MARCOS 15

1Huan hualmostla cualca nopa tlayacanca totajtzitzi, nopa huehue tlacame tlen israelitame huan nopa tlamachtiani tlen itlanahuatil Mois'es, mosentilijque ica nochi nopa tlasentilistli tlen tequihuejme para mocamahuise tlachque quichihuase. Teipa quiilpijque Jes'us huan quihuicaque. Quitemactilijque imaco Pilato pampa quipixqui tequihuejcayotl ipan estado Judea. 2Huan Pilato quitlatzintoquili Jes'us: --¿Ta tiinintlanahuatijca israelitame? Huan Jes'us quinanquili: --Quena. Melahuac tlen tiquijtohua. 3Huan nopa tlayacanca totajtzitzi quiteilhuijque Jes'us ica miyac tlamantli. 4Huajca Pilato sampa quitlatzintoquili Jes'us huan quiilhui: --¿Ax tleno tiquinnanquilis? Xiquita, mitzteilhuijtoque ica miyac tlamantli. 5Pero Jes'us ax tleno quinanquili, huan Pilato quisentlachili miyac. 6Sesen xihuitl ipan nopa ilhuitl Pilato momajtoya quimajcahua se tlacatl tlen tzactoc para ma yohui ichaj. Momatqui quimalacanis tlen nopa miyac tlacame quitlajpejpenisqu'iaj. 7Itztoya se tlacatl ipan tlatzactli tlen itoca eliyaya Barrab'as. Barrab'as huan ihuampoyohua temictijtoyaj quema motehuiyayaj ica nopa gobierno ipan nopa tlali. 8Huan nopa miyac tlacame ajsicoj iixpa Pilato huan pejque quitlajtlan'iaj ma quimalacanis se tlacatl queja nochipa quichihuaj. 9Huan Pilato quinnanquili: --¿Inquinequij ma nimechmajcahuilis Jes'us, imotlanahuatijca inisraelitame? 10Pilato quimatiyaya nopa tlayacanca totajtzitzi san quitemactilijtoyaj Jes'us pampa quichicoitayayaj. 11Pero nopa tlayacanca totajtzitzi quinchihualtijque tlacame para ma quitlajtlanica Pilato ma quimalacanis Barrab'as, huan ax Jes'us. 12Huajca Pilato sampa quintlatzintoquili: --¿Huajca tlachque inquinequij ma nijchihua ica Jes'us tlen inquitocaxt'iaj nopa tlanahuatijquetl tlen israelitame? 13Huan chicahuac quiijtojque: --¡Xijcuamapelolti! 14Pero Pilato quintlajtlani: --¿Para tlen? ¿Tlachque tlamantli ax cuali quichijtoc? Pero nopa tlacame sampa tlahuejchijque m'as chicahuac: --¡Xijcuamapelolti! 15Huajca pampa Pilato quinequiyaya cuali mocahuas ininhuaya nopa miyac tlacame, quimalacani Barrab'as. Huan tlanahuati ma quicuartajhuica Jes'us, huan teipa quinmactili soldados tlen altepetl Roma ehuani para ma quicuamapeloltica. 16Huajca nopa soldados quihuicaque Jes'us campa icalixpa nopa hueyi tequicali, huan nepa mosentilijque nochi soldados. 17Huan quiquentijque Jes'us se yoyomitl huehueyac tlen itlachiyalis moradojtic queja momatque quitequihu'iaj tlanahuatiani. Huan quisencajque se huitzcorona huan quitlalilijque itzontecontipa Jes'us. 18Huan pejque quitlaijilhu'iaj huan quiilhuijque: --¡Ma itzto miyac tonali ni inintlanahuatijca israelitame! 19Huan quimaquiliyayaj Jes'us ipan itzonteco ica se ohuatl, huan quiixchajchayayaj. Motlancuaquetzayayaj iixpa queja quihueyichihuasqu'iaj, pero axtle. 20Quema tlanque quitlaijilhu'iaj, quiquixtilijque iyoyo tlen moradojtic huan quiquentijque tlen ya iyoyo. Teipa quihuicaque para quicuamapeloltitij. 21Huan san panoyaya se tlacatl tlen itoca eliyaya Sim'on pampa ajsitihualayaya tlen itlal. Huan nopa soldados quinahuatijque ma quihuica icuamapel Jes'us. Sim'on ejqui altepetl Cirene huan elqui inintata Alejandro huan Rufo. 22Huan nopa soldados quihuicaque Jes'us campa se lugar tlen itoca G'olgota. (G'olgota quinequi quiijtos Campa Onca Mijcatzontecomitl.) 23Huan quisencajque xocomecatl iayo maneltic ihuaya se tlamantli tlen chichic tlen itoca mirra para quimacase Jes'us, pero yajaya ax quiic. 24Huan quema quicuamapeloltijtoyaj Jes'us, nopa soldados momajmacaque iyoyo. Huan mahuiltijque ica piltetzitzi tlen yejyectzitzi para quimatise tlachque quihuicas sesen yajuanti. 25Ica ijnaloc a las nueve quicuamapeloltijque Jes'us. 26Huan quitlalijque se tlajcuiloli ipan itzonpac icuamapel para ma nesi tlen ica quiteilhuijtoyaj para ma miqui. Huan nopa tlajcuiloli quiijto:|sc NI ININTLANAHUATIJCA ISRAELITAME|r. 27Huan quincuamapeloltijque ome tlaxtequini ihuaya Jes'us, se ica inejmatl, huan seyoc ipan iarraves. 28Quej nopa panoc pampa queja nopa ya ijcuilijtoya ipan Itlajtol Toteco campa quiijto: "Quichihuilise queja elisqu'ia se tlaixpanoquetl." 29Huan tlacame tlen panoyayaj quihuetzquiliyayaj. Quiojoliniyayaj inintzonteco huan quiilhuiyayaj: --¡Ya nopa tlen monequi! Ta tiquijto tijxolehuasqu'ia nopa tiopamitl huan ica eyi tonali tijchihuasqu'ia sampa. 30Huajca ama ximomaquixti huan xitemo ipan mocuamapel, intla tihueli. 31Quej nopa nojquiya nopa tlayacanca totajtzitzi huan nopa tlamachtiani tlen itlanahuatil Mois'es quitlaijilhuiyayaj Jes'us. Quiijtohuayayaj: --Yajaya quinmaquixti sequinoc, pero ama ax hueli momaquixt'ia. 32Intla nel'ia tiCristo tlen Toteco techtitlanisqu'ia huan nel'ia titlanahuatijquetl tlen israelitame, xitemo nimantzi tlen nopa cuamapeli, huan tiquitase huan tijneltocase. Huan nopa tlaxtequini tlen quincuamapeloltijtoyaj ihuaya, no quitlaijilhuiyayaj. 33Huan ica tlajco tona tzintlayohuac nochi nopa tlali hasta las tres ica tiotlac. 34Huan a las tres Jes'us chicahuac quiijto: "Eloi, Eloi, ¿lama sabactani?" (Ya ni quinequi quiijtos: "NoTeco, noTeco, ¿para tlen tinechtlahuelcajtoc?") 35Sequin tlen itztoyaj nepa quicajque camati, pero ax quimachilijque itlajtol. Huan quiijtojque: --¡Xijcaquica! Yajaya quinotza nopa tiocamanalojquetl El'ias. 36Huan se tlacatl motlalo huan quixoloni se tlamantli tzotzoltic ica xocomecatl iayo tlen xococ. Teipa quitlali ipan se ojtla cuahuitl huan quimacac Jes'us ma quichichina. Quiijto: --Ma tiquitaca intla hualas El'ias quitemohuiqui. 37Huan Jes'us tzajtzic chicahuac huan mijqui. 38Huan ipan nopa tlalochtli tzayanqui nopa hueyi cortina tlen ica quitzactoyaj Campa M'as Tlatzejtzeloltic ipan nopa hueyi israelita tiopamitl. Nopa yoyomitl motlajcoitac pejtejqui huejcapa hasta tlazintla tlamito. 39Huan nopa tlayacanquetl tlen soldados tlen itztoya iixpa Jes'us quiitac quejatza mijqui huan quiijto: --Nel'ia ni tlacatl Icone Toteco. 40Nojquiya itztoyaj nepa sequin sihuame tlen quitlachiliyayaj Jes'us ica huejca. Ininhuaya itztoyaj Mar'ia Magdalena, Salom'e huan Mar'ia ininnana Jos'e huan Jacobo tlen teipa ejquetl. 41Ni sihuame quitoquiliyayaj Jes'us huan quipalehuiyayaj quema itztoya ipan estado Galilea. Teipa yajuanti huan miyac m'as sihuame ajsicoj ihuaya Jes'us ipan altepetl Jerusal'en. 42Eltoya nopa tonal para quicualtlalise nochi para nopa seyoc tonal quema israelitame mosiyajcahuaj. Huan quema tlayohuac, 43hualajqui Jos'e se Arimatea ejquetl. Yajaya elqui se tequihue ipan nopa hueyi tlasentilistli huan nochi tlacame quitlepanitayayaj. Huan yajaya nojquiya quichiyayaya ma tlanahuati Toteco ipan tlaltepactli. Huajca Jos'e mosemacac huan calaquito campa Pilato huan quitlajtlanito itlacayo Jes'us. 44Huan Pilato ax huelqui quineltoca para nel'ia ya mictoya Jes'us. Huajca quinotzqui nopa inintlayacanca soldados huan quitlajtlani intla ya mictoya. 45Huan nopa tlayacanquetl quiilhui para quena. Huajca Pilato quicahuili Jos'e ma quihuica itlacayo. 46Huan Jos'e quicojqui se yoyomitl tlen cuali huan tlen hueyi, huan quitemohuito itlacayo Jes'us ipan cuamapeli huan quiquimilo ica nopa yoyomitl. Teipa quitlali itlacayo ipan se tlacacahuaya tlen quicoyonijtoya ipan tetl huan quimimilo se hueyi tetl para quitzacuas nopa tlacacahuaya. 47Huan Mar'ia Magdalena ihuaya Mar'ia inana Jos'e quitlachiliyayaj campa quitlalijque itlacayo.

will be added

X\