Lamentations 5

1Huan niquilhui TOTECO: "TOTECO, xiquilnamiqui tlen topantitoc. Xijtlachili quejatza nochi techhuetzquil'iaj. 2Nochi tlen eliyaya toaxca ama eltoc ininmaco seyoc tlali ehuani. Hasta tochajchaj iniaxcahua tlacame tlen ax tiquinixmatij. 3Tiitztoque queja tiicnotzitzi tlen mijque totatahua huan quincajtejque tonanahua queja cahualme. 4Hasta atl tlen eliyaya toaxca, ama monequi tijcohuase. Para tocua monequi tiquixtlahuase patiyo. 5Huan noja m'as chicahuac techtlaijiyohuilt'ia yajuanti tlen techtlantoque. Ipan moquejquetzaj toquechtla para techmictise. Tisiyajtoque pampa techtepotztocatihualahuij huan ax hueli timosiyajcahuase. 6Hasta monequi timotlaejehuilise ica nopa tlali Egipto huan tlali Asiria ehuani para tijpantise pantzi para tijcuase. 7"Totatahua tlajtlacolchijque huan mijque quema aya hualayaya inintlatzacuiltilis. Ama tojuanti tijsel'iaj tlen quinamiqui quiselijtosqu'iaj. 8"Ama technahuat'iaj tlatequipanohuani huan axaca aqui para techmaquixtis ininmaco. 9Tlahuel mahuilili ipan tlen hueli hora quema tiquisaj para tijtemojtinemise tlacualistli ipan huactoc tlali pampa huelis techmictise tocualancaitacahua. 10Tlatla tocuetlaxo queja tiitztosqu'iaj ipan horno pampa timiquij ica mayantli tlen tinechtotoncamaca. 11Ipan ni altepetl Jerusal'en, ipan tepetl Sion, huan ipan nochi ni tlali Jud'a tocualancaitacahua quinpinahualt'iaj tosihuajhua huan toichpocahua. 12Totlanahuatijca itlapalehuijcahua quincuahuiyonijque ica ininhueyimacpil. Ax quintlepanitaque totlacajhua tlen huehuentzitzi. 13Tlacame tlen tetixtoque, quintisilt'iaj, huan telpocame tlaxicohuaj pampa quinnelcuajcuahuilt'iaj. 14"Ayoc aquij huehuentzitzi tlen mosehu'iaj para camatise campa ipuerta itepa toaltepe. Ayoc aca quicaqui tlen huicaj telpocame. 15Ayoc tijpiyaj paquilistli ipan toyolo. Achtohuiya timijtotiyayaj ica paquilistli, pero ama nochi mocueptoc choquistli. 16Ya tlantoc iyejca toaltepe huan totlanahuatil. Tiitztoque queja se tlanahuatijquetl tlen quiquixtilijtoque icorona huan campa tlanahuatiyaya. Titeicneltique tiisraelitame, pampa miyac titlajtlacolchijtoque. 17Yeca tojuanti fiero tijmatij ipan toyolo huan titlapolohuaj. Ayoc hueli titlachiyaj cuali. 18Ni tepetl Sion mocajtoc tlatzitzicatoc. Nochi quistejtoque. Campa moquetzayaya altepetl Jerusal'en ama nemij cayochime. 19"Pero ta, TOTECO, para nochipa titlanahuatis. Tiitztos ipan mosiya ipan elhuicac huan tijpiyas nochi tequihuejcayotl hasta toixhuihua quipiyase iniixhuihua huan para nochipa. 20Amo xitechilcahua para nochipa. Ya miyac xihuitl quipiya para ax titechilnamictoc. 21TOTECO, xitechcuepalti tlen tlajtlacoli para sampa ma timitztoquilise. Xijyancuili toyolo para sampa ma eli cuali queja achtohuiya. 22O ┬┐huelis ta titechhuejcamajcajtoc? ┬┐Huelis noja tlahuel ticualani tohuaya?"

will be added

X\