Judges 16

1Se tonal Sans'on yajqui altepetl Gaza. Nopona quiitac se ahuilnenca sihuatl huan cochqui ihuaya. 2Huan nimantzi Gaza ehuani quimatque Sans'on ajsitoya huan quiyahualojque nopa altepetl. Huan seyohual quimocuitlahuijque puertajteno itepa nopa altepetl para ax huelis quisas. Huan axaca moliniyaya, san moilhuiyayaj: "Mostla quema tlanesis, tijmictise." 3Pero Sans'on san mocajqui ihuaya nopa ahuilnenca sihuatl hasta tlajco yohual. Teipa mejqui huan ica ichicahualis quicuitejqui nopa huejhueyi cuapuertas ipan itepa nopa altepetl ihuaya iome huejhueyi tlaquetzalo. Huan quiquechpantlalijtejqui huan tlejcoc itzonpac nopa tepetl tlen eltoc iixmelac altepetl Hebr'on huan nopona quicajtejqui. 4Teipa quema panoc tonali, Sans'on quiixmatqui se sihuatl tlen itoca Dalila tlen tlali Sorec huan quiicneli. 5Huan nopa tlayacanani tlen filisteos yajque quicamahuitoj Dalila. Quiilhuijque ma quitemo canque huala ichicahualis Sans'on para queja nopa quimatise quejatza quitlanise huan quitatacatzose. Quiilhuijque quimacasqu'iaj mil 100 plata tomi tlen pajpatiyo. 6Huajca Dalila quiilhui Sans'on: --Xinechilhui canque huala mochicahualis pampa axaca hueli mitztatacatzohua para mitztlanis. 7Huan Sans'on quinanquili nopa sihuatl: --Intla nechtatacatzosqu'iaj ica chicome cuetlax mecatl tlen aya huactoc queja quitequihu'iaj ipan se cuahuitoli, huajca tlamis nochicahualis huan nielis queja sequinoc tlacame. 8Huan nopa tlayacanani quihualiquilijque nopa sihuatl chicome cuetlax mecatl tlen aya huactoc, huan ica quitatacatzo Sans'on. 9Huan quintlatijtoya nopa tlacame ipan se cuarto huan quema tlantoya quitatacatzohua, Dalila quiijto: --¡Sans'on, nopa filisteos itztoque nica para mitzitzquise! Pero Sans'on quicotonqui nopa cuetlax mecatl queja elisqu'ia san se icpatl tlen tlatlatoc. Huajca axaca quimatqui canque huala ichicahualis. 10Huan Dalila quiilhui Sans'on: --San tinechcajcayahua huan ax tinechilhu'ia tlen melahuac. Amantzi xinechilhui melahuac quejatza se huelis mitztatacatzos. 11Huan Sans'on queja ni quiilhui: --Intla nechtatacatzose ica mecatl tlen yancuic huan ax tlatequihuili, huajca tlamis nochicahualis huan nielis queja sequinoc tlacame. 12Huajca Dalila quicuic mecatl tlen yancuic huan ica ya nopa quitatacatzo huan quiilhui: --¡Sans'on, nopa filisteos hualajtoque mitzitzquise! Huan nel'ia nopa tlacame tlen tlapijpiyaj motlatijtoyaj calijtic. Pero Sans'on quicotonqui nopa mecatl queja elisqu'ia icpatl. 13Huajca Dalila quiilhui Sans'on: --Hasta ama noja tinechcajcayahua huan san tinechistlacahu'ia. Xinechilhui quejatza se huelis mitztatacatzos. Huajca Sans'on quiilhui: --Intla se quicuis ni chicome tlaxinepaloli tlen notzoncal huan quixinepalos ihuaya se yoyomitl huan quitatacatzos ipan cuaestacas, huajca tlamis nochicahualis. 14Huan quema cochqui Sans'on, Dalila quixinepalhuili itzoncal huan quitatacatzo ipan cuaestacas huan quiilhui: --¡Sans'on, nopa filisteos hualajtoque mitzitzquise! Pero Sans'on sampa isatiquisqui huan quipostejqui nopa cuaestacas huan nopa yoyomitl. 15Huan nopa sihuatl quiijto: --¿Quejatza tiquijtohua tinechicnel'ia, huan ax timotemach'ia ipan na? Tinechcajcayajtoc eyi huelta huan aya tinechilhuijtoc canque huala mochicahualis. 16Huan pampa Dalila mojmostla quitlajtlaniyaya, Sans'on ayoc huelqui moijiyohu'ia para ax quiilhuis canque huala ichicahualis. 17Huajca Sans'on moyolyamanili huan quiilhui: --Ax quema nimotzoncaltectoc pampa nise nazareo tlen niiaxca Toteco Dios hasta quema aya nitlacatiyaya. Intla se nechximas huajca nopa chicahualistli nechtlalcahuis, huan niyamaniyas huan nielis queja ne sequinoc tlacame. 18Huan quema Dalila quimatqui para ama nel'ia melahuac quiilhuijtoya nochi tlen elqui ipan iyolo sampa quinnotzqui nopa tlayacanani huan quinilhui: --Sampa xihualaca pampa ama, quena, nechilhuijtoc tlen melahuac. Huajca nopa macuilme tlayacanani tlen filisteos hualajque campa Dalila huan quihualicayayaj nopa tomi para quitlaxtlahuise. 19Huan Dalila quichijqui ma cochi Sans'on ipan icuaxanco, huan quema ya cochtoya, quinotzqui se tlacatl para ma quixima. Huan quitequili itzoncal tlen tlaxinepaloli ica chicome tlaxinepaloli. Huan Dalila pejqui quitlaijiyohuilt'ia pampa quiitac quitlalcahui ichicahualis. 20Huan nopa sihuatl quiilhui: --¡Sans'on, nopa filisteos hualahuij mitzitzquiquij! Huan Sans'on isatiquisqui huan moilhui: "Amantzi nimomanahuis queja nochipa nijchijtihualajtoc." Pero Sans'on ax quimatiyaya intla Itonal TOTECO ya quitlalcahuijtoya, huan ayoc itztoya ihuaya. 21Huan nopa filisteos quiitzquijque huan quiixtiyolquixtijque huan quihuicaque hasta altepetl Gaza. Nopona quitatacatzojque ica tepos cadena tlen bronce huan quichihuilijque ma tisi queja se tlatequipanojquetl nopona ipan tlatzactli. 22Pero ica tonali itzoncal Sans'on sampa pejqui moscalt'ia. 23Huan teipa nopa filisteos tlen tlayacanayayaj quichijque se hueyi ilhuitl para quipaquilismacase huan quimacase tlacajcahualistli ininteteyo, Dag'on. Quiijtohuayayaj: "Todios techmactili tomaco tocualancaitaca, Sans'on." 24Huan quema nopa miyac filisteos quiitaque Sans'on, quihueyichijque ininteteyo Dag'on huan quiijtojque: "Todios techmactilijtoc tomaco tocualancaitaca. Yajaya tlen quixolejtoc nochi totlal. Yajaya tlen quinmicti miyac tlen tohuampoyohua, ama tijpixtoque tomaco." 25Huan quema nelihuintitoyaj huan monelhueyimajtoyaj, quiijtojque: --Xijhualicaca Sans'on ma techpaquilismaca. Huan yajque quicuitoj campa tlatzactli huan quiquetzque tlatlajco campa nopa ome tlaquetzali. Huan nochi quihuetzquiliyayaj huan ica paquiyayaj. 26Huajca Sans'on quiilhui nopa oquichpil tlen quimatilanayaya: --Xijtlali noma ipan nopa ome tlaquetzali tlen quitlanantoc itzontzajca ni cali pampa nijnequi nimotlatzquilis. 27Huan nel'ia temitoya nopa hueyi tiopamitl ica filisteo tlacame huan sihuame. Nopona nojquiya itztoyaj nochi inintlanahuatijcahua. Huan itzonpac nopa cali mosehuijtoyaj queja 3 mil tlacame huan sihuame tlen quitlachiliyayaj Sans'on tlatzintla huan ica paquiyayaj. 28Huajca Sans'on momaijto ica TOTECO huan queja ni quiilhui: "TOTECO, Ta Tlen M'as Tijpiya Tlanahuatili, xinechilnamiqui huan xinechtlacaquili san ama. San ni huelta techmaca chicahualistli sampa para huelis niquincuepilis ni filisteos tlen nechquixtilijque noixtiyol." 29Huan Sans'on quitlali ima ipan nopa ome tlaquetzali tlen eltoya tlatlajco ipan nopa hueyi cali huan tlen quitlanantoya itzontzajca. Huan Sans'on ica nochi ichicahualis quincuatopejqui nopa tlaquetzali se ica inejmatl huan se ica ima arraves. 30Huan Sans'on quiijto: "Ma nimiqui ininhuaya ni filisteos." Huajca mopacho huan ica nochi ichicahualis quincuatopejqui nopa huejhueyi tlaquetzali tlen quitlanantoyaj nopa tzontzajcayotl. Huan nopa hueyi cali campa ilhuichihuayayaj huetzqui huan quintzonpechi nochi nopa tlanahuatiani huan nochi filisteos tlen nopona itztoyaj. Huajca Sans'on quinmicti m'as miyac filisteos nopona quema ya nojquiya mijqui huan ax queja quinmicti ipan nochi iyolis. 31Huan hualajque nochi iicnihua Sans'on huan nochi iteixmatcahua itata, huan quicuicoj itlacayo huan quihuicaque. Huan quitocatoj tlatlajco altepetini Zora huan Estaol ipan nopa mijca ostotl campa quitoctoyaj Manoa tlen eliyaya itata. Huan Sans'on quinyacantoya israelitame para 20 xihuitl queja ininjuez.

will be added

X\