LUCAS 16

1Huan Jes'us nojquiya quincamahui imomachtijcahua huan quinilhui: "Itztoya se tominpixquetl tlen quipixtoya se itlayacanca tlatequipanojca ipan ichaj tlen quimocuitlahui nochi tlen iaxca. Huan sequinoc quiyolmelajque para itlayacanca tlatequipanojca san quiahuilpolohuayaya nochi tlen quipixqui. 2Huajca nopa tominpixquetl quinotzqui itlayacanca tlatequipanojca huan quiilhui: '¿Tlaque ya ni tlen ica mitzteilhu'iaj tlacame? Xinechsencahuili se amatl ica nochi cuentas huan ica nochi tlen tijchijtoc pampa ayoc huelis tinechtequipanos ipan nochaj.' 3"Huajca nopa tlayacanca tequitiquetl moilhui: '¿Tlaque nijchihuas para ica nimopanoltis? Noteco ayoc nechcahuilis ma nijtequipanos. Ayoc nijpiya fuerza para nitequitis chicahuac huan nimopinahua para nimotlaejehuis. 4Nijmajtojca tlaque nijchihuas. Nijsencahuas para tlacame ma nechselica queja niininhuampo quema ayoc huelis nijtequipanos noteco.' 5"Huan nopa tlayacanquetl quinnotzqui sesen nopa tlacame tlen quitlahuiquiliyayaj iteco huan pejqui ica yajaya tlen achtohui. Huan quiilhui: '¿Quesqui tijtlahuiquil'ia noteco?' 6Huan quiijto: 'Nitlahuica cien tambores tlen aceite.' Huan nopa tlayacanquetl quiilhui: 'Xijhuica nopa mocuenta ama huan nimantzi xijsencahua seyoc mocuenta tlen quiijtos san tijtlahuiquil'ia cincuenta tambores.' 7Huan nopa tlayacanquetl quiilhui seyoc: '¿Quesqui tijtlahuiquil'ia noteco?' Huan quiijto: 'Nijtlahuiquil'ia cien tlayejyecoli tlen trigo.' Huan nopa tlayacanquetl quiilhui: 'Xijhuica nopa mocuenta huan xijsencahua seyoc mocuenta tlen quiijtos san tijtlahuiquil'ia ochenta tlayejyecoli.' 8Huan teipa iteco quimatqui tlen quichijtoya huan quiijto para itlayacanca nel'ia monexti tlalnamiqui para tlacajcayahuas para huelis mohuicas cuali ica sequinoc. Huan ama nojquiya sequinoc tlacame monext'iaj m'as tlalnamiquij ica tlen quichihuil'iaj sequinoc que imojuanti intlacame tlen inquipiyaj tlahuili. 9"Huan nimechilhu'ia achi cuali xijtequihuica imotomi nicani ipan ni tlaltepactli para xiquinpalehuica tlen quinpolohuaj tlen ica panose huan queja nopa mochihuase imohuampoyohua. Huan teipa quema tlamis imotomi, inijuanti inmechselise ipan caltini tlen huejcahuas para nochipa. 10"Pero nimechilhu'ia intla se tlacatl eli temachtli ica pilquentzi tlen seyoc quicahua imaco, nojquiya elis temachtli quema se quicahuas miyac imaco. Huan intla se tlaxtequis quema seyoc quicahua quentzi imaco, nojquiya tlaxtequis quema se quicahuas miyac imaco. 11Huan intla ax intemachme para cuali inquitequihu'iaj nopa tomi tlen inquipiyaj ipan ni tlaltepactli, Toteco ax inmechcahuilis imomaco tlamantli tlen nel'ia ipati. 12Huan intla ax intemachme quema inquitequihu'iaj tomi tlen iaxca seyoc, huajca axaca inmechaxcatis se tlamantli para xijtequihuica. 13"Axaca huelis quintequipanos ome itecojhua pampa quicocolis se huan quiicnelis ne se. Huan ica se elis temachtli, pero ica ne se quitlahuelcahuas. Nojquiya ax huelis inquitequipanose Toteco Dios huan tomi." 14Huan quicaquiyayaj itlajtol nopa fariseos tlen tlahuel quinejque moricojchihuase huan inijuanti pejque quihuihuiitaj. 15Huan Jes'us quinilhui: "Iniixtla tlacame infariseos inmochihuaj queja incuajcualme, pero Toteco quimati para fiero imoyolo. Onca tlamantli tlen tlacame quitlepanitaj, pero Toteco quielihuishu'ia. 16"Itlanahuatil Mois'es huan tlen quiijcuilojque itiocamanalojcahua Toteco quipixque tequihuejcayotl hasta quema hualajqui Juan tlen tecuaaltiyaya. Pero Juan pejqui tepohuil'ia queja Toteco tlanahuat'ia huan hasta ama noja ya nopa tepohuil'iaj. Huan eltoc queja nochi tlacame mocuatetzopaj pampa tlahuel quinequij calaquise campa Toteco tlanahuat'ia. 17"Pero ya nopa ax quinequi quiijtos para itlanahuatilhua Mois'es ayoc quipiya inintequi. Noja quisas melahuac sesen piltlamantzitzi tlen quiijtohua itlanahuatil yonque panotehuas elhuicac huan tlaltepactli. 18"Intla se tlacatl quicahua isihua o amaxolehua ihuaya huan teipa mosejcotil'ia ica seyoc, huajca nopa tlacatl momecat'ia. Huan intla se tlacatl mosejcotilis ica se sihuatl tlen quicajtejtoc ihuehue, huajca nopa tlacatl nojquiya momecat'ia. 19"Itztoya se tlacatl tlen nel'ia quipiyayaya tomi huan mojmostla moquentiyaya iyoyo tlen nel'ia yejyectzi huan tlen moradojtic queja elisqu'ia se tlanahuatijquetl. Huan mojmostla quipiyayaya se hueyi tlacualistli ica nochi tlen ajhuiyac quinequiyaya. 20Huan nojquiya itztoya se motlaejehuijquetl teicneltzi tlen itoca eliyaya L'azaro tlen mojmostla mosehuiyaya icalteno nopa tominpixquetl. Huan L'azaro quipixtoya miyac cocome ipan itlacayo. 21Huan tlahuel mayanayaya huan quinequiyaya quicuas nopa panpayaxtli tlen huetziyaya imesa tzala nopa tominpixquetl. Huan hualayayaj chichime huan quipipitzohuayayaj icocohua. 22Huan quema ajsic hora, L'azaro tlen teicneltzi mijqui huan hualajque elhuicac ehuani huan quihuicaque campa tlayejyejca campa Abraham itztoc. Huan nojquiya mijqui nopa tominpixquetl huan tlacame quitlalpachojque. 23Huan teipa ipan tlitl nepa mictla, nopa tominpixquetl tlahuel tlaijiyohuiyaya. Huan quihuejcaitac Abraham ihuaya L'azaro. 24Huajca camatqui chicahuac nopa tominpixquetl huan quiilhui: 'Notata Abraham, xinechtlasojtla, huan xijtitlani L'azaro ma quixoloni imacpilyacapa huan ma quiseseliqui nonenepil pampa nelnel'ia nitlaijiyohu'ia miyac ipan ni tlitl.' 25Pero Abraham quiilhui: 'Nocone, xiquilnamiqui quema tiitztoya ipan tlaltepactli tijpixtoya miyac tlamantli tlen cuali huan L'azaro quipanoc miyac tlaohuijcayotl. Ama yajaya quipiya tlen cuali huan ta titlaijiyohu'ia. 26Nojquiya onca se hueyi tlalcoyoctli tlatlajco tojuanti huan intla se tlen nicani quinequisqu'ia yas campa tiitztoc, ax huelis. Huan axaca tlen itztoc nopona huelis hualas nica campa tojuanti tiitztoque.' 27"Huan nopa tominpixquetl nepa mictla quiilhui: 'Huajca, notata, nimitztlajtlan'ia ica nochi noyolo, xijtitlani L'azaro nepa ichaj notata. 28Pampa niquinpiya macuilti noicnihua. Ma quinilhuiti quejatza eltoc nica para ma ax hualaca campa tlacame tlaijiyohu'iaj miyac.' 29Pero Abraham quiilhui: 'Moicnihua quipiyaj nopa libros tlen Itlajtol Toteco tlen Mois'es huan itiocamanalojcahua quiijcuilojque. Ma quichihuilica cuenta tlen quiijtohua.' 30Pero nopa tominpixquetl quiilhui: '¡Axtle! Notata Abraham, ax quichihuil'iaj cuenta. Pero intla se tlen mictoc moyolcuis huan quincamahuis, huajca moyolcuepase huan quicahuase inintlajtlacolhua.' 31Pero Abraham quiilhui: 'Intla inijuanti ax quitlacaquil'iaj tlen Mois'es huan itiocamanalojcahua tlajcuilojque, nojquiya ax quichihuilise cuenta itlajtol se tlen ya mictoc huan moyolcuis.' "

will be added

X\