LUCAS 23

1Huajca nochi inijuanti moquetzque huan quihuicaque Jes'us iixtla Pilato. 2Huan pejque quiteilhu'iaj huan quiilhuijque Pilato: --Tijpantijque ni tlacatl quincajcayahuayaya tlacame ipan totlal huan quinilhuiyaya ma ax tlaxtlahuaca impuesto tlen Tlanahuatijquetl C'esar techtlajtlan'ia. Huan quinilhuiyaya tlacame para yajaya nopa Cristo huan yajaya se tlanahuatijquetl. 3Huan Pilato quitlajtlani Jes'us: --¿Ta tiinintlanahuatijca israelitame? Huan Jes'us quinanquili: --Quena, na niinintlanahuatijca queja tiquijtohua. 4Huan Pilato quinilhui nopa tlayacanca totajtzitzi huan nochi nopa miyac tlacame: --Ax nijpantil'ia tlen ax cuali quichijtoc. 5Pero inijuanti achi m'as tlahuejchijque huan quiilhuijque: --Yajaya quinajcomantinemi tlacame campa hueli ica itlamachtil. Pejqui ipan estado Galilea huan hualajtoc hasta nica ipan Judea. 6Huan quema Pilato quicajqui ya ni, quintlajtlani intla Jes'us ehuayaya estado Galilea. 7Huan quema quicajqui para quena, quimatqui para elqui itequi Herodes 'Antipas para quitlajtolsencahuas pampa yajaya quipixqui tlanahuatili ipan Galilea. Huajca quititlanqui Jes'us para Herodes ma quitlajtolsencahua, huan Herodes paxalohuayaya ipan altepetl Jerusal'en ipan nopa tonali. 8Huan quema Herodes quiitac Jes'us, nel'ia paquiyaya pampa miyac tonali quinequiyaya quiitas. Quicactoya miyac tlamantli tlen ya huan quinequiyaya para Jes'us ma quichihua se chicahualnescayotl iixtla. 9Huajca Tlanahuatijquetl Herodes quitlajtlani Jes'us miyac tlamantli, pero Jes'us ax quinanquili. 10Huan nopa tlayacanca totajtzitzi huan tlamachtiani tlen itlanahuatil Mois'es moquetzayayaj nepa, huan chicahuac quiteilhuiyayaj. 11Huajca Herodes huan isoldados pejque quihuihuiitaj huan ica pajque. Huan quiyoyonti ica se yoyomitl tlen yejyectzi queja moquent'iaj tlanahuatiani, huan sampa quititlanqui ica Pilato. 12Huan ipan nopa tonali Herodes huan Gobernador Pilato moyoltlalijque pampa nel'ia mocualanijtoyaj. 13Huan Pilato quinnotzqui nopa tlayacanca totajtzitzi, huan nopa tequihuejme, huan nopa miyac tlacame 14huan quinilhui: --Innechhualiquilijque ni tlacatl huan innechilhu'iaj para quinyacana tlacame ma motlalanaca. Pero nijtlajtlani nochi tlen ica inquiteilhuijtoque imoixtla, huan ax nijpanti niyon se tlajtlacoli tlen quichijtoc. 15Huan nojquiya Herodes ax tleno quipantili, huan yeca nechtitlanili sampa. Ax tleno quichijtoc para ma tijmictica. 16Huajca nijtlatzacuiltis huan nijmajcahuas para ma yohui. 17Huan sesen xihuitl ipan nopa Pascua ilhuitl Pilato monejqui quimajcahuas se tlen itztoya ipan tlatzactli. 18Pero nochi nopa tlacame chicahuac quiijtojque: --¡Xijmicti Jes'us! ¡Xitechmajcahuili Barrab'as! 19Huan Barrab'as quitzactoyaj pampa quintlalanqui tlacame ma tlatehuica ica gobierno, huan nojquiya pampa temicti. 20Huan Pilato sampa quincamahui nopa tlacame pampa quinequiyaya quimalacanis Jes'us, 21pero nopa miyac tlacame achi m'as tzajtziyayaj: --¡Xijcuamapelolti! ¡Xijcuamapelolti! 22Huan Pilato ica expa quinilhui: --¿Para tlen? ¿Tlaque ax cuali quichijtoc? Ax tleno nijpantili tlen quichijtoc para ma tijmictica. San nijtlatzacuiltis huan teipa nijmalacanis ma yohui. 23Pero nopa miyac tlacame huan tlayacanca totajtzitzi achi m'as tlahuejchijque. Quitlajtlaniyayaj ma quicuamapelolti huan yeca quifuerzajhuijque Pilato. 24Huajca Pilato mosemacac para quichihuas tlen inijuanti quinequiyayaj. 25Huan quinmajcahuili nopa tlacatl tlen tzactoya pampa tlatehui ica gobierno huan temicti pampa yajaya tlen quitlajtlanijque. Huan quinmactili Jes'us ininmaco para ma quichihuaca ica ya tlen inijuanti quinequiyayaj. 26Huan nopa soldados quihuicaque Jes'us. Teipa quiitzquijque se tlacatl tlen itoca eliyaya Sim'on tlen ejqui tlali Cirene. Yajaya ajsitinemiyaya tlen itlal huan nopa soldados quiquechpanoltijque nopa cuamapeli para ma quihuica iica Jes'us. 27Huan tlahuel miyac tlacame quitoquiliyayaj. Huan miyac sihuame chocayayaj huan tlahuejchihuayayaj pampa quicuamapeloltise Jes'us. 28Huan Jes'us moicancuepqui huan quinilhui: --Naname tlen inehuaj Jerusal'en. Amo xichocaca nopampa, pero ximochoquilica para imojuanti huan ipampa imoconehua. 29Pampa ajsis tonali quema tlacame tlahuel tlaijiyohuise huan quiijtose para cuali ininpantis sihuame tlen ax tlatlacatiltijque huan ax quinchichitijque coneme. 30Huan ipan nopa tonali tlacame quiilhuise tepetini ma huetzi ininpani huan ma quintlatis. 31Pampa intla monequi nitlaijiyohuis queja ni, huan ax nitlajtlacolchijtoc, ¿quejatza monequi tlaijiyohuise tlacame tlen hueyi tlajtlacoli quihuicaj? 32Huan no quinhuicayayaj ome tlaxtequini para ma quincuamapeloltise ihuaya Jes'us. 33Huan nochi ajsitoj nopa lugar campa itoca Mijcatzontecomitl, huan quicuamapeloltijque Jes'us ica nopa tlaxtequini, se ipan inejmatl huan seyoc ipan iarraves. 34Pero Jes'us momaijto huan quiilhui iTata: --Pap'a, xiquintlapojpolhui pampa ax quimatij tlaque quichihuaj. Huan nopa soldados momajmacaque iyoyo Jes'us huan mahuiltijque ica piltetzitzi tlen yejyectzi para quimatise tlaque iyoyo quihuicas sesen soldado. 35Huan nopa miyac tlacame moquetzayayaj nepa huan quitlachiliyayaj. Huan nojquiya nopa tequihuejme quihuihuiitayayaj Jes'us huan quiijtohuayayaj tlen ya: --Quinmaquixti sequinoc, huajca ma momaquixti intla nel'ia yajaya nopa Cristo tlen Toteco quitlapejpenijtoc para techtitlanilis. 36Huan nopa soldados nojquiya quihuihuiitayayaj. Monechcahuijque campa ya huan quitenamiquiltijque xocomeca atl tlen ya xocoxtoya, 37huan quiilhuijque: --Intla nel'ia ta tiinintlanahuatijca israelitame, huajca ximomaquixti. 38Huan nojquiya quitlalijque se tlajcuiloli ipan cuamapeli itzonpac Jes'us huan quiijto:|sc NI JES'US ININTLANAHUATIJCA ISRAELITA TLACAME|d. 39Huan se tlen nopa tlaxtequini tlen quicuamapeloltijtoyaj nojquiya ica paquiyaya Jes'us huan quiilhui: --Intla nel'ia ta tiCristo tlen Toteco techtitlanilijtoc, huajca ximomaquixti huan xitechmaquixti nojquiya. 40Huan ne se tlaxtejquetl quiajhuac ica tlen quiijto. Huan quiilhui: --¿Ax tiquimacasi Toteco, yonque nimantzi timiquis? 41Quinamiqui para ta huan na ma timiquica pampa ax cuali tlen tijchijtoque, pero ni Jes'us ax tleno quichijtoc tlen ax cuali. 42Huan teipa nopa tlaxtejquetl quiilhui Jes'us: --Jes'us, xinechilnamiqui quema tihualas para titlanahuatis. 43Huan Jes'us quiilhui: --Nel'ia nimitzilhu'ia para temachtli, ama ni tonal tiitztoti nohuaya nepa campa tlahuel tlayejyeca. 44Huan queja tlajco tona, tzintlayohuac campa hueli ipan tlaltepactli huan queja nopa mocajqui hasta las tres ica tiotlac. 45Huan tonati ayoc tlahuiyaya. Huan tlajco tzayanqui nopa hueyi cortina tlen quitzacuayayaj nopa cuarto Campa M'as Tlatzejtzeloltic ipan nopa hueyi tiopan calijtic. 46Huan Jes'us camatqui chicahuac, huan quiilhui iTata: --Pap'a, nimitzmactil'ia notonal momaco. Huan quema Jes'us quiijto ya ni, mijqui. 47Huan nopa capit'an tlen soldados quiitac tlen Jes'us quichijqui, huan pejqui quihueyichihua Toteco Dios huan quiijto: --Nel'ia ni Jes'us eltoya se tlacatl tlen xitlahuac. 48Huan nochi nopa miyac tlacame tlen mosentilijtoyaj para quimatise tlaque ipantis Jes'us, quiitaque nochi tlen panoc huan mocuepque ininchajchaj moyoltejtejtzontiyajque pampa tlahuel mocuesohuayayaj. 49Huan nochi iteixmatcahua Jes'us huan nopa sihuame tlen hualajtoyaj ihuaya tlen estado Galilea moquetzayayaj ica huejca, quitlachiliyayaj nochi ni tlamantli. 50Huan itztoya se tlacatl tlen itoca eliyaya Jos'e tlen ehuayaya altepetl Arimatea ipan estado Judea. Yajaya nojquiya eliyaya se tequihue ipan nopa tlasentilistli tlen m'as quipixqui tlanahuatili campa quitlajtlanijque Jes'us huan quiijtojque para monequi miquis. Jos'e eliyaya se cuali tlacatl huan xitlahuac iyolo iixtla Toteco. 51Yajaya quichiyayaya para Toteco Dios ma tlanahuatis, ipan tlaltepactli huan yeca ax quiyolpacti quema ihuampoyohua ipan nopa tlasentililistli quiteilhuijtoyaj Jes'us. 52Huan ni Jos'e yajqui quiitato Pilato huan quitlajtlani ma quimaca itlacayo Jes'us. 53Huan quitemohuito itlacayo huan quiquimilo ica se hueyi yoyomitl. Huan quitejqui ipan se tlacacahuaya tlen yancuic quicoyonijtoya ipan se tepetl huan aya quitlalijtoyaj yon se mijcatzi. 54Huan eltoya nopa tonal para mocualtlalise para ne seyoc tonal quema nochi israelitame mosiyajcahuasqu'iaj, huan ya ajsiyaya nopa hora para pehuas nopa tonali quema israelitame mosehuisqu'iaj. 55Huan nopa sihuame tlen hualajque tlen estado Galilea ihuaya Jes'us quitoquilijque Jos'e huan quiitaque nopa tlacacahuaya huan quejatza quitlalijtoya itlacayo. 56Huan mocuepque ininchaj huan quisencajque tlaajhuiyacayotl. Huan ipan nopa tonal para mosehuise israelitame, inijuanti mosiyajcajque queja quiijto nopa tlanahuatili.

will be added

X\