Joshua 4

1Nochi nopa tlacame apanoque atemitl Jord'an, huan teipa TOTECO quiilhui Josu'e: 2"Xiquintlapejpeni 12 tlacame tlen nopa israelitame, se tlen sesen nopa huejhueyi familias. 3Huan xiquinilhui ma quiquixtica 12 tetini tlen eltoc tlatlajco nopa atemitl nechca campa ijcatoque nopa totajtzitzi. Huan ma quihuicaca huan ma quitlalica campa mosiyajcahuase ni yohuali." 4Huajca Josu'e quinnotzqui nopa 12 tlacame tlen quintlapejpenijtoya tlen sesen nopa huejhueyi familias, 5huan quinilhui: "Xicalaquica ipan nopa atemitl hasta tlatlajco campa eltoc icaxa TOTECO Dios. Huan sese imojuanti ximoquechpantlalilitij se tetl huan xijhualicaca nica. Monequi 12 tetl queja ininmiyaca itelpocahua tohuejcapan tata Israel ica tlen pejqui nopa 12 huejhueyi familias. 6Huan ni tetini elis queja se tlanextilijcayotl para imojuanti. Huan teipa quema imoconehua inmechtlajtlanise: '┬┐Tlaque quiijtosnequi ni tetini?', 7inquinnanquilise: 'Quema nopa tlacame tlen quihuicayayaj icaxa TOTECO tlayacantiyajque para calaquise ipan atemitl Jord'an, nopa atl moxelo. Huajca ni tetini mocahua queja se tlanextilijcayotl para nochi israelitame ma quiilnamiquica tlen panoc nopa tonal.' " 8Huajca nopa tlacame quichijque tlen Josu'e quinnahuatijtoya. Quicuique 12 tetini tlen Jord'an queja imiyaca nopa huejhueyi familias tlen israelitame. Huan quihuicaque campa mosiyajcahuaj nochi nopa israelitame huan nopona quinquetzque queja TOTECO quiilhuijtoya Josu'e. 9Nojquiya Josu'e quiquetzqui seyoc 12 tetini ipan nopa atemitl campa ijcatoyaj nopa totajtzitzi tlen quihuicayayaj icaxa TOTECO. Huan nopa tetini noja eltoc hasta ama. 10Huan nopa totajtzitzi tlen quihuicayayaj icaxa TOTECO mocajque tlatlajco atemitl Jord'an hasta quema nopa israelitame tlanque quichihuaj nochi tlen TOTECO quinahuatijtoya Josu'e para ma quinilhui nopa israelitame ma quichihuaca, huan nojquiya tlen Mois'es quinahuatijtoya Josu'e ma quichihua. Huan nopa israelitame moisihuiltijque para panose. 11Huan quema nochi nopa israelitame ajsique ne seyoc inaliyo nopa atemitl, nopa totajtzitzi ica icaxa TOTECO apanoque iniixpa nochi nopa tlacame. 12- 13Huan nechca 20 mil soldados tlen hualajque tlen nopa huejhueyi familias Rub'en, Gad huan tlen tlajco nopa hueyi familia Manas'es nojquiya panoque iniixpa nochi nopa israelitame. Huan inijuanti mocualtlalijtoyaj para tlatehuise huan quihuicayayaj inintepos queja Mois'es quinnahuatijtoya. Huan panoque iixpa TOTECO huan yajque ipan nopa tlamayamitl nechca altepetl Jeric'o. 14Huan ipan nopa tonal TOTECO quihueyitlali Josu'e iniixpa nopa israelitame, huan yeca quitlepanitaque Josu'e nochi iyolis san se queja quitlepanitaque Mois'es ipan nochi iyolis. 15Teipa TOTECO quiilhui Josu'e: 16"Xiquinnahuati nopa totajtzitzi tlen quihuicaj nopa caxa ica tlen imohuaya nimocajtoc para ma quisaca atemitl Jord'an huan ma tlejcoca campa tiitztoc." 17Huan Josu'e quinnahuati ma tlejcoca, 18huan nimantzi quema nopa totajtzitzi tlen quihuicaj icaxa TOTECO quisque ipan nopa atemitl huan moquetzque ipan tlali huactoc ipan ni inaliyo, nopa atl ipan nopa atemitl sampa mosentili queja achtohui eltoya huan sampa tlatemiyaya miyac. 19Huan nopa israelitame tlejcoque tlen atemitl Jord'an ipan majtlactli itequi nopa achtohui metztli ipan ininxihui. Huan quiquetzque ininyoyoncalhua nechca Gilgal iixmelac Jeric'o ica campa quisa tonati. 20Huan ipan Gilgal Josu'e quinquetzqui nopa 12 tetini tlen quihualicaque tlen atemitl Jord'an, 21huan quinilhui nopa israelitame: "Mostla huiptla quema imoconehua tlen tlacajtiyase inmechtlajtlanise: '┬┐Tlaque quiijtosnequi ni tetini?', 22xiquinpohuilica para ni tetini techilnamiquilt'ia para tiisraelitame tijpanoque ni atemitl Jord'an ipan tlali huactoc. 23Pampa TOTECO Dios quihuatzqui nopa atl hasta nochi tipanoque san se queja quihuatzqui nopa Hueyi Atl Chichiltic achtohui hasta tipanoque. 24Quena, xiquinpohuilica tlen quinequi quiijtos ni tetini para nochi tlacame ipan ni tlaltepactli ma quimatica TOTECO Dios quipiya hueyi chicahualistli huan para imojuanti nochipa xijhueyitlepanitaca."

will be added

X\