LUCAS 9

1Jes'us quinnotzqui nopa majtlactli huan ome imomachtijcahua ma mosentilica. Huan quinmacac chicahualistli huan tequihuejcayotl para quinquixtise ajacame ipan tlacame huan para quinchicahuase cocoyani ica tlen hueli cocolistli. 2Teipa quintitlanqui ma quinchicahuaca tlen mococohuaj huan ma teyolmelahuacaj quejatza tlanahuat'ia Toteco ipan ininyolo tlacame. 3Quinilhui: --Amo tleno xijhuicaca ipan ojtli. Amo xijhuicaca cuatopili, niyon yoyoncoxtali, niyon pantzi, niyon tomi. Huan amo xijhuicaca yoyomitl tlen ica inmopatlase. 4Huan quema incalaquise ipan se cali para inmocahuase, ximocahuaca nepa hasta inquisase tlen nopa altepetl. 5Huan intla inyase ipan se rancho campa tlacame ax inmechselise, huajca quema inquisase nepa, ximotecactzejtzeloca para inquiquixtilise nopa tlalpotectli. Huan ica nopa inquinnextilise inquintlahuelcahuaj nopa pilaltepetzi ehuani para ma quiselica se hueyi tlatzacuiltilistli. 6Huajca imomachtijcahua Jes'us quisque huan nejnenque campa hueli ipan nochi ranchos. Huan tlayolmelahuayayaj itlajtol Toteco huan quejatza Toteco temaquixt'ia tlen inintlajtlacolhua. Huan campa hueli quinchicahuayayaj tlacame tlen mococohuayayaj. 7Nopa Gobernador Herodes 'Antipas quicajqui nochi tlen Jes'us quichihuayaya huan ax quimatiyaya tlaque moilhuis pampa sequin quiijtohuayayaj Jes'us elqui Juan tlen achtohui tecuaaltiyaya pero ama moyolcuitoya. 8Huan sequinoc quiijtohuayayaj sampa monextijtoya nopa tiocamalojquetl El'ias tlen huejcajquiya. Huan sequinoc quiijtohuayayaj moyolcuitoya se tlen nopa tiocamanalojquetl tlen huejcajquiya mijqui. 9Pero Herodes quiijto: --Juan ya mictoc pampa nitlanahuati ma quiquechtzontequica, pero ¿ajqueya ni tlacatl tlen ama nijcaqui quichijtinemi huejhueyi tiochicahual nescayotl? Huan Herodes quitemohuayaya quejatza huelis quiitas Jes'us. 10Huan mocuepque itlayolmelajcahua Jes'us huan quipohuilijque nochi tlen quichijtoyaj huan campa yajtoyaj. Huan Jes'us quiniyocaquixti itlayolmelajcahua tlen nopa miyac tlacame huan quinhuicac hasta huactoc tlali nechca altepetl Betsaida. 11Pero nopa miyac tlacame quimatque canque yohuiyayaj huan quintoquilijque. Huan Jes'us quinseli ica cuali huan quinilhui quejatza tlanahuat'ia Toteco ipan teyolo. Huan Jes'us quinchicajqui tlen mococohuayayaj. 12Huan ica tiotlac monechcahuijque itlayolmelajcahua Jes'us huan quiilhuijque: --Xiquintitlani ni tlacame ma yaca ipan ranchos nechca quitemotij campa cochise huan tlen quicuase pampa nica campa tiitztoque ax tleno onca. 13Pero Jes'us quinilhui: --Imojuanti xiquintlamacaca. Huan imomachtijcahua quiilhuijque: --San tijpiyaj macuili pantzi huan ome michime, o ¿tijnequi ma tijcohuatij tlen quicuase nochi ni tlacame? 14Itztoyaj nepa nechca macuili mil tlacame. Huan Jes'us quinilhui imomachtijcahua: --Xiquinilhuitij ni tlacame ma mosehuica ica pamitl, ica cincuenta ipan sesen pamitl. 15Huan imomachtijcahua quinilhuijque huan nopa tlacame queja nopa mosehuijque. 16Huan Jes'us quicuic nopa macuili pantzi huan nopa ome michime, huan tlachixqui elhuicac huan quitlascamatqui iTata. Teipa quintlajcotlapanqui huan pejqui quinmajmaca imomachtijcahua ma quinmajmacaca nopa miyac tlacame. 17Huan nochi nopa miyac tlacame tlacuajque huan cuali ixhuique. Huan quisentilijque nochi panpayaxtli tlen mocajtoya huan quitemitijque majtlactli huan ome chiquihuitl. 18Se tonal Jes'us huan imomachtijcahua moiyocaquixtijtoyaj, huan Jes'us yajqui momaijtoto iselti. Huan teipa mocuepqui campa imomachtijcahua huan quintlajtlani: --¿Ajqueya quiijtohuaj tlacame para naja? 19Huan imomachtijcahua quiilhuijque: --Sequin quiijtohuaj ta tiJuan tlen tecuaaltiyaya, pero sequinoc quiijtohuaj ta tiEl'ias. Huan sequinoc quiijtohuaj ta tieli se tiocamanalojquetl tlen huejcajquiya itztoya huan ama timoyolcuitoc. 20Huan Jes'us quintlajtlani: --Huan, ¿imojuanti? ¿Ajqueya inmoilhu'iaj para na? Huan Pedro quinanquili: --Ta tiCristo tlen Toteco Dios techilhui techtitlanilisqu'ia. 21Huan Jes'us quinnahuati ma axaca quipohuilica, 22huan quinilhui: --Monequi para na tlen niMocuepqui Tlacatl nitlaijiyohuis miyac. Ax nechselise nopa tlayacanani tlen tiopanpiyani, huan nopa tlamachtiani tlen itlanahuatil Mois'es huan nopa huehue tlacame tlen tlali Israel. Huan tlacame nechmictise, pero ica eyi tonali nimoyolcuis sampa. 23Huan nojquiya quinilhui: --Intla se quinequi nechtoquilis, monequi quiilcahuas tlen ya quinequi huan nechtoquilis mojmostla mocualtlalijtoc para tlaijiyohuis huan miquis pampa nechneltoca. Monequi elis queja se tlacatl tlen quihuica icuamapel para ipan miquis. 24Pampa tlen quinequi momanahuis huan ax quinequi tlaijiyohuis pampa nechneltoca, quema miquis quipolos nochi. Pero intla se tlaijiyohuis o miquis pampa nechneltoca, momaquixtis itonal huan itztos nepa elhuicac para nochipa. 25Huan ax ipati yonque se tlacatl quipiyasqu'ia para iaxca nochi tlen onca ipan ni tlaltepactli, pampa ax tleno huelis quipalehuis quema miquis huan polihuis nepa mictla. 26Intla se tlacatl pinahua nopampa na huan ipampa notlajtol huan quiijtos ax nechixmati, huajca na tlen niMocuepqui Tlacatl nimopinahuas ica ya huan niquijtos ax niquixmati quema nimocuepasanoc ipan tlaltepactli ica notlatlanex huan ica itlatlanex noTata, Toteco Dios huan inintlatlanex nopa tlatzejtzeloltijca elhuicac ehuani. 27Pero nimechilhu'ia, sequin imojuanti nica ax inmiquise hasta inquiitase quejatza elis nepa campa tlanahuat'ia Toteco. 28Jes'us quiijto ya ni huan hualchicuextic quinhuicac Juan, Jacobo huan Pedro huan tlejcoque ipan se tepetl para momaijtose. 29Huan quema Jes'us momaijtohuayaya, ixayac mopatlac huan iyoyo mocuepqui chipahuac huan cahuaniyaya. 30Huan nesque ome tlacame tlen quicamahuiyayaj, huan eliyayaj Mois'es huan El'ias. 31Huan quinyahualohuayaya se tlatlanextli tlen tlahuel cahuaniyaya, huan quicamahuiyayaj Jes'us tlen panosqu'ia ipan altepetl Jerusal'en huan quejatza miquisqu'ia. 32Achtohui Pedro huan ihuampoyohua tlahuel cochmiquiyayaj, pero teipa cuali tlachixque huan quiitaque itlatlanex Jes'us huan nopa ome tlacame tlen moquetzayayaj ihuaya. 33Huan quema nopa ome ya itztoyaj para quisase, Pedro quiilhui Jes'us: --Tlamachtijquetl, cuali tiitztose nicani. Ma tijchihuaca eyi pilxajcaltzitzi. Se para ta, seyoc para Mois'es huan seyoc para El'ias. Pero Pedro nel'ia ax quimatiyaya tlen quiijtohuayaya. 34Huan quema Pedro quiijtohuayaya ya ni, temoc se mixtli, huan quintzajqui huan nel'ia momajmatijque pampa quiitaque temoyaya nopa mixtli ipan inijuanti. 35Huan quicajque se tlen quincamahui ipan nopa mixtli huan quiijto: "Ya ni Nocone tlen niquicnel'ia. Xijcaquica tlen quiijtohua." 36Huan quema Toteco Dios tlanqui camati, quiitaque Jes'us itztoya iselti. Huan para miyac tonali nopa eyi imomachtijcahua ax tleno quiijtojque huan axaca quiilhuijque tlen quiitztoyaj ipan nopa tepetl. 37Hualtonili Jes'us huan nopa eyi imomachtijcahua temoque ipan nopa tepetl huan quinnamijque tlahuel miyac tlacame. 38Huan camatqui chicahuac se tlacatl tlen itztoya campa nopa miyac tlacame huan quiijto: --Tlamachtijquetl, xinechchihuili se cualtlacayotl huan xijtlachiliqui nooquichpil pampa piliyojtzi. 39Se iajaca Axcualtlacatl quiitzqu'ia, huan tzajtzi, huan nimantzi quimajcahua ica se ajaca cocolistli. Huan quichihua ma huihuipica chicahuac huan ma camaposoni. Quitlaijiyohuilt'ia nocone miyac huan ax quema quicahua. 40Huan niquintlajtlani momomachtijcahua ma quiquixtilica huan ax huelque. 41Huan Jes'us quinanquili huan quiijto: --¡Intlacame para tlen ax innechneltocaj! ¿Quesqui tonali monequi nimocahuas imohuaya? ¿Quesqui tonali monequi nimechxicos? Xinechhualiquili mooquichpil. 42Huan quema monechcahuiyaya ioquichpil, nopa ajacatl quimajcajqui tlalchi, huan quimacac se ajaca cocolistli huan yajaya pejqui chicahuac huihuipica. Pero Jes'us quiajhuac nopa iajaca Axcualtlacatl huan yajaya quisqui huan nimantzi mochicajqui nopa oquichpil huan Jes'us sampa quimactili itata. 43Huan nochi san quisentlachiliyayaj quema quiitaque ihueyi chicahualis Toteco. Pero quema nochi noja quisentlachiliyayaj ica tlen Jes'us quichijtoya, yajaya quinilhui imomachtijcahua: 44--Xijtlacaquilica cuali ni tlajtoli tlen nimechilhu'ia ama huan amo xiquilcahuaca. Nechtemactilise na tlen niMocuepqui Tlacatl ininmaco ax cuajcualme. 45Pero imomachtijcahua ax quimachilijque tlen quiijto pampa ax quincahuili ma quimachilica cuali. Huan majmahuiyayaj para quitlajtlanise tlaque quiijtosnequi. 46Huan imomachtijcahua Jes'us pejque monajnanquil'iaj catl'ia tlen inijuanti quipiyas m'as tequihuejcayotl. 47Huan Jes'us quimatiyaya tlaque moilhuiyayaj ipan inintlalnamiquilis, huan yeca quihualicac se conetl huan quiquetzqui inechca. 48Huan quinilhui: --Ajqueya quisel'ia se conetl queja ni pampa nechneltoca, yajaya nechsel'ia. Huan ajqueya nechsel'ia, nojquiya quisel'ia noTata tlen nechtitlantoc. Huan aqui hueli tlen imojuanti tlen m'as moicnonequis, yajaya m'as quipiyas tequihuejcayotl. 49Huan teipa Juan quiilhui: --Tlamachtijquetl, tiquitaque se tlen quiijtohuayaya motoca huan quinquixtiliyaya iajacahua Axcualtlacatl ica motoca, huan tiquilhuijque ma ayoc quichihua pampa ax nemi tohuaya. 50Pero Jes'us quiilhui: --Amo xijtzacuilica pampa se tlen ax techcualancaita itztoc tohuaya. 51Huan quema nechca eltoya para Jes'us yasqu'ia elhuicac, motemacac para yas Jerusal'en huan quistejqui. 52Huan quintitlanqui se ome tlacame ma tlayacanaca para quitemotij campa mocahuasqu'iaj ipan ojtli. Huan inijuanti calajque se rancho ipan estado Samar'ia para quisencahuasqu'iaj. 53Pero tlacame tlen nopona ehuani ax quinselijque pampa quimatque Jes'us motlalijtoya para yas altepetl Jerusal'en. 54Huan quema quiitaque Juan huan Jacobo para ax quinselijque, quiilhuijque Jes'us: --Toteco, ¿tijnequi ma tijnahuatica tlitl ma huetzi tlen elhuicac queja quichijqui El'ias huan ma quintlamitlati ni tlacame? 55Huan Jes'us moicancuepqui huan quinajhuac: --Imojuanti ax inquimachil'iaj para elqui se ajacatl tlen inmechchihuili xicualanica. 56Na tlen niMocuepqui Tlacatl nihualajtoc para niquinmaquixtis tlacame. Ax nihualajtoc para niquinxolehuilis ininyolis. Huan nochi inijuanti yajque seyoc rancho. 57Huan quema nochi yohuiyayaj ipan ojtli, se tlacatl quiilhui Jes'us: --Toteco, nimitztoquilis campa hueli tiyas. 58Huan Jes'us quiilhui: --Cayochime quipiyaj ininchaj huan totome quipiyaj inintepasol, pero na tlen niMocuepqui Tlacatl ax cana nijpiya campa nimotzontecas. 59Huan Jes'us quiilhui seyoc: --Xinechtoquili. Pero yajaya quiilhui: --NoTeco, achtohui xinechcahuili ma nijtlalpachos notata quema miquis. 60Pero Jes'us quiilhui: --Xiquincahuili inijuanti tlen mictoque iixtla Toteco ma quintlalpachoca ininmijcatzitzi, huan ta xiya huan xiquinyolmelahuati tlacame quejatza Toteco tlanahuat'ia. 61Huan seyoc tlacatl quiilhui Jes'us: --Nimitztoquilis, noTeco, pero achtohui xinechcahuili niyas niquinnahuatiti tlen itztoque nocalijtic. 62huan Jes'us quiilhui: --Se tlacatl tlen tlapoxahua ica tlapiyalime huan moicanita quichihua isurco huijcoltic. Huan nojquiya se tlen pehua quitoquil'ia iojhui Toteco huan ajachica moilhu'ia tlen quicajtejtoc, ax quinamiqui calaquis campa Toteco tlanahuat'ia.

will be added

X\