LUCAS 6

1Ipan se s'abado, nopa tonal para ma mosehuica israelitame, Jes'us huan imomachtijcahua panoyayaj ipan se mili campa quitoctoyaj trigo. Huan imomachtijcahua pejque quiquechcocototzaj, huan quimaoyaj quentzi trigo tlancochtli huan quicuayayaj. 2Huajca nopa fariseos moilhuijque para tlaixpanoyayaj huan quitlajtlanijque Jes'us: --¿Para tlen tequitij momomachtijcahua ipan ni tonal para ma timosehuica? Inijuanti tlajtlacolchihuaj. 3Huan Jes'us quinilhui: --¿Ax inquipojtoque tlen quichijqui David quema yajaya huan ihuampoyohua mayanayayaj? 4Calajqui ichaj Toteco huan quicuic nopa pantzi tlen totajtzitzi quitentoyaj iixtla Toteco. Huan David quicuajqui huan no quinmajmacac nopa tlacame tlen itztoyaj ihuaya. Huan nojquiya quicuajque. Huan itlanahuatil Mois'es quiijtohua san totajtzitzi hueli quicuase nopa pantzi. 5Huan nojquiya Jes'us quinilhui: --Na tlen niMocuepqui Tlacatl nijpiya tequihuejcayotl para niquinilhuis tlacame tlaque huelis quichihuase ipan s'abado, ni tonal para ma timosehuica tiisraelitame. 6Ipan seyoc s'abado, nopa tonal para ma mosehuica israelitame, Jes'us calajqui ipan se israelita tiopamitl huan pejqui tlamacht'ia. Huan itztoya tiopan calijtic se tlacatl tlen huactoya ima nejmatl. 7Huan nopa fariseos huan tlamachtiani tlen itlanahuatil Mois'es ajachica quitlachiliyayaj intla quichicahuasqu'ia nopa tlacatl ipan ni tonal para ma mosehuica israelitame para quipiyasqu'iaj ica tlaque quiteilhuisqu'iaj. 8Pero Jes'us quimatqui tlaque moilhuiyayaj huan quiilhui nopa tlacatl tlen mahuactoc: --Ximoquetza huan xihuala nica tlatlajco tojuanti. Huan yajaya moquetzqui huan yajqui. 9Huan Jes'us quinilhui nopa fariseos: --Nimechchihuilis se tlatzintoquili: ¿Tlaque quiijtohuaj nopa tlanahuatili o tlaque quinamiqui para ma tijchihuaca ipan s'abado? ¿Ma tijchihuaca tlen cuali o tlen fiero? ¿Ma tiquinmaquixtica tlacame o ma tiquinmictica? 10Huan Jes'us quintlachili nopa tlacame tlen quiyahualojtoyaj, pero axaca molini. Huajca Jes'us quiilhui nopa tlacatl: --Xijxitlahua moma. Huan yajaya quixitlajqui ima huan nimantzi mochicajqui. 11Huan tlahuel cualanque nopa fariseos huan nimantzi pejque mocamahu'iaj tlaque huelis quichihuilise Jes'us. 12Huan ipan nopa tonali Jes'us yajqui iselti ipan se tepetl huan mocajqui nopona seyohual para momaijtos ica Toteco Dios. 13Huan quema tlanesqui, quinnotzqui imomachtijcahua ma hualaca campa ya huan quintlapejpeni majtlactli huan ome tlen inijuanti huan quintocajti itlayolmelajcahua. 14Quitlapejpeni Sim'on tlen nojquiya quitocajti Pedro, huan Andr'es tlen eliyaya iicni. Nojquiya quintlapejpeni Jacobo, Juan, Felipe, Bartolom'e, 15Mateo huan Tom'as. Quitlapejpeni Jacobo icone Alfeo huan nopa Sim'on tlen moiyocatlali ica partido cananista. 16Huan quitlapejpeni Judas, iicni Jacobo huan Judas Iscariote tlen teipa quitemactili. 17Huan teipa Jes'us temoc ipan tepetl ininhuaya imomachtijcahua, huan moquetzque campa se tlamayamitl. Huan mosentilijque miyac tlacame tlen quitoquiliyayaj. Hualajtoyaj tlen campa hueli pilaltepetzitzi ipan estado Judea, huan ipan altepetl Jerusal'en huan tlen tlaltini Tiro huan Sid'on nechca hueyi atl. Nochi nopa tlacame hualajtoyaj para quicaquise itlajtol Jes'us huan para ma quinchicahua tlen inincocolis. 18Huan nojquiya quinchicajqui tlen quinpixtoyaj ajacame tlen quintlaijiyohuiltiyayaj. 19Huan nochi nopa tlacame quinequiyayaj monechcahuise campa Jes'us para quiitzquise, pampa ichicahualis quinajsiyaya tlen quiitzquiyayaj huan quinchicahuayaya. 20Huan Jes'us quintlachili imomachtijcahua huan quinilhui: "Xipaquica imojuanti tlen inteicneltzitzi, pampa incalaquise campa Toteco tlanahuat'ia. 21Xipaquica imojuanti tlen inmayanaj ama, pampa inixhuise. Xipaquica imojuanti tlen inchocaj ama, pampa inhuetzcase. 22Xipaquica quema tlacame inmechcocol'iaj huan inmechtotocaj. Xipaquica quema inmechtelchihuaj huan inmechtocajt'iaj ax incuajcualme, pampa innechtoquil'iaj na tlen niMocuepqui Tlacatl. 23Xipaquica, quena, xijpiyaca hueyi paquilistli quema queja nopa imopantis, pampa Toteco miyac inmechtlaxtlahuis nepa elhuicac. Pampa san se ininhuejcapan tatahua quichihuayayaj huejcajquiya ica itiocamanalojcahua Toteco. 24Pero tlahuel inteicneltique imojuanti tlen miyac intominpiyaj, pampa ya inquipiyaj nochi tlen cuali tlen inmechtocaros. 25Tlahuel inteicneltique tlen inixhuij ama, pampa teipa inmayanase. Tlahuel inteicneltique tlen inhuetzcaj ama, pampa teipa inchocase huan intlahuejchihuase. 26Tlahuel inteicneltique quema nochi tlacame camatij cuali tlen imojuanti. Inintatahua nojquiya camatque cuali tlen nopa istlacatica tiocamanalohuani huejcajquiya. 27"Pero nimechilhu'ia imojuanti tlen innechtlacaquil'iaj: Xiquinicnelica imocualancaitacahua. Xiquinchihuilica tlen cuali inijuanti tlen inmechcocol'iaj. 28Xijtlajtlanica Toteco ma quintiochihua tlen inmechtelchihuaj. Ximomaijtoca ica Toteco para inijuanti tlen inmechtlaijilhu'iaj ica tlen fiero. 29Intla se acajya mitzmaquilis ipan mocampa, xijnextili ne seyoc mocampa para nojquiya ma mitzmaquilis nopona. Intla se mitzquixtilis motlaque, xijcahua ma quihuica mocamisa nojquiya. 30Intla se acajya mitztlajtlan'ia se tlenijqui, xijmaca. Intla se acajya mitzquixtil'ia se tlenijqui, amo xiquilhui ma mitzcuepili. 31Xiquinchihuilica sequinoc queja inquinequij sequinoc ma inmechchihuilica. 32"Intla san inquinicnel'iaj tlacame tlen inmechicnel'iaj, Toteco ax quiita para inquichihuaj tlen cuali. Hasta ax cuajcualme quinicnel'iaj tlen nojquiya quinicnel'iaj. 33Intla san inquinchihuil'iaj tlen cuali tlacame tlen inmechchihuil'iaj cuali, ax tleno ipati iixtla Toteco. Ax cuajcualme nojquiya ihuical quichihuaj. 34Huan intla san inquintlanejt'iaj tomi tlacame tlen inquimatij temachtli inmechtlaxtlahuise, ax tleno ipati iixtla Toteco. Ax cuajcualme nojquiya quintlanejt'iaj tomi tlen quincuepilise teipa. 35Na nimechilhu'ia, xiquinicnelica imocualancaitacahua. Xiquinchihuilica nochi tlen cuali. Xiquintlanejtica yonque ax inquimatij intla inmechcuepilise. Huan Toteco hueyi inmechtlaxtlahuis. Huan queja nopa inquichijtose queja quichihua Toteco Tlen M'as Quipiya Tlanahuatili pampa yajaya quinchihuil'ia cuali nochi tlacame, yonque ax cuajcualme o ax motlascamatij. 36Huajca xitetlasojtlaca queja imoTata, Toteco Dios, tetlasojtla. 37"Amo xiquintequitlachilica sequinoc campa ax imocuenta, huan sequinoc ax inmechtequitlachilise. Amo xitetlateilhuica, huan sequinoc ax inmechtlateilhuise. Xitetlapojpolhuica, huan sequinoc inmechtlapojpolhuise. 38Xitemacaca huan inquiselise. Quena, Toteco inmechmacas miyac intla intemacaj miyac. Yajaya quichihuas queja se cuali tlanamacaquetl tlen quitemas se tlayejyecoli sintli, huan cuali quiayacachos, huan m'as quitemas hasta motzontis. Monequi imojuanti no xiquinmacaca sequinoc tlen cuali tlayejyecoli, pampa sequinoc inmechchihuilise queja inquinchihuil'iaj." 39Huan Jes'us quinilhui se huicaltili: "Se popoyotzi ax hueli quiyacana seyoc tlen popoyotzi pampa nochi ome huetzise tlacoyoc ijtic. 40Se momachtijquetl ax quimati m'as que itlamachtijca, pero nochi momachtiani tlen tlamimomacht'iaj elise queja inintlamachtijca. 41"¿Para tlen inquiitaj nochi piltlajtlacoltzitzi tlen quichihuaj imohuampoyohua huan ax inquimatij para achi m'as miyac tlajtlacoli inquichihuaj? Eltoc queja tiquita se piltejtzi ipan iixtiyol moicni, pero ax tijmati para ta tijpiya hasta se cuatetomitl moixtiyol ijtic. 42¿Quejatza huelis tiquilhuis seyoc: 'Nohuampo, nimitzquixtilis nopa piltejtzi ipan moixtiyol', quema tijpiya se cuatetomitl moixtiyol ijtic? Tijpiya ome moxayac. Timoilhu'ia ax cuali tlen yajaya quipiya, pero cuali tlen ta tijpiya. Achtohui ximoquixtili nopa cuatetomitl, huan queja nopa titlachiyas cuali para tijquixtilis nopa piltejtzi tlen quipiya iixtiyol ijtic mohuampo. 43"Se cuali cuahuitl temaca itlajca tlen cuali, huan tlen ax cuali, axtle. Niyon se cuahuitl tlen ax cuali ax temaca itlajca tlen cuali. 44Huajca nochi tlacame quiixmatij se cuahuitl ipampa itlajca. Se huitzcuahuitl ax temaca tlen cuali para tijcuase. Huan se sahuamecatl ax temaca xocomecatl. 45Ihuical elis nojquiya ica se cuali tlacatl, quisas tlen cuali ipan iyolo. Huan intla ax cuali se tlacatl, quisas tlen ax cuali ipan iyolo. Pampa se tlacatl camati tlen eltoc ipan iyolo huan tlen m'as moilhu'ia. 46"¿Para tlen inquiijtohuaj niimoTeco huan ax inquichihuaj tlen nimechilhu'ia? 47Nochi tlen hualahuij campa na huan quicaquij notlajtol huan quichihuaj tlen niquijtohua, itztoque queja ni tlalnamijca tlacatl tlen nimechpohuilis. 48Se tlacatl quinequiyaya quichihuas ichaj huan tlaxajqui huejcatla. Quitzinpehualti ica tetl huan quiquetzqui. Huan teipa huetzqui miyac atl huan tlatemic hasta quiajsic ichaj, pero ax tleno ipantic nopa cali pampa nopa tlacatl quiquetztoya ipan tetl. 49Pero tlacame tlen quicaquij notlajtol huan ax quichihuaj tlen niquijtohua, quichihuaj quej ni huihui tlacatl. Yajaya quichijqui ichaj ipan tlali huan ax tleno ica quitzinpehualti. Teipa tlatemic, huan nopa atl quiajsic ichaj, huan nimantzi huetzqui huan tlamixolejqui."

will be added

X\