Leviticus 10

1Se tonal ome itelpocahua Aar'on, inijuanti tlen inintoca eliyaya Nadab huan Abi'u, quicuique sese popochcomitl huan ipan quitlalijque tlitl tlen ax tlatzejtzeloltic ihuaya copali huan quitlatijque iixtla TOTECO. Pero tlen quichijque ax elqui queja TOTECO quinnahuatijtoya ma quichihuaca. 2Huan TOTECO quititlanqui se tlitl huan quintlamitlati huan mijque nopona iixtla. 3Huan teipa Mois'es quiilhui Aar'on: --TOTECO quinequiyaya techilhuis para quej ni panos quema quiijto: 'Niquinnextilis para nitlatzejtzeloltic, nochi tlen monechcahu'iaj campa na. Huan nochi israelitame nechhueyitlalise.' Huan Aar'on ax molini. 4Huan Mois'es quinotzqui Misael huan Elzaf'an tlen eliyayaj itelpocahua Uziel, it'io Aar'on, huan quinilhui: --Xihualaca huan xiquinhuicaca imoteixmatcahua ininmijcatzitzi. Xiquinquixtica tlen nopa calixpamitl tlen iixtla ni yoyon tiopamitl huan xiquinhuicaca huejca tlen campa timochijtoque. 5Huan monechcahuijque huan quinhuicaque ininteixmatcahua ininmijcatzitzi, huan noja moquentijtoyaj ininyoyo tlen huehueyac tlen totajtzitzi. Huan quinhuicaque huejca tlen campa timochijtoque queja Mois'es quinnahuatijtoya. 6Teipa Mois'es quincamahui Aar'on huan nopa ome itelpocahua tlen inintoca eliyaya Eleazar huan Itamar, huan quinilhui: --Amo xichocaca niyon amo ximocuesoca. Amo xijcahuaca imotzoncal ma nesis fiero, niyon amo xijtzayanaca imoyoyo. Pampa intla inmocuesose, TOTECO nojquiya inmechtzontlamiltis huan yajaya nel'ia cualanis ihuaya nochi ni israelitame. Pero moicnihua, nochi nopa sequinoc israelitame, quena, hueli quinchoquilise Nadab huan Abi'u huan hueli mocuesose ipampa nopa tlitl tlen TOTECO quititlanqui. 7Pero ax hueli inquisase tlen nopona campa nopa yoyon tiopamitl. Intla inquisase, inmiquise, pampa intlaiyocatlalilme para TOTECO ipampa nopa aceite tlen nimechajalti. Huan Aar'on huan nopa ome itelpocahua quichijque nochi queja quinnahuati Mois'es. 8Teipa TOTECO quicamahui Aar'on huan quiilhui: 9"Ta huan motelpocahua ax hueli inquiise vino o tlen hueli tlamantli tlailistli tlen cococ quema incalaquise ipan nopa yoyon tiopamitl. Intla inquiise, inmiquise. Ni tlanahuatili monequi inquitoquilise imojuanti huan nochi imoteipa ixhuihua tlen tlacajtiyase para nochipa. 10Monequi inquimachilise catl'ia tlamantzitzi tlatzejtzeloltic para na huan catl'ia amo, huan catl'ia tlapajpactic noixtla huan catl'ia ax tlapajpactic. 11Huan monequi inquinmachtise nopa israelitame nochi notlanahuatilhua tlen na, niimoTECO, nimechmacatoc ica Mois'es." 12Teipa Mois'es quincamahui Aar'on huan nopa ome itelpocahua tlen noja itztoyaj tlen inintoca eliyaya Eleazar huan Itamar. Quinilhui: --Xijcuica nopa harina tlen noja mocahua tlen nopa tlacajcahualistli tlen inquimacaque TOTECO ipan tlitl. Xijpiyaca cuidado para ax quipiyas tlasonejcayotl huan xijcuaca nechca ielchiqui nopa tlaixpamitl, pampa ya ni elis se tlacajcahualistli tlen tlahuel tlatzejtzeloltic. 13Huan monequi xijcuica huan xijcuaca nopona yoyon tiopan calijtic campa tlatzejtzeloltic. Huan nopa tlen mocahua tlen nopa tlacajcahualistli tlen harina elis moaxca para motlacualis, Aar'on, huan para inintlacualis motelpocahua. Quena, ni parte tlen nopa tlacajcahualistli tlen inquitlatise iixtla TOTECO elis imoaxca, pampa queja nopa tlanahuatijtoc TOTECO ma nimechilhui. 14Pero iyolix nopa tlapiyali tlen inquihuisohuaj iixtla TOTECO huan imetzcuayo tlen nojquiya inmechtocaros, hueli inquicuase ipan tlen hueli lugar tlen tlapajpactic. Quena, imojuanti huan imooquichpilhua huan imosihuapilhua hueli inquicuase nopa iyolix huan imetzcuayo pampa imoaxca tlen nochi tlacajcahualistli para ma onca tlayoltlalili ica TOTECO tlen israelitame temacaj. 15Nopa israelitame monequi quihualicase imetzcuayo nopa tlapiyali tlen inquitlejcoltise huan iyolix tlen inquihuisose iixtla TOTECO para intemacase quema nojquiya inquitlatise nopa tlachiyajcayotl. Huan teipa nopa partes elis imoaxca. Quena, ni ome tlamantli mocahuas para ta huan para moconehua para nochipa pampa queja nopa tlanahuatijtoc TOTECO. 16Huan teipa Mois'es tlajtlanqui canque mocahua nopa oquich chivo tlen quitencajque queja se tlacajcahualistli ipampa tlajtlacoli huan quipanti para ya quitlatijtoyaj. Huan tlahuel cualanqui ihuaya Eleazar huan Itamar, nopa ome itelpocahua Aar'on tlen noja itztoyaj. Huan quinilhui: 17--┬┐Para tlen ax inquicuajque nopa tlacajcahualistli ipampa tlajtlacoli campa tlatzejtzeloltic tiopan calijtic? Pampa nel'ia eliyaya tlatzejtzeloltic huan TOTECO inmechmacac para inquiquixtise nopa tlajtlacoli tlen israelitame quihuicaj iixtla huan para inquiixtzacuase inintlajtlacolhua. 18Monectoya inquicuajtosqu'iaj yoyon tiopan calijtic campa tlatzejtzeloltic queja na nimechnahuatijtoya, pampa ax ya nopa tlacajcahualistli tlen inquihuicaj ieso tiopan calijtic campa M'as Tlatzejtzeloltic tlen ax hueli inquicuase. 19Pero Aar'on quiilhui Mois'es: --Inijuanti quitencajque inintlacajcahualis para tlajtlacoli huan inintlacajcahualis tlatlatili iixtla TOTECO. Pero ica ininmiquilis ne sequinoc notelpocahua, na nimoilhui intla tijcuasqu'iaj ama nopa tlacajcahualistli ipampa tlajtlacoli, huelis ax quipactijtosqu'ia TOTECO. Yeca ax nijcuajqui. 20Huan quema Mois'es quicajqui ya nopa, ayoc cualanqui.

will be added

X\