Judges 17

1Campa tepetini ipan tlali Efra'in itztoya se tlacatl tlen itoca Mica'ia. 2Huan se tonal Mica'ia quiilhui inana: --Na nijcajqui tijtelchihua nopa tlaxtejquetl tlen quiichtejqui ni mil 100 plata tomi. Pero nica eltoc huan na tlen niquichtectoc. Huan inana quinanquili: --Ma TOTECO mitztiochihua, nocone, pampa tinechilhuijtoc tlen melahuac. 3Huan quicuepili inana nopa mil 100 plata tomi, huan inana quiijto: --Ni tomi nijnequi niquiyocatlalis para TOTECO mopampa ta, nocone. Nijnequi para ma quinsencahuas ome teteyome. Se ma quitejtequica huan ne seyoc ma quitejtepachoca tlen ni plata. Huajca sampa nimitzcuepil'ia ni tomi. 4Pero nopa tlacatl sampa quicuepili inana nopa tomi. Huajca inana quicuic 200 tlen nopa plata tomi huan quimacac se teposchijquetl para quinsencahuas teteyome. Se teteyotl ma san quitejtepachoca ica plata huan seyoc ma quitejtequica huan ma quiatilica nopa plata. Huan quema tlanque quicualtlalijque, quitlalijque ipan ichaj Mica'ia. 5Huan ichaj ni tlacatl Mica'ia temitoya ica teteyome huan quipixtoya nojquiya se yolixpantzajcayotl huan sequin pilteteyotzitzi. Huan Mica'ia hasta quitlali se itelpoca para ma eli tlen ya itotajtzi. 6Queja nopa quichijqui pampa ipan nopa tonali axaca tlanahuatiyaya ipan nopa tlali Israel, huan sese israelita quichihuayaya san tlen ya quinequiyaya. 7Huan itztoya se telpoca tlacatl tlen eliyaya iixhui Lev'i tlen momajtoya paxalojtinemi campa hueli huan mocahuayaya ipan altepetl Bel'en ipan tlali Jud'a, 8pero quicajqui nopa tlali huan yajqui quitemoti seyoc altepetl para ipan mocahuas. Huan ipan ojtli ajsico campa ichaj Mica'ia campa nopa miyac tlachiquili ipan tlali Efra'in. 9Huan Mica'ia quitlajtlani nopa telpoca tlacatl: --¿Canque tiehua? Huan nopa levita telpocatl quinanquili: --Na nihuala altepetl Bel'en ipan tlali Jud'a huan nijtemohua canque huelis nimocahuas. 10Huajca Mica'ia quiilhui: --Ximocahua nochaj huan nimitzchihuas tinototajtzi huan nimitztlaxtlahuis majtlactli plata tomi se xihuitl. Nojquiya nimitzmacas moyoyo huan motlacualis. Huan nopa levita yajqui ihuaya. 11Huajca nopa levita mocajqui ichaj huan elqui queja se iteixmatca. 12Huan Mica'ia quiiyocatlali ni levita tlacatl para ma eli inintotajtzi, huan mocajqui ichaj. 13Huan Mica'ia moilhui: "Ama temachtli TOTECO nechtiochihuas pampa nijtlapejpenijtoc se totajtzi tlen nel'ia se iixhui Lev'i."

will be added

X\