MARCOS 10

1Teipa Jes'us quisqui nepa huan yajqui estado Judea. Teipa yajqui seyoc nali atemitl Jord'an, huan miyac tlacame sampa mosentilijque campa itztoya. Huan Jes'us sampa pejqui quinmacht'ia queja momajtoya. 2Huan hualajque sequin fariseos para quimasiltise Jes'us ica tlajtoli. Huan quitlajtlanijque intla cuali para se tlacatl quicahuas isihua. 3Huajca Jes'us quinilhui: --¿Tlachque inmechnahuati Mois'es? 4Quiilhuijque: --Mois'es quicahuili se tlacatl ma quimaca isihua se amatlajcuiloli tlen quiijto para nopa sihuatl ayoc iaxca. Quej nopa se tlacatl huelqui quicahua isihua. 5Pero Jes'us quinilhui: --Mois'es quinmacac nopa tlanahuatili pampa ipan nopa tonali tlacame nel'ia eliyayaj yoltetique, 6pero achtohuiya quema Toteco quichijqui tlaltepactli, ya quichijqui 'tlacatl huan sihuatl para ma mocahuaca san sejco.' 7Yeca se tlacatl quicahuas itata huan inana huan mosejcotilis ihuaya isihua. 8Huan nopa ome mochihuase san se inintlacayo. Yeca ayoc itztoque ome, mochihuase san se inintlacayo. 9Huajca tlen Toteco Dios quinsejcotilijtoc, ma amo aca quiiyocatlalis. 10Huan calijtic imomachtijcahua sampa quitlajtlanijque Jes'us tlen quiijtojtoya tlen tlacame huan sihuame tlen mocahuaj. 11Huan Jes'us quinilhui: --Intla se tlacatl quicahua isihua huan mosejcotilis ica seyoc, huajca nopa tlacatl momecat'ia pampa quiixpano isihua tlen achtohui. 12Huan intla se sihuatl quicahuas ihuehue huan mosejcotilis ica seyoc tlacatl, yajaya nojquiya momecat'ia. 13Teipa quinhualicaque coneme campa Jes'us para ma quintlalili ima para ma quintiochihua, pero imomachtijcahua quinajhuayayaj tlen quinhualicayayaj. 14Huan Jes'us quiitac tlen panoyaya, huan cualanqui huan quinilhui imomachtijcahua: --Xiquincahuaca ni coneme ma hualaca campa na. Amo xiquintzacuilica pampa Toteco quinsel'ia tlacame ipan itlanahuatilis tlen nechsel'iaj queja ni coneme nechsel'iaj. 15Nel'ia nimechilhu'ia, intla se tlacatl ax nechsel'ia huan nechcahuil'ia ma nijnahuati ipan iyolo queja se conetl quichihua, ax quema huelis calaquis campa tlanahuat'ia Toteco. 16Huan Jes'us quincuanajnahuajqui nopa coneme, huan quitlali ima ininpani huan quintiochijqui. 17Quema Jes'us quistehuayaya para yas ipan iojhui, ajsico se tlacatl tlen motlalojtihualajqui huan motlancuaquetzqui iixtla. Huan nopa tlacatl quitlajtlani: --Ticuali tlamachtijquetl, ¿tlachque monequi nijchihuas para Toteco nechmacas yolistli yancuic para nochipa? 18Huan Jes'us quiilhui: --¿Para tlen tinechnotzqui nicuali? ¿Ta tijmachil'ia para axaca cuali, san Dios? 19Ta tijmati itlanahuatil Toteco: 'Amo xitemicti; amo ximomecati; amo xitlaxtequi; amo xiteistlacahui quema tiitztoc se testigo; amo xitlacajcayahua; xijtlepanita motata huan monana.' 20Huan nopa tlacatl quiilhui: --Tlamachtijquetl, nochi ni tlanahuatili nijneltoquilijtihualajtoc hasta quema nieltoya nioquichpil. 21Huan Jes'us quitlachili nopa tlacatl, quiicneli huan quiilhui: --Se tlamantli mitzpolohua. Xiya, xijnamacati nochi tlen tijpiya huan xiquinmajmaca tlen teicneltzitzi. Huan Toteco mitztlaxtlahuis nepa elhuicac. Teipa xihuala, xinechtoquili queja se tlacatl tlen quihuica icuamapel mocualtlalijtoc para ipan ma quimictica. 22Pero quema nopa tlacatl quicajqui itlajtol, quiyolcoco huan mocuesojtiyajqui pampa nel'ia quipixtoya miyac tlamantli tlen pajpatiyo. 23Huajca Jes'us moicancuepqui huan quintlachili imomachtijcahua huan quinilhui: --¡Nel'ia ohui para tlacame tlen tominpiyaj calaquise campa tlanahuat'ia Toteco! 24Huan imomachtijcahua quisentlachilijque ica nopa tlajtoli. Huan Jes'us sampa quinilhui: --Nohuampoyohua, nel'ia ohui para calaquise campa tlanahuat'ia Toteco tlacame tlen motemach'iaj ipan ininricojyo. 25Ohui para se hueyi tlapiyali queja se camello ma pano ipan iixtiyol se huitzmalotl, pero noja m'as ohui para se tlacatl tlen quipiya miyac tomi calaquis campa Toteco tlanahuat'ia. 26Huan imomachtijcahua achi m'as quisentlachilijque huan quitlajtlanijque: --Huajca ¿ajqueya huelis momaquixtis tlen itlajtlacolhua? 27Huan Jes'us quintlachili huan quinilhui: --Tlacame ax hueli momaquixtise, pero Toteco, quena, huelis quinmaquixtis pampa Toteco nochi hueli quichihua. 28Huan Pedro quiilhui: --Xiquita, tojuanti tijcajtejtoque nochi tlen tijpixtoyaj para timitztoquilise. 29Huan Jes'us quinilhui: --Nel'ia nimechilhu'ia, intla se tlacatl quicajtejtoc ichaj, o itlaca icnihua, o isihua icnihua, o itata, o inana, o isihua, o iconehua, o imilhua, pampa nechneltoca na huan itlajtol Toteco, Toteco quitlaxtlahuis. 30Quena, Toteco quimacas ama ipan ni tlaltepactli cien huelta imiyaca m'as ichaj, itlaca icnihua, isihua icnihua, inanahua, iconehua huan imilhua, yonque tlaijiyohuis nopampa na. Huan ipan nopa tlaltepactli tlen huala, nopa tlacatl itztos para nochipa. 31Pero miyac tlen ama quipiyaj tequihuejcayotl, ax tleno quipiyase teipa; huan miyac tlen ama itztoque hasta tlateipa, quipiyase miyac tequihuejcayotl nepa. 32Jes'us huan imomachtijcahua nejnemiyayaj ipan ojtli ixtlejcoyayaj para altepetl Jerusal'en huan Jes'us quinyacanayaya. Huan imomachtijcahua quisentlachiliyayaj ica tlen quinilhuiyaya. Huan nopa tlacame tlen quintoquiliyayaj momajmatiyayaj. Huan sampa Jes'us quinnotzqui iyoca nopa majtlactli huan ome imomachtijcahua huan pejqui quinilhu'ia tlachque ipantisqu'ia. 33Quinilhui: "Xiquitaca, ama titlejcotiyohuij para altepetl Jerusal'en. Nepa nechtemactilise ininmaco nopa tlayacanca totajtzitzi huan nopa tlamachtiani tlen itlanahuatil Mois'es. Huan yajuanti quiijtose para monequi para na tlen niMocuepqui Tlacatl ma nimiqui, huan teipa nechtemactilise ica tlacame tlen ax israelitame. 34Huan yajuanti nechhuihuiitase huan nechixchajchase. Teipa nechhuitequise huan nechmictise. Pero ica eyi tonali, nimoyolcuis." 35Huajca Jacobo ihuaya Juan, nopa ome iconehua Zebedeo, monechcahuijque campa Jes'us huan quiilhuijque: --Tlamachtijquetl, tijnequij titechchihuilis se favor. 36Huajca quinilhui: --¿Tlachque inquinequij ma nimechchihuili? 37Huan quiilhuijque: --Xitechcahuilis para quema titlanahuatis nepa campa tlahuel tlayejyejca, ma timosehuise se ipan monejmatl huan seyoc ipan moarraves. 38Huajca Jes'us quinilhui: --Ax inquimatij tlachque innechtlajtlan'iaj. ¿Huelis intlaijiyohuise queja na? ¿Huelis inquipanose miyac cuesoli queja na nijpanos? 39Huan yajuanti quiilhuijque: --Quena, tihuelise. Huan Jes'us quinilhui: --Nel'ia intlaijiyohuise queja na. Huan nel'ia inquipanose miyac cuesoli queja na nijpanos. 40Pero ax notequi para niquijtos ajqueya mosehuise campa nonejmatl huan campa noarraves. San mosehuise nepa tlen Toteco quintlapejpenijtoc. 41Huan quema nopa sequinoc majtlacme imomachtijcahua quicajque tlen quitlajtlanijtoyaj, pejque cualanij ica Jacobo huan Juan. 42Huan Jes'us quinnotzqui huan quinilhui: --Inquimatij para tlacame tlen tlayacanaj ipan nochi tlaltini tlanahuat'iaj chicahuac, huan huejhueyi tlacame quipiyaj nochi tequihuejcayotl para quinchihuil'iaj inintlacajhua tlen quinequij. 43Pero ax quej nopa elis ica imojuanti. Pampa ica imojuanti, ajqueya quinequi mochihuas hueyi, monequi inmechtequipanos. 44Huan ajqueya quinequi inmechyacanas, monequi ma mochihua queja imotequipanojca tlen inquicojtoque para imoaxca. 45Pampa niyon na tlen niMocuepqui Tlacatl, ax nihualajtoc para sequinoc ma nechtequipanoca. Nihualajtoc para niquintequipanos sequinoc, huan para nitemactilis noyolis queja se tlaxtlahuili para niquintojtomas miyac tlacame tlen inintlajtlacolhua. 46Jes'us huan imomachtijcahua ajsitoj altepetl Jeric'o. Huan teipa quema quisayayaj, quintoquiliyayaj miyac tlacame. Huan mosehuijtoya ojteno se popoyotzi tlen itoca eliyayaj Bartimeo tlen elqui icone Timeo huan yajaya motlaejehuiliyaya para se quentzi para ica panos. 47Huan quema Bartimeo quicajqui para monechcahuiyaya Jes'us tlen Nazaret, pejqui tlahuelchihua huan quiijto: --¡Jes'us, ta tiiteipa ixhui David, xinechtlasojtla! 48Huan miyac tlacame quiajhuaque nopa popoyotzi ma ayoc tlahuelchihua, pero yajaya achi m'as tlahuelchijqui: --¡Jes'us, tiiteipa ixhui David, xinechtlasojtla! 49Huajca quema Jes'us quicajqui, moquetzqui huan quiijto: --Xiquilhui ma huala nopa tlacatl. Huajca quinotzque nopa popoyotzi huan quiilhuijque: --Ximotemachi huan ximoquetza pampa Jes'us mitznotza. 50Huajca Bartimeo quicuamajcajqui ipantzajca, huan moquetztiquisqui huan quinechcahuico Jes'us. 51Huan Jes'us quiilhui: --¿Tlachque tijnequi ma nimitzchihuili? Huan nopa popoyotzi quinanquili: --Tlamachtijquetl, nijnequi nitlachiyas sampa. 52Huan Jes'us quiilhui: --Xiya mochaj. Ya timochicajqui pampa tinechneltocac. Huan ipan nopa tlalochtli nopa tlacatl tlachixtejqui cuali huan quitoquili Jes'us ipan ojtli.

will be added

X\