LUCAS 13

1Sequin tlacame tlen itztoyaj nopona ipan nopa tonal quiilhuijque Jes'us para Pilato quinmictijtoya sequin Galilea ehuani quema nopa Galilea ehuani quinmictiyayaj tlapiyalime para tlacajcahualistli. Huan yeca inieso momanelo ica inieso nopa tlacajcahualistli. 2Huan Jes'us quinnanquili: "¿Inmoilhu'iaj nopa Galilea ehuani quipixtoyaj m'as tlajtlacoli que sequinoc Galilea ehuani pampa quej nopa ininpantic? 3Nimechilhu'ia, axtle. Ax m'as tlajtlacoli quipixtoyaj, huan inmopolose nojquiya intla ax inmoyolcuepaj. 4Huan quema nopa huejcapantic cali ipan Silo'e huetzqui ipan dieciocho tlacame huan inijuanti mijque, huelis inmoilhu'iaj inijuanti quipixtoyaj m'as tlajtlacoli que nochi sequinoc ipan altepetl Jerusal'en. 5Nimechilhu'ia, axtle. Ax m'as tlajtlacoli quipixtoyaj que sequinoc, huan nochi imojuanti nojquiya inmopolose, intla ax inmoyolcuepaj." 6Huan Jes'us pejqui quinilhu'ia ni huicaltili: "Se tlacatl quipixtoya se higuera cuahuitl tlen quitojqui ipan ixocomeca mil. Huan se tonal quitemoco itlajca, pero ax tleno quipixqui. 7Huan quiilhui tlen quimocuitlahu'ia ixocomeca mil: 'Quipixtojca eyi xihuitl nijhualtemohua higos ipan ni cuahuitl, huan niyon se ax quipiya, huajca xijtzontequi pampa san tlapic ijcatoc.' 8Huan tlen quimocuitlahuiyaya ixocomeca mil quinanquili: 'Noteco, xijcahua para ni xihuitl huan nijtzinxahuas huan nijtlalilis yamanic tlali, 9huan intla quipiyas itlajca ipan se xihuitl, cualtitoc, huan intla axtle, huajca quena, tijtzontequise.' " 10Huan Jes'us tlamachtiyaya ipan se israelita tiopamitl ipan s'abado nopa tonal para mosehuise israelitame, 11huan hualajqui se sihuatl tlen quipixtoya se ajacatl para dieciocho xihuitl tlen quicuitlapantomotzchijtoya huan ayoc huelqui momelahua. 12Huan quema Jes'us quiitac, quinojnotzqui huan quiilhui: --Nane, nimitzquixtil'ia mococolis. 13Huan Jes'us quitlalili ima huan nimantzi nopa sihuatl huelqui momelajqui huan pejqui quihueyichihua Toteco. 14Huan nel'ia cualanqui nopa tiopan tlayacanquetl pampa Jes'us quichicajtoya ipan s'abado, nopa tonal para israelitame ma ax tequitica. Huajca nopa tlayacanquetl quinilhui nopa miyac tlacame: --Onca chicuase tonali ipan se samano para ma titequitica, huajca xihualaca ipan seyoc tonal intla inquinequij para Jes'us ma inmechchicahua, huan ayoc xihualaca ipan s'abado. 15Huan Tohueyiteco Jes'us quinanquili: --Ta tijpiya ome moxayac. Se sen imojuanti inquitojtomaj imohuacax o imoburro quema ilpitoc ipan s'abado, huan inquihuicaj ma atliti. 16Para dieciocho xihuitl Axcualtlacatl quipixtoya ilpitoc ni sihuatl tlen nojquiya se iteipa ixhui tohuejcapan tata Abraham. ¿Ax tiquita cuali nojquiya nijmacahuas tlen icocolis ipan s'abado? 17Huan quema Jes'us quiilhui ya ni, nochi icualancaitacahua mopinajque iniixtla nopa miyac tlacame, pero nopa tlacame nel'ia paquiyayaj ica nopa huejhueyi tlamantli tlen quichihuayaya. 18Huan Jes'us quiijto: "¿Quejatza huelis nimechilhuis quejatza eltoc ipan itlanahuatilis Toteco? 19Eltoc queja se ixinajcho mostaza tlen se tlacatl quitoca. Huan nopa xinachtli ixhuas huan moscaltis hasta mochihuas se cuahuitl campa totome quichihuase inintepasol ipan imacuayo." 20Nojquiya Jes'us quiijto: "¿Ica tlaque huelis niquinhuicalotis quejatza momiyaquil'ia tlacame tlen quicahuil'iaj Toteco ma tlanahuati ipan ininyolo? 21Inijuanti momiyaquilise queja mosonehua pantzi quema se sihuatl quitlal'ia se quentzi tlasonejcayotl ipan eyi kilos harina huan teipa nopa tlasonejcayotl quisonehuas nochi nopa pantzi." 22Jes'us noja nejnemiyaya ipan ojtli hasta altepetl Jerusal'en huan quinpanotiyajqui altepetini huan ranchos huan tlamachtijtiyohuiyaya. 23Huan se quiilhui: --Tohueyiteco, ¿nelquentzi tlacame Toteco quinmaquixtis tlen inintlajtlacolhua? Huan Jes'us quinanquili: 24--Xijchihuaca campeca xicalaquise ipan nopa pitzahuac puerta tlen yohui elhuicac, pampa miyac tlacame quinequise calaquise nopona huan ax huelise. 25Pampa ajsis tonali quema motzacuas puerta nepa elhuicac. Huan na nielis queja se tetat tlen quitzacua puerta ipan ichaj ica tlayohua huan ayoc aqui quicahuilis ma calaqui. Huan inmoquetzase calteno, huan innechnotzase huan innechilhuise: 'Toteco, xitechcaltlapo', huan na nimechnanquilis: '¡Axtle! Ax nimechixmati, niyon ax nijmati canque inehuaj.' 26Huan yonque innechilhuise: 'Titlacuajque huan tiatlique mohuaya, huan titlamachti ipan toaltepe', 27pero na nimechilhuis: 'Nel'ia nimechilhu'ia, ax nimechixmati huan ax nijmati canque inehuaj. Xinechtlalcahuica imojuanti tlen inquichihuaj tlen ax cuali.' 28Huan imojuanti inchocase huan intlanhuehuechocase ica nopa tlatzacuiltili pampa inquiitase Abraham, Isaac, Jacob ihuaya nochi tiocamanalohuani nopona campa Toteco tlanahuat'ia, huan inmocahuase calteno. 29Huan tlacame hualase campa quisa tonati huan campa oncalaqui, huan hualase tlen norte huan tlen sur huan mosehuise para tlacuase nopona campa Toteco Dios tlanahuat'ia. 30Huan sequin tlen ama teicneltique, Toteco quinachtohuis ipan nopa tonal, huan sequin tlen tlayacanaj ama, Toteco quintlalis hasta teipa. 31Huan ipan nopa tlalochtli hualajque sequin fariseos huan quiilhuijque Jes'us: --Xiquisa nica huan xiya intla tijnequi tiitztos pampa Tlanahuatijquetl Herodes 'Antipas quinequi mitzmictis. 32Huan Jes'us quinilhui: --Xiquilhuitij nopa cayochi Herodes para ama huan mostla niquinquixtis iajacahua Axcualtlacatl huan niquinchicahuas tlacame, huan huiptla nijtlamiltis notequi. 33Huajca ama, mostla huan huiptla niitztos ipan ojtli para niajsis Jerusal'en huan ax mahuilili, pampa san ipan altepetl Jerusal'en quinmict'iaj itiocamanalojcahua Toteco. 34"¡Inteicneltijque inJerusal'en ehuani! Inquinmict'iaj itiocamanalojcahua Toteco huan inquintepachohuaj inijuanti tlen yajaya inmechtitlanilijtoc. Miyac huelta nijnequiyaya nimechsentilis ica imoconehua para nimechnajnahuas queja se tenanpiyo quinsentil'ia ipilconehua ieltlapaltzala, pero ax inquinejque. 35Xiquita, Toteco Dios ayoc mocahua ipan imotiopa, huan nimechyolmelahua ax innechitase sampa hasta ajsis hora quema innechilhuise: 'Ma Toteco Dios mitztiochihua Ta tlen tihuala ipan itoca.' "

will be added

X\