Lamentations 2

1Toteco quitlapachojtoc Jerusal'en ica ihueyi cualancayo tlen eltoc queja se hueyi mixtli. Quixolejtoc nopa altepetl tlen m'as yejyectzi ipan tlali Israel. Eltoc queja quimalacanijtoc Jerusal'en tlen elhuicactli hasta tlalchi. Pampa tlahuel cualaniyaya Toteco, niyon ax quitlasojtlatoc itiopa. 2Toteco quinxolejqui nochi tochajchaj tiisraelitame. Ica se tlalochtli ica icualancayo quinxolejqui nochi tepancaltini tlen m'as cuali tlasencahuali para ipan timomanahuijtosqu'iaj. Tlalchi huetztoc nochi tlen eltoya ipan Jerusal'en, nopa altepetl m'as yejyectzi ipan tlali Jud'a. Quitlamiltijtoc inintlanahuatilhua tlen itztoyaj tlanahuatiani nica huan quinpinahualtijtoc. 3Quema tlahuel cualanqui Toteco, techquixtili nochi tochicahualis tiisraelitame. Techquixtili ima tlen techmocuitlahuiyaya tlen tocualancaitacahua huan quincahuilijtoc ma techtlanica. Icualancayo queja se hueyi tlitl hualajtoc quixolehuaqui campa mocahuayayaj totlanahuatijcahua ipan tlali Israel. 4Queja se tocualancaitaca tlen quicualtlali icuahuitol huan techcoco, Toteco quixolejtoc nochi tlen quiitac yejyectzi. Queja se tlitl, icualancayo quiajsic hasta tocalijtic tojuanti tlen tiitztoyaj ipan yejyectzi Jerusal'en. 5Toteco quichijqui queja elisqu'ia se tocualancaitaca. Techtzontlamiltijtoc tiisraelitame. Quinxolejtoc totequicalhua tlen eliyayaj cuajcualtzi. Quimajcahua nochi nopa huejcapantique tepancaltini tlen tlasencahuali nelcuali para ipan timomanahuisqu'iaj. Tlahuel quimiyaquilijtoc tocuesol tlen tiehuani ni altepetl tlen m'as yejyectzi eliyaya tlen nochi ipan tlali Jud'a. 6Quixolejtoc ichaj queja se xajcali ipan mili. Quena, quixolejqui itiopa campa timosentiliyayaj. TOTECO quichijqui ma tiquilcahuaca nopa ilhuitl huan nopa tonali quema timosiyajcahuayayaj para ayoc ma tiquinchihuilica cuenta. Ica icualancayo quinhuejcamajcajtoc totlanahuatijcahua ininhuaya totajtzitzi. 7Toteco quitlahuelcajtoc itlaixpa campa tijmacayayaj tlacajcahualistli. Ax quinequi quiitas itiopa. Quitemactilijtoc ininmaco tocualancaitacahua nopa tepamitl tlen quitzacuayaya ni altepetl. Sejcoyoc ehuani tlen ax quitlepanitaj TOTECO tlahuelchihuaj ipan itiopa. Caquisti queja tiisraelitame tipaquiyayaj para titlaixpiyaj ipan se ilhuitl, pero ax ya. 8TOTECO moilhui para quixolehuas ni altepetl Jerusal'en tlen eliyaya yejyectzi. Quisencajqui quejatza quixolehuasqu'ia huan quichijqui. Huan quema hualajque tocualancaitacahua ica ininchicahualis, nopa tepamitl tlen quiyahualohuayaya Jerusal'en tlen techmanahuiyaya huetzqui tlatzintla. 9Ama ni altepetl ax quipiya puertas ipan itepa huan itepa tlen quiyahualohuayaya, san tlapojtoc mocahua. Tohueyi tlanahuatijca huan tlen quipalehuiyayaj ipan itequi itztoque ipan sequinoc tlaltini. Nopano ax onca itlanahuatilhua TOTECO. Tiocamanalohuani nopano ax quisel'iaj tlajtoli ipan tlanextili para ma tlayolmelahuaca. 10Nopa tlayacanani ipan altepetl Jerusal'en motzontlaltem'iaj huan moyoyont'iaj ica tlen fiero para quinext'iaj inincuesol. Mosehu'iaj tlalchi huan ax molin'iaj. Telpocame tlen Jerusal'en mocuahuijtzomaj tlalchi ica pinahualistli. 11Noixtiyol tlaxicojtoc pampa tlahuel nichocatoc. Nel'ia nimocuesohua. Nijmati tzayanis noyolo quema niquita para mocahua xolejtoc ni yejyectzi altepetl. Huan quema niquinita coneme huan pilconetzitzi tlen noja chichij apismiquij callejtipa, ax hueli niquijiyohu'ia. 12Nopa coneme quintlajtlan'iaj ininnanahua: "¿Canque eltoc pantzi huan xocomeca atl para tijcuase?" Teipa huetzij mictoque ojtipa. Imaco ininnana moijiyoquixt'iaj huan miquij. 13¿Tlachque huelis nimechilhuis, inJerusal'en ehuani, para inmoyoltlalise? Ax quema niquitztoc se tlaxolehualistli queja ni. Techcocojtoque huejcatla hasta queja ihuejcatlanca nopa hueyi atl. ¿Ajqueya huelis quichicahuas toaltepe? 14Nopa tiocamanalohuani istlacatque ica tlen quiitayayaj ipan tlanextili. Quiijtojque ax tleno topantis yonque nochi san tlen hueli tijchihuase. Ax quipannextijque tetlajtlacolhua para quicotonilijtosqu'iaj huan ax monectosqu'ia quinhuicatosqu'iaj huejca para tlaijiyohuise pampa miyac tlajtlacolchijtoyaj. San teilhuijque tlamantli tlen ax neli huan quinchijque ma quineltocaca para nochi eltoya cuali ica TOTECO. 15Nochi tlen yohuij ipan ojtli huan quiitaj Jerusal'en, momatlajtlaxcalohuaj ica paquilistli para techtlaijilhu'iaj. Quiquisij huan mocuaojolin'iaj huan toca huetzcaj ipampa tlen ipanti ni yejyectzi altepetl Jerusal'en. Quiijtohuaj: "¿Ya ni nopa altepetl tlen quiijtohuayayaj para tlen m'as yejyectzi ipan nochi tlaltepactli?" 16Ama nochi tocualancaitacahua toca camatij huan quimahuispolohuaj toaltepe pampa xolejtoc. Motlanhuehuechotzaj ica paquilistli. Quiijtohuaj: "Ni nopa tonal tlen tijchiyayayaj. Huan ama, quena, tiquitaque." 17TOTECO quichijqui tlen moilhuijtoya para quichihuas. Tlantoc tlen quiijto itlajtol tlen techilhui hasta huejcajquiya. Quiijtojtoya para techxolehuasqu'ia intla tijtlahuelcahuasqu'iaj, huan quena, tlaxolejqui huan ax techtlapojpolhui. Quicahuilijtoc ma toca huetzcaca tocualancaitacahua. Quinmacac hueyi chicahualistli. 18Nochi tlacame ipan ni altepetl ma quitlajtlanica TOTECO ma techpalehui. Quena, nochi imojuanti xichocaca yohuali tonali hasta toixayo mochihuas se atemitl iixtla. Ma ax mosiyajcahua toixtiyol, xisenchocaca. 19Ximehuaca ica tlayohua huan xitlahuelchihuaca. Sesen nahui horas quema mopatla nopa tlachixquetl ipan nopa huejcapantic tepancali, sampa xichocaca queja nochi quichihuayayaj achtohuiya. 20Huan niquijto: "Xijtlachili, TOTECO, nochi tlen techchihuilijtoc timotlacajhua. ¿Tiquita cuali para tename monequi quincuase ininpilconehua tlen noja chichij? ¿Tiquita cuali para quinmictise totajtzitzi huan tiocamanalohuani ipan motiopa? 21"Xijtlachili inintlacayo telpocame huan huehuentzitzi tlen tepejtoque ojojtipa. Totelpocahua huan toichpocahua quinmictijtoque ica machete. Ipan nopa tonal quema ticualaniyaya tohuaya, tiquinmicti. Tiquinmicti huan ax tiquintlapojpolhui. 22"Tijchijtoc ma hualaca tlacame tlen fiero tlen campa hueli, queja hualasqu'iaj ipan se ilhuitl. Ipan nopa tonal quema ticualantoya tohuaya, axaca huelqui momanahuis para itztos. Noconehua tlen niquiniscalti huan niquinmocuitlahui, tocualancaitacahua quinmictijque."

will be added

X\