo ximomajmatica. Nijmati inquitemohuaj Jes'us, nopa Nazaret ejquetl tlen quicuamapeloltijque. Pero axaca itztoc nica, ya moyolcuitoc. Xijtlachilica campa quitectoyaj. 7Huan xiyaca, xiquinilhuitij imomachtijcahua ihuaya Pedro para Jes'us inmechyacanas hasta nepa estado Galilea. Nepa inquiitase queja yajaya inmechilhui achtohui. 8Huajca nopa sihuame motlalojtejque tlen nopa tlacacahuaya, huan huihuipicayayaj huan momajmatiyayaj. Huan axaca quiilhuijque tleno pampa tlahuel majmahuiyayaj. 9Huan quema Jes'us moyolcuic cualca ipan domingo nopa achtohui tonal ipan samano, achtohui monexti campa Mar'ia Magdalena tlen achtohuiya quinpiyayaya chicome iajacahua Axcualtlacatl huan yaja quinquixtilijtoya. 10Huan Mar'ia Magdalena yajqui quinyolmelahuato imomachtijcahua tlen nejnentoyaj ihuaya Jes'us. Huan quema ajsito, quinpantito mocuesohuayayaj huan chocayayaj. 11Huan imomachtijcahua ax quineltocaque quema quinilhui para ya moyolcuitojca Jes'us huan ya quiitztoya. 12Teipa Jes'us monexti achi moixpatlatoc queja elisqu'ia seyoc tlacatl quema ome imomachtijcahua nemiyayaj ipan se ojtli huejca tlen campa caltini. 13Huan nopa ome tlacame yajque huan quinyolmelahuatoj nopa sequinoc, pero nojquiya yajuanti ax quinneltocaque. 14Huan teipa Jes'us monexti campa nopa majtlactli huan se imomachtijcahua quema tlacuayayaj. Huan Jes'us quinajhuac pampa nel'ia yoltetique. Huan ax quineltocaque para moyolcuitojca. Niyon ax quinneltocatoyaj inintlajtol tlen quiitztoyaj para ya moyolcuitoc. 15Huan Jes'us quinilhui: "Xiyaca ipan nochi tlaltepactli huan xiteilhuitij itlajtol Toteco ica nochi tlacame. 16Ajqueya quineltocas huan mocuaaltis, Toteco quimaquixtis. Pero ajqueya ax quineltocas, Toteco quitlatzacuiltis. 17Huan tlen quineltocase quipantijtiyase ni tlanescayotl: Ica notoca quinquixtise iajacahua Axcualtlacatl. Camatise ica yancuic tlajtoli. 18Intla quinitzquise cohuame o quiise se tlamantli tlen pajyo, ax tleno quinchihuilis. Nojquiya quitlalise ininma ipan cocoyani huan mochicahuase." 19Huajca quema Tohueyiteco Jes'us tlanqui quincamahu'ia, tlejcotejqui elhuicac huan mosehuito inejmatl Toteco. 20Huan imomachtijcahua yajque, huan quiixtomatoj Itlajtol Toteco campa hueli techaj. Huan Tohueyiteco quinpalehuiyaya huan tenextiliyaya para melahuac inintlajtol pampa ica yajuanti quichihuayaya huejhueyi tlanescayotl. San ya nopa.

will be added

X\