Judges 1

1Quema ya mictoya Josu'e, nopa israelitame quitlajtlanijque TOTECO tlaque ipaquilis para quimatise catl'ia hueyi familia isoldados achtohui ma yaca para quintehuitij nopa cananeos. 2Huan TOTECO quinnanquili: "Achtohui monequi yase tlatehuitij nopa soldados ipan nopa hueyi familia Jud'a. Huan inijuanti tlatlanise pampa nijtlalijtoc ininmaco nopa tlali." 3Huan nopa tlayacanani ipan nopa hueyi familia Jud'a quinnotzque nopa tlayacanani ipan nopa hueyi familia Sime'on huan quinilhuijque: "Xihualaca huan xitechpalehuica para tiquintehuitij nopa cananeos tlen itztoque ipan nopa tlali tlen techtocaros. Huan teipa timechpalehuise tiquintehuitij tlen itztoque campa elis imoaxca." Huan isoldados Sime'on nimantzi motemacaque para quinpalehuitij. 4Huan isoldados Jud'a tlayacantiyajque huan TOTECO quichijqui ma quintlanica nopa cananeos huan ferezeos. Huan san ipan altepetl Bezec, quinmictijque 10 mil tlacame. 5Quipantitoj Tlanahuatijquetl Adoni Bezec ipan altepetl Bezec quema tlatehuiyayaj, 6pero yajaya cholo. Huan isoldados Jud'a huan Sime'on quitoquilijque huan quiitzquitoj huan quitzontequilijque ihueyi macpilhua huan ihueyi xocpilhua. 7Huajca Tlanahuatijquetl Adoni Bezec quiijto: "Na niquintzontequilijtoc 70 tlanahuatiani ininhueyi macpilhua huan ininhueyi xocpilhua, huan niquinchihualti ma quicuaca san nopa pan tlatlapatztli tlen huetzqui nomesatzala, huan ama Toteco Dios nechcuepilijtoc. Techchihuilijtoque san se queja na niquinchihuili sequinoc." Huan teipa nopa soldados quihuicaque altepetl Jerusal'en huan nopona mijqui. 8Isoldados Jud'a nojquiya quinmictijque miyac Jerusal'en ehuani ica machete. Quitlanque nopa altepetl huan quitlatijque. 9Teipa isoldados Jud'a yajque quintehuitoj nopa cananeos tlen itztoyaj ipan tepetini huan ipan tlali Neguev. Nojquiya quintehuitoj campa nopa tlamayamitl nechca hueyi atl. 10Huan nojquiya yajque quintehuitoj nopa cananeos tlen itztoyaj ipan altepetl Hebr'on. (Achtohuiya Hebr'on itoca eltoya Quiriat Arba.) Huan nojquiya quinmictijque nopa huejcapantique tlacame Sesai, Ahim'an huan Talmai. 11Teipa quitehuitoj nopa altepetl Debir tlen achtohuiya quitocajtiyayaj Quiriat Sefer. 12Huan Caleb quinilhui: "Yajaya tlen tlayacanas para quitehuiti huan quitlanis altepetl Debir, na nijmactilis noichpoca Acsa para ma eli isihua." 13Huan tlayacanqui para tlatlaniti Otoniel tlen eliyaya icone Cenaz tlen eliyaya iicni teipa ejquetl Caleb. Huajca Caleb quimactili Otoniel iichpoca para ma eli isihua. 14Huan quema nopa ichpocatl Acsa yahuiyaya ihuaya Otoniel, quicamahui ihuehue pampa moilhui cuali ma quitlajtlanijtehua itata se quentzi m'as tlali. Huajca teipa nopa ichpocatl iselti temoc tlen iburro huan quinechcahuito itata. Huan quema Caleb quiitac iichpoca, quitlajtlani: --┬┐Tlaque tijnequi? 15Huajca nopa ichpocatl quiilhui itata: --Tijpixtoc hueyi moyolo nohuaya huan tinechmacatoc se tlali campa nopa huactoc tlali Neguev. Pero se favor, nojquiya xitechmaca se quentzi tlali campa meya atl. Huajca Caleb quimacac nopa ameltini tlen eltoya ica tlatzintla huan ica huejcapa. 16Huan quema isoldados nopa hueyi familia Jud'a calajque ipan nopa huactoc tlali ica tlatzintla campa itoca Arad, nojquiya yahuiyayaj ininhuaya iteipa ixhuihua imontat Mois'es tlen inintoca ceneos. Pampa nopa ceneos quistejque campa quipixtoyaj ininchajchaj ipan nopa altepetl tlen apach cuatini huan yajque mocahuatoj ininhuaya itlacajhua nopa hueyi familia Jud'a ipan inintlal. 17Huan teipa isoldados Jud'a yajque ininhuaya isoldados nopa hueyi familia Sime'on san queja mocajtoyaj huan quintehuitoj nopa cananeos tlen itztoyaj ipan altepetl Sefat huan quintlamimictijque. Huajca nopa altepetl quitocajtijque Horma (Horma quinequi quiijtos Tlamimictoque.) 18Huan isoldados Jud'a nojquiya quintlanque nopa altepetini Gaza, Ascal'on huan Ecr'on ica nochi nopa pilaltepetzitzi tlen mocajqui nechca. 19Huan TOTECO nochipa itztoya ihuaya iteipa ixhuihua Jud'a, huan yeca quintzontlamiltijque nochi tlacame tlen itztoyaj campa tepeyo huan mocuilijque nopa tlali. Pero ax huelque quintojtocaj inijuanti tlen itztoyaj ipan tlamayamitl pampa quipixtoyaj tepos carrojme. 20Huan nopa altepetl Hebr'on quimactilijque Caleb queja Mois'es quiijtojtoya ma quichihuaca. Huan itztoyaj nopona iniixhuihua nopa eyi itelpocahua Anac tlen tlahuel huejcapantique, pero Caleb quinmicti. 21Pero iixhuihua Benjam'in ax huelque quinquixt'iaj ipan Jerusal'en nopa jebuseos. Yeca nopa jebuseos huan iixhuihua Benjam'in itztoque san sejco nopona hasta ama. 22Nojquiya iixhuihua Jos'e quitehuitoj altepetl Betel huan TOTECO itztoya ininhuaya. 23Huan quintitlanque tlacame ixtacatzi ma tlachiyatij ipan altepetl Betel. (Betel achtohuiya itoca eliyaya Tlahuili.) 24Huan nopa tlacame tlen yajque tlapijpiyatij quiitaque se tlacatl tlen quisayaya ipan nopa altepetl huan quiilhuijque: "Intla titechnextilis quejatza huelis ticalaquise ipan ni altepetl, ax tleno timitzchihuilise quema tijtlanise." 25Huan quinnextili canque huelis calaquise ipan nopa altepetl. Huan teipa iixhuihua Jos'e calajque huan quintlamimictijque ica machete nochi tlen itztoyaj nopona. Pero nopa tlacatl tlen quinpalehui quicajque ma yohui ica nochi ifamilia. 26Huan nopa tlacatl yajqui ipan inintlal heteos, huan nopona quipehualti seyoc altepetl huan quitocajti Tlahuili. Huan hasta ama queja nopa itoca. 27Nojquiya iixhuihua Manas'es ax huelque quintojtocaj tlen itztoyaj ipan altepetini Bet Se'an, Taanac, Dor, Ibleam, Meguido huan pilaltepetzitzi nechca. Yeca nopa cananeos noja mocajque ipan nopa tlali. 28Pero quema nopa israelitame pejque motlalanaj huan quipiyaj chicahualistli, quinchihualtijque nopa cananeos ma quintequipanoca san tlapic, pero ax huelque quintojtocaj. 29Nojquiya iixhuihua Efra'in ax huelque quintojtocaj nopa cananeos tlen itztoyaj ipan altepetl Gezer. Huajca mocajque nopona ininhuaya. 30Nojquiya iixhuihua Zabul'on ax huelque quintojtocaj tlen itztoyaj ipan altepetl Quitr'on, niyon ipan Naalal. Huajca nopa cananeos nopona mocajque ininhuaya, pero nopa israelitame quinchihualtijque ma quintequipanoca san tlapic. 31Nojquiya iixhuihua Aser ax huelque quintojtocaj tlen itztoyaj ipan altepetini Aco, Sid'on, Ahlab, Aczib, Helba, Afec huan Rehob. 32Huajca iixhuihua Aser mocajque ininhuaya nopa cananeos tlen itztoyaj ipan nopa tlali pampa ax huelque quintojtocaj. 33Nojquiya iixhuihua Neftal'i ax huelque quintojtocaj tlen itztoyaj ipan altepetl Bet Semes, niyon ipan Bet Anat. San mocajque nopona ininhuaya nopa cananeos pero quinchihualtijque ma quintequipanoca chicahuac. 34Nopa amorreos quinchihualtijque iixhuihua Dan ma mocahuaca ipan tepetini huan ax quincahuilijque ma itztoca campa tlamaya. 35Huan nopa amorreos teipa moaxcatijque nopa tepetl Heres, huan altepetini Ajal'on huan Saalbim nojquiya. Pero quema iixhuihua Jos'e pejque motlalanaj, quinchihualtijque nopa amorreos ma quintequipanoca chicahuac. 36Huan ininnepa nopa amorreos pejtejqui campa nopa tlaixtlejcolis tlen itoca Acrabim huan yajqui hasta Sela huan m'as ica huejcapa.

will be added

X\