LUCAS 8

1Teipa Jes'us nejnemiyaya campa hueli ipan altepetini huan ranchos tlayolmelajtinemiyaya itlajtol Toteco huan tenotzayaya ma calaquica ipan itlanahuatilis Toteco. Huan nopa majtlactli huan ome imomachtijcahua yohuiyayaj ihuaya. 2Huan nojquiya nemiyayaj ininhuaya Jes'us sequin sihuame tlen achtohui mococohuayayaj huan sequin tlen quipiyayaya iajacahua Axcualtlacatl, huan quinchicajtoya. Se tlen nopa sihuame tlen nejnenqui ihuaya Jes'us itoca eliyaya Mar'ia Magdalena. Achtohuiya quinpixtoya chicome iajacahua Axcualtlacatl huan Jes'us quinquixti. 3Huan seyoc sihuatl itoca eliyaya Juana. Yajaya elqui isihua Chuza tlen quitequipano Tlanahuatijquetl Herodes. Huan nojquiya nejnenqui ininhuaya se sihuatl itoca eliyaya Susana, huan miyac m'as sihuame tlen quimacayayaj inintomi para quipalehuise Jes'us ica tlen monequiyaya. 4Huan mosentilijque miyac tlacame tlen ehuaj campa hueli altepetini para quiitase Jes'us. Huan yajaya quincamahui ica se huicaltili huan quinilhui: 5"Se tlacatl quisemanato xinachtli huan quema quisemanayaya, sequin xinachtli huetzqui ojtipa. Huan tlacame ipan moquejquetzque huan totome quitlamicuajque. 6Sequinoc xinachtli huetzqui temajcajya campa ax onca miyac tlali. Nopa xinachtli ixhuac, pero nimantzi huajqui pampa ax quiajsiyaya atl. 7Huan sequinoc xinachtli huetzqui huitzijtic, huan nopa huitztli moscalti ihuaya huan quiijiyomicti. 8Sequinoc xinachtli huetzqui ipan cuali tlali, huan moscalti huan temacac cien hueltas m'as tlen quitoctoya." Huan quema Jes'us tlantoya quinilhu'ia ni huicaltili, achi chicahuac quinilhui: "Nochi inquipiyaj imonacas, huajca xijcaquica tlen nimechilhu'ia." 9Huan imomachtijcahua Jes'us quitlajtlanijque tlaque quiijtosnequi nopa huicaltili. 10Huan Jes'us quinnanquili: "Toteco inmechcahuilijtoc xijmachilica queja yajaya tlanahuat'ia. Achtohuiya axaca quimatiyaya ya ni huan ama noja ax quincahuil'ia ne sequinoc ma quimachilica. Yeca niquincamahu'ia ica huicaltili para yonque inijuanti quiitaj tlen nijchihua, mochihuase queja ax tleno quiitaj. Huan inijuanti yonque quicaquij notlajtol, ax hueli quimachil'iaj. 11"Ya ni tlen quiijtosnequi ne huicaltili tlen nopa tlacatl tlen quisemanato xinachtli. Nopa xinachtli quiijtosnequi itlajtol Toteco. 12Sequin tlacame itztoque queja nopa xinachtli tlen huetzqui ojtipa. Inijuanti quicaquij itlajtol Toteco, huan nimantzi Axcualtlacatl huala huan quinquixtil'ia itlajtol Toteco tlen eltoc ipan ininyolo para ma ax quineltocaca huan ma ax momaquixtica tlen inintlajtlacolhua. 13Sequinoc itztoque queja nopa xinachtli tlen huetzqui temajcajya. Inijuanti quicaquij itlajtol Toteco huan quisel'iaj ica paquilistli. Pero itztoque queja nopa xinachtli tlen ax hueli motlatzquil'ia campa temajcajya. Nopa tlacame san quineltocaj itlajtol para se tlalochtli. Huan quema huala tlaohuijcayotl, nimantzi quicajtehuaj. 14Sequinoc tlacame itztoque queja nopa xinachtli tlen huetzqui campa huitztli. Quicaquij itlajtol Toteco, pero mojmostla ipan ininnemilis motequipachohuaj miyac, huan quinequij moricojchihuase ipan ni tlaltepactli huan quinequij quipiyase nochi tlen quinyolpact'ia. Huan nochi ni tlamantli quiijiyomict'ia itlajtol Toteco para ax hueli moscalt'ia cuali huan quipiyas itlajca. 15Pero sequinoc tlacame itztoque queja nopa xinachtli tlen huetzqui ipan cuali tlali. Nopa tlacame quicaquij itlajtol Toteco huan ica paquilistli quisel'iaj ica nochi ininyolo. Quiicnel'iaj itlajtol huan mojmostla quitoquilijtinemij tlen quiijtohua. Inijuanti, quena, quipiyaj inintlajca. 16"Axaca quitlat'ia se tlahuili huan quitlalis cajontzala o tlapechtzala. ¡Axtle! Intla se acajya quitlatis se tlahuili, quitlal'ia ipan se tlahuil quetzali para nochi tlen calaquise nopona huelis tlachiyase. 17Quej nopa ica notlajtol. Nochi tlen motlatijtoc ama, nempa nesis teipa. Huan nochi tlen eltoc ixtacatzi ama, nochi quimatise huan cuali quimachilise teipa. 18"Huajca xijpiyaca cuidado quejatza inquicaquij notlajtol, pampa nochi tlacame tlen quimachil'iaj, Toteco quinpalehuis para ma quimachilica m'as. Huan ica tlen ax quimachil'iaj, hualas se tlen quinquixtilis tlen quentzi inijuanti moilhuiyayaj quimachiliyayaj." 19Huan hualajque inana huan iicnihua Jes'us huan ax huelque monechcahu'iaj campa itztoya pampa nelmiyac tlacame quiyahualojtoyaj. 20Huan hualajqui se tlacatl huan quiilhui Jes'us: --Monana huan moicnihua mitzchiyaj calteno huan quinequij mitzcamahuise. 21Huan Jes'us tlananquili: --Ni tlacame tlen itztoque nicani tlen quicaquij itlajtol Toteco huan quichihuaj tlen quiijtohua, inijuanti niquinita queja nonana huan noicnihua. 22Se tonal Jes'us huan imomachtijcahua tlejcoque ipan se cuacanahua, huan Jes'us quinilhui: --Ma tiyaca hasta ne seyoc nali hueyi atl. Huan yeca quisque. 23Huan imomachtijcahua quinejnemiltiyayaj nopa cuacanahua para seyoc nali, huan Jes'us cochqui. Huan nimantzi pejqui tlaajaca chicahuac ipan hueyi atl, huan calaquiyaya atl ipan cuacanahua hasta san quentzi misahuisqu'iaj. 24Huan imomachtijcahua hualajque campa Jes'us, quiixitijque, huan quiilhuijque: --Tlamachtijquetl, xiquita, timisahuijtinemij. Huajca Jes'us mejqui huan quiajhuac ne ajacatl huan ne hueyi atl. Huan nimantzi moquetzqui huan ayoc mojmolini. 25Huan Jes'us quinilhui imomachtijcahua: --¿Para tlen nelquentzi innechneltoquil'iaj? Huan imomachtijcahua momajmatiyayaj, huan quisentlachilijque huan moilhuijque se ica seyoc: --¿Ajqueya nel'ia ni tlacatl Jes'us? Yajaya hueli quinnahuat'ia ajacatl huan hueyi atl, huan inijuanti quineltoquil'iaj itlajtol. 26Huan teipa Jes'us huan imomachtijcahua ajsique tlali Gadara ipan inincuacanahua. Gadara mocahua iixmelac estado Galilea. 27Huan quema inincuacanahua ajsiyaya ateno, hualajqui quinnamiquico se tlacatl tlen ehuayaya nopa altepetl tlen ya huejcajtoya quinpixtoya iajacahua Axcualtlacatl ipan itlacayo. Huan ax tleno moquentiyaya huan ax mocahuayaya ichaj. Senitztoya ipan campo santo ipan tlacacahuaya campa quintlal'iaj mijcatzitzi. 28Huan quema quiitac Jes'us, motlancuaquetzqui iixtla huan quiijto chicahuac: --¿Tlaque nijpiya mohuaya? TiJes'us. TiIcone Dios Tlen M'as Quipiya Tlanahuatili. Nimitztlajtlan'ia, amo xitechtlaijiyohuilti. 29Quiijto ni pampa Jes'us quinnahuatiyaya nopa ajacame ma quisaca ipan nopa tlacatl. Ajachica nopa ajacame quiitzquiyayaj para tlen hueli quichihuilise. Huan yonque tlacame quiilpiyayaj ima huan iicxihua ica tepos cadena para quimocuitlahuisqu'iaj, san quicocototzayaya nochi tepos cadena. Huan nopa ajacame quinejnemiltiyayaj hasta campa nopa tlahuel huactoc tlali campa ax tleno eli. 30Huan Jes'us quitlajtlani: --¿Tlaque motoca? Huan yajaya quinanquili: --Notoca Miyac. Queja ni quiijto pampa miyac ajacame calactoyaj ipan itlacayo. 31Huan nopa ajacame quitlajtlanijque Jes'us ma ax quintitlani ipan nopa tlalcoyoctli tlen tlahuel huejcatla. 32Huan nopona nechcatzi itztoyaj miyac pitzome tlen tlacame quinhualicaque para ma tlacuajtinemica. Huan yeca nopa ajacame quitlajtlanijque Jes'us ma quincahuili calaquise ipan nopa pitzome. Huan yajaya quincahuili. 33Huan nopa ajacame quisque ipan nopa tlacatl huan calajque ipan pitzome. Huan nochi nopa miyac pitzome motlalojtejque campa tlaixtemolis huan huetzque ipan nopa hueyi atl huan misahuijque. 34Huan nopa tlacame tlen quinmocuitlahuiyayaj nopa pitzome quiitaque tlen panoc, huan yajque huan quinyolmelahuatoj nochi tlacame ipan nopa altepetl huan campa hueli ipan nopa tlali. 35Huan nochi nopa tlacame hualajque quiitacoj tlen panotoya. Huan quema ajsicoj campa Jes'us, quiitaque nopa tlacatl tlen achtohui quinpixtoya iajacahua Axcualtlacatl ama mosehuijtoya iixtla Jes'us. Ya moquentijtoya iyoyo huan quipixtoya cuali itlalnamiquilis. Huan nopa tlacame momajmatijque, 36ica tlen quiitztoyaj. Huan inijuanti tlen quiitaque quinpohuilijque tlen ajsiyayaj quejatza Jes'us quichicajtoya nopa tlacatl tlen quinpixtoya ajacame. 37Huan yeca nochi nopa miyac tlacame tlen ejque ipan tlali Gadara huan nopona nechcatzi quitlajtlanicoj Jes'us ma quisa inintlal, pampa nel'ia momajmatijque. Huajca Jes'us tlejcoc ipan cuacanahua para mocuepas. 38Huan nopa tlacatl tlen achtohui quinpixtoya ajacame, quitlajtlani Jes'us ica nochi iyolo ma quicahuili ma yohui ihuaya, pero Jes'us ax quicahuili. San quiilhui: 39--Ximocuepa mochaj huan xiquinilhuiti tlacame nochi ni hueyi tlamantli tlen Toteco mitzchihuilijtoc. Huan quistejqui nopa tlacatl huan ipan nochi nopa altepetl quinpohuiliyaya nochi tlacame tlen Jes'us quichihuilijtoya. 40Quema Jes'us mocuepqui seyoc nali nopa hueyi atl, miyac tlacame quiselijque ica paquilistli pampa quichiyayayaj ma ajsi. 41Huan hualajqui se tlacatl tlen itoca eliyaya Jairo, se tequihue tlen israelita tiopamitl. Huan yajaya motlancuaquetzqui iicxiteno Jes'us huan chicahuac quitlajtlani ma yahui ichaj. 42Quipixtoya se isihuapil, huan yajaya quipixqui majtlactli huan ome xihuitl huan tlahuel mococohuayaya. Huan quema Jes'us itztoya ipan ojtli para ichaj, miyac tlacame quicuatetzopayayaj. 43Huan itztoya nopona se sihuatl tlen quipixtoya se cocolistli para majtlactli huan ome xihuitl. Mojmostla esotemoyaya. Huan quitlamiltijtoya nochi tlen quipixtoya ica tepajtiani huan niyon se ax huelqui quipalehui para ma mochicahua. 44Huan nopa sihuatl monechcahui iica Jes'us huan quitoxonqui iyoyo itenhuaxo huan nimantzi mochicajqui. 45Huan Jes'us quiijto: --¿Ajqueya quitoxonqui noyoyo? Huan nochi tlacame quiijtohuayayaj para ax quichijtoyaj. Huan Pedro quiilhui Jes'us: --Tlamachtijquetl, nochi ni miyac tlacame tlen mitzyahualohuaj mitzcuatetzopaj. 46Pero Jes'us quiijto: --Se acajya nechitzqui pampa nijmachili se mochicajqui ica nochicahualis. 47Huan quema nopa sihuatl quimatqui para Jes'us quimatiyaya tlen panoc, hualajqui huihuipicayaya huan motlancuaquetzqui iixtla Jes'us. Huan iniixtla nochi nopa tlacame quipohuili Jes'us para tlen quitoxonqui iyoyo huan quiilhui para nimantzi mochicajqui. 48Huan Jes'us quiilhui: --Nane, ya timochicajtoc pampa tinechneltoquili. Xiya ica paquilistli. 49Huan quema noja camatiyaya Jes'us, ajsico se tlatequipanojquetl tlen hualayaya ichaj nopa tequihue tlen tiopamitl, huan quiilhui: --Mosihuapil ya mijqui. Ayoc xijcuatotoni ni tlamachtijquetl. 50Pero Jes'us quicajqui tlen nopa tlatequipanojquetl quiijto huan quiilhui nopa tequihue: --Amo ximajmahui, san xinechneltoca huan mosihuapil mochicahuas. 51Huan quema nochi inijuanti ajsitoj ichaj, Jes'us san quincahuili Juan, Pedro, Jacobo huan inana huan itata nopa sihuapil ma itztoca calijtic ihuaya, pero sequinoc ax quincahuili ma panoca. 52Huan nochi chocayayaj huan tlahuejchihuayayaj pampa ya mictoya nopa sihuapil, pero Jes'us quinilhui: --Ayoc xichocaca. Pampa ax mictoc, san cochtoc. 53Huan nopa tlacame pejque quihuetzquil'iaj pampa quimatque para ya mictoya. 54Pero Jes'us quimaitzqui nopa sihuapil huan quiilhui: --Sihuapil, ximehua. 55Huan itonal mocuepqui ipan itlacayo huan nopa sihuapil mejtiquisqui. Huan Jes'us quinnahuati ma quitlamacaca. 56Huan inana huan itata nel'ia quisentlachilijque, pero Jes'us quinilhui axaca ma quiilhuica tlen panotoc.

will be added

X\