Joshua 22

1Huan Josu'e quinsentili nopa soldados tlen hualajque ipan nopa huejhueyi familias Rub'en, Gad huan ne tlajco iteipa ixhuihua Manas'es tlen mocajque campa quisa tonati, 2huan quinilhui: "Inquineltocaque nochi tlen TOTECO quinahuati Mois'es xijchihuaca. Huan nochi tlen na nimechilhuijtoc, inquichijtoque. 3Ax inquintlahuelcajtoque imoicnihua yonque miyac tonali titlatehuijtoque. Inquichijtoque nochi tlen imoTECO Dios inmechnahuatijtoc. 4Ama imoTECO Dios techpalehuijtoc ma titlatlanica huan techmacatoc tojuanti tlen tiimoicnihua, tlasehuilistli queja techilhui. Huajca ama sampa huelis inyase imochajchaj huan imoaltepehua ipan ne seyoc inaliyo atemitl Jord'an para campa quisa tonati campa Mois'es itlatequipanojca TOTECO inmechmactili imotlal. 5San ximomocuitlahuica para xijchihuaca senquistoc nochi nopa tlanahuatili tlen Mois'es inmechmacac. Xiquicnelica TOTECO Dios huan xinemica ipan iojhui. Xijneltoquilica nochi itlanahuatilhua huan san ya xijhueyichihuaca. Xijtequipanoca ica nochi imoyolo huan ica nochi imotonaltzi." 6- 7Huan Mois'es quinmactilijtoya tlajco iteipa ixhuihua Manas'es nopa tlali Bas'an campa quisa tonati, pero ne seyoc tlajco iteipa ixhuihua Manas'es quiselijque tlali tlen Josu'e quinmacac para campa temo tonati. Huan Josu'e quintiochijqui huan monahuatijque, 8huan quinilhui: "Sampa xiyaca imochajchaj ica nochi imoricojyo tlen inquitlantoque tlen tocualancaitacahua. Inquinpiyaj tlahuel miyac tlapiyalime, plata, oro, bronce huan yoyomitl. Huajca quema inajsise, xiquinmajmacatij imoicnihua ipan imotlal." 9Huajca nopa soldados tlen itztoyaj iteipa ixhuihua Rub'en, Gad huan tlajco iteipa ixhuihua Manas'es quincajtejque nopa sequinoc israelitame ipan Silo ipan tlali Cana'an. Huan apanoque atemitl Jord'an huan sampa yajque ipan nopa tlali tlen TOTECO quiilhuijtoya Mois'es ma quinmacaca. 10Pero ipan ojtli quema noja itztoyaj ipan tlali Cana'an huan quinechcahuiyayaj iteno atemitl Jord'an para apanose, nopa soldados tlen itztoyaj iteipa ixhuihua Rub'en, Gad huan tlajco iteipa ixhuihua Manas'es quiquetzque se tlaixpamitl tlen nel'ia hueyi. 11Huan quema nopa israelitame campa temo tonati quicajque para iteipa ixhuihua Rub'en, Gad huan Manas'es quiquetztoyaj se tlaixpamitl ipan inepa Cana'an nechca atemitl Jord'an, 12mosentilijque nochi nopona altepetl Silo para quintehuitij. 13- 14Pero achtohui quititlanque Finees, icone totajtzi Eleazar, ica majtlactli huejhueyi tlayacanani, se tlayacanquetl tlen sesen hueyi familia tlen mocahuayayaj ipan nopa tlali campa temo tonati. Huan ajsique campa itztoyaj iteipa ixhuihua Rub'en, Gad huan tlajco iteipa ixhuihua Manas'es nopona ipan tlali Galaad. 15Huan quema ajsitoj ipan tlali Galaad, quinilhuijque: 16--Nochi israelitame tlen quitlepanitaj TOTECO techtitlantoque ma timechtlajtlaniquij: '¿Para tlen queja ni intlajtlacolchihuaj iixpa TOTECO Dios tlen tiisraelitame tijtequipanohuaj huan inmoiyocacahuaj para ax inquineltocase tohuaya? Inquichijtoque se tlaixpamitl para ma nesi ayoc inquitlepanitaj TOTECO. 17¿Ax inquiilnamiquij nopa tlajtlacoli tlen sequin tlacame quichijque ipan Peor quema quinhueyichijque nopa tlaixcopincayome, huan TOTECO techtlatzacuilti ica se hueyi cocolistli? Huan hasta ama nopa tlajtlacoli noja techcocohua. 18Huan ama imojuanti ¿nojquiya inquinequij inmoiyocatlalise huan inmoyoltetilise ica TOTECO? Huan intla inmotzontetil'iaj iixpa ama, mostla yajaya cualanis ica nochi tiisraelitame. 19Huan intla ax inhuelij inquihueyichihuase TOTECO nopona ipan ne inaliyo Jord'an para campa quisa tonati pampa inquiitaj ax tlapajpactic iixpa TOTECO nopa tlali tlen inquiselijque, huajca xipanoca hasta ne seyoc inaliyo ni atemitl campa TOTECO itztoc tohuaya ipan iyoyon tiopa huan timechmacase tlali campa tojuanti. Pero amo ximotzontetilica ica TOTECO niyon ica tojuanti. Amo xijquetzaca se tlaixpamitl para seyoc tecojtli tlen ax TOTECO Dios tlen ya quipiya itlaixpa. 20¿Ax inquiilnamiquij quema Ac'an, icone Zera, tlajtlacolchijqui iixpa TOTECO huan mocuili tlen quitelchijtoya TOTECO, huan TOTECO techtitlanili miyac tlatzacuiltili nochi tiisraelitame? Ax san mijqui Ac'an, pero mijque miyac israelitame ica itlajtlacol.' 21Huajca iteipa ixhuihua Rub'en, Gad huan tlajco iteipa ixhuihua Manas'es quinnanquilijque nopa tlayacanani tlen nopa huejhueyi familias tlen israelitame huan quinilhuijque: 22--TOTECO yajaya tlen quipiya nochi chicahualistli. Yajaya tlen quinnahuat'ia nochi tlen sequinoc quintocajt'iaj dioses. San yajaya TOTECO. Yajaya quimati para melahuac totlajtol, huan xijmatica nochi imojuanti nojquiya. Tijtestigojquetzaj TOTECO para ax tijchijtoque ni tlaixpamitl para timoiyocatlalise huan timoyoltetilise. 23Niyon ax tijchijtoque para tijcajtehuase TOTECO o para ipan tijmacase tlacajcahualistli tlatlatili o tlen harina, o para onca tlayoltlalili ihuaya. Intla queja nopa, huajca amantzi ma techtlatzacuilti TOTECO. 24Pero tijchijque pampa tiquicnel'iaj. Timoilhuijque huelis mostla o huiptla imoteipa ixhuihua quinilhuise toteipa ixhuihua para ax quipiyaj tlanahuatili para yase quihueyichihuatij TOTECO Dios tlen tiisraelitame tijtequipanohuaj imohuaya nopona ipan imotlal. Huelis quinilhuise toteipa ixhuihua para ax tleno quipiyaj imohuaya. 25Huelis moilhuise para TOTECO quitlalijtoc ni atemitl Jord'an para techiyocacahuase huan quinilhuise toteipa ixhuihua tlen tohuejhueyi familias Rub'en, Gad huan tlajco ifamilia Manas'es para ax tleno tijpiyaj ica TOTECO. Huan queja nopa imoteipa ixhuihua quinchihuase toteipa ixhuihua ma ayoc quitlepanitaca TOTECO. 26"Yeca timoilhuijque m'as cuali ma tijchihuaca se tlaixpamitl, pero ax para ipan tijtlatise o tijtencahuase tlacajcahualistli. 27¡Axtle! Tijchijque nopa tlaixpamitl para ma quinilnamiquilti imoixhuihua huan toteipa ixhuihua para tojuanti nojquiya tijhueyichihuaj TOTECO. Pero san tijcahuase tlacajcahualistli iixpa TOTECO ipan iyoyon tiopa campa imojuanti. Huan imoconehua ax huelise quinilhuise toconehua para ax quipiyaj tlanahuatili para quihueyichihuase TOTECO imohuaya. 28Huan intla imoixhuihua queja nopa quiijtose, toixhuihua quinnanquilise: 'Xiquitaca ni tlaixpamitl tlen totatahua quisencajtoque queja TOTECO itlaixpa, pero ax quichijque para tlacajcahualistli tlatlatili. San quisencajque para technextilis para imojuanti huan tojuanti san se tiitztoque.' 29"Ma ax quema timoilhuica para timohuejcatlalise tlen TOTECO. Ax quema timohuejcachihuase tlen ya, o tijchihuase se tlaixpamitl para tojuanti totlacajcahualis, niyon para tlacajcahualistli tlatlatili, niyon tlacajcahualistli tlen harina, niyon tlen onca. Pampa tijmatij san nopa tlaixpamitl tlen eltoc ipan iyoyon tiopa TOTECO Dios tlen mocahua tohuaya tiisraelitame quinamiqui para tlacajcahualistli." Queja nopa quiijtojque. 30Huajca quema nopa totajtzi Finees huan nopa tlayacanani tlen nopa huejhueyi familias tlen israelitame quicajque tlen nopa soldados tlen Rub'en, Gad, huan tlajco familia Manas'es quiijtojque, nel'ia pajque. 31Huan nopa totajtzi Finees quinilhui: --Ama tijmatij temachtli TOTECO itztoc ica nochi tojuanti pampa tiquitaj ax intlajtlacolchijtoque iixpa ya. Huan yeca intechijcuenilijtoque se hueyi tlatzacuiltili tlen hueltosqu'ia techajsitosqu'ia. 32Teipa Finees tlen elqui icone nopa totajtzi Eleazar ininhuaya nopa sequinoc tlayacanani, quincajtejque nopa soldados tlen Rub'en, Gad huan tlajco nopa familia Manas'es ipan tlali Galaad huan sampa yajque ipan tlali Cana'an, huan quinpohuilijque nopa israelitame nochi tlen panotoya. 33Huan nochi nopa israelitame nopona pajque miyac ica tlen quiijtojque, huan quicualitaque tlen panotoya. Huan nopa israelitame quihueyichijque Toteco Dios, huan ayoc moilhuijque para quintehuitij iniicnihua huan quixolehuatij nopa tlali campa itztoque iteipa ixhuihua Rub'en huan Gad. 34Huajca iteipa ixhuihua Rub'en huan Gad quitocajtlalijque nopa tlaixpamitl: "Nopa tlaixpamitl tlen techilnamiquiltis." Pampa quiijtojque: "Moquetza queja se testigo para techilnamiquiltis imojuanti huan tojuanti para san TOTECO yajaya DIOS."

will be added

X\