Joshua 21

1Huan nopa tlayacanani tlen iteipa ixhuihua Lev'i yajque quiitatoj nopa totajtzi Eleazar, ihuaya Josu'e huan nochi ne sequinoc tlayacanani ipan nochi huejhueyi familias tlen israelitame. 2Huan quincamahuijque nepa ipan Silo ipan tlali Cana'an huan quinilhuijque: "TOTECO quinahuati Mois'es ma techmactili altepetini campa tiitztose huan potreros campa tlacuase totlapiyalhua." 3Huajca nopa israelitame quineltocaque tlen TOTECO tlanahuatijtoya huan sesen hueyi familia quinmacac nopa levitame sequin altepetini ica ininpotreros ipan inintlal. 4Lev'i huejcajquiya quinpixqui eyi itelpocahua: Coat, Gers'on huan Merari. Huan achtohui mahuiltijque ica piltetzitzi para quimatise catl'ia quiselise iteipa ixhuihua Coat tlen inintoca eliyaya coatitame. Huan nopa coatitame tlen nojquiya itztoyaj iteipa ixhuihua Aar'on, se iteipa ixhui Coat, inijuanti quiselijque 13 altepetini ipan nopa tlaltini tlen iniaxca iteipa ixhuihua Jud'a, Sime'on huan Benjam'in. 5Pero nopa sequinoc coatitame tlen ax elque iteipa ixhuihua Aar'on quiselijque majtlactli altepetini ipan nopa tlaltini tlen iniaxca iteipa ixhuihua Efra'in, Dan huan nopa tlajco iteipa ixhuihua Manas'es. 6Teipa mahuiltijque ica piltetzitzi para quimatise catl'ia quiselise iteipa ixhuihua Gers'on, huan quiselijque 13 altepetini ipan nopa tlaltini tlen iniaxca iteipa ixhuihua Isacar, Aser, Neftal'i huan ne seyoc tlajco iteipa ixhuihua Manas'es tlen mocajque nopa seyoc inaliyo Jord'an ipan tlali Bas'an. 7Huan sampa mahuiltijque ica piltetzitzi para quimatise catl'ia quiselise iteipa ixhuihua Merari. Huan quiselijque 12 altepetini ipan nopa tlaltini tlen iniaxca iteipa ixhuihua Gad huan Zabul'on. 8Huajca queja tenextili nopa piltetzitzi, nopa israelitame quinmactilijque iteipa ixhuihua Lev'i altepetini huan potreros para inintlapiyalhua queja TOTECO quinahuatijtoya Mois'es. 9- 10Huajca nopa piltetzitzi quinexti para coatitame tlen iteipa ixhuihua Aar'on achtohui ma quiselica inialtepehua. Huajca iteipa ixhuihua Jud'a huan Sime'on quiiyocatlalijque altepetini para quinmacase. 11Huan quinmacaque Quiriat Arba ica nochi ipotreros ipan nopa tepeyo ipan itlal Jud'a. Nopa altepetl quipixqui itoca Arba pampa Arba elqui itata Anac huan nopa altepetl nojquiya itoca eliyaya Hebr'on. 12Pero nopa mili tlen mocajqui m'as huejca tlen nopa altepetl huan ipilaltepetzitzi quimacaque Caleb, icone Jefone. 13Huan Hebr'on nojquiya quiselijque iteipa ixhuihua Aar'on huan eliyaya se altepetl campa hueli momanahuise para ipan momanahuis se tlacatl tlen temictijtoya. Huan nojquiya iteipa ixhuihua Aar'on quiselijque Libna, 14Jatir, Estemoa, 15Hol'on, Debir, 16A'in, Juta, huan Bet Semes ica nochi ininpotreros. Huajca nopa huejhueyi familias Jud'a huan Sime'on quinmactilijque iteipa ixhuihua Lev'i chicnahui altepetini. 17Huan nopa hueyi familia Benjam'in quinmactilijque nahui altepetini huan ininpotreros: Gaba'on, Geba, 18Anatot huan Alm'on. 19Huajca ica nochi iteipa ixhuihua Aar'on quiselijque 13 altepetini ica ininpotreros. 20Huan nica eltoc inintoca nopa nahui altepetini ica ininpotreros tlen nopa hueyi familia Efra'in quinmacac nopa sequinoc levitame tlen itztoyaj iteipa ixhuihua Coat pero ax hualajque ipan Aar'on teipa. 21Quiselijque Siquem ipan nopa tepeyo ipan itlal Efra'in tlen nojquiya eliyaya se altepetl campa hueli momanahuise. Huan quiselijque Gezer, 22Kibsaim huan Bet Hor'on ica ininpotreros. 23Huan nopa hueyi familia Dan quinmacac nahui altepetini ica ininpotreros: Elteque, Gibet'on, 24Ajal'on huan Gat Rim'on. 25Huan nopa tlajco hueyi familia Manas'es ica campa temo tonati quinmacaque ome altepetini ica ininpotreros: Taanac huan Gat Rim'on. 26Huajca para nochi ne sequinoc coatitame quiselijque majtlactli altepetini ica ininpotreros. 27Huan nopa levitame tlen hualajque ipan icone Lev'i tlen itoca eliyaya Gers'on quiselijque ni altepetini: Nopa tlajco tlen nopa hueyi familia Manas'es tlen itztoque ica campa quisa tonati quiselijque ome altepetini ica ininpotreros: Gol'an ipan tlali Bas'an, se altepetl campa hueli momanahuise, huan Beestera. 28Tlen nopa hueyi familia Isacar quinselijque nahui altepetini ica ininpotreros: Cis'on, Daberat, 29Jarmut huan En Ganim. 30Tlen nopa hueyi familia Aser quinselijque nahui altepetini ica ininpotreros: Miseal, Abd'on, 31Helcat huan Rehob. 32Tlen nopa hueyi familia Neftal'i quinselijque eyi altepetini ica ininpotreros: Cedes, se para ipan momanahuise ipan tlali Galilea, huan Hamot Dor huan Cart'an. 33Huajca ica nochi nopa gersonitame quiselijque 13 altepetini ica ininpotreros. 34Huan nopa levitame tlen hualajque tlen icone Lev'i tlen itoca Merari quiselijque ni altepetini: Tlen nopa hueyi familia Zabul'on quinselijque nahui altepetini ica ininpotreros: Jocneam, Carta, 35Dimna huan Naalal. 36Tlen nopa hueyi familia Rub'en quinselijque nahui altepetini ica ininpotreros: Beser, Jahaza, 37Cademot huan Mefaat. 38Tlen nopa hueyi familia Gad quinselijque nahui altepetini ica ininpotreros: Galaad, se altepetl campa hueli momanahuise, huan Mahanaim, 39Hesb'on huan Jazer. 40Huajca ica nochi iteipa ixhuihua Lev'i tlen hualajque ipan icone Merari huejcajquiya quiselijque 12 altepetini. 41Huan nochi iteipa ixhuihua Lev'i san sejco quiselijque 48 altepetini, 42huan sese altepetl quipixqui ipotreros. 43Huajca TOTECO quinmactili nopa israelitame nochi nopa tlali tlen ininhuaya mocajqui ininhuejcapan tatahua para quinmacasqu'ia. Huan nopa israelitame nopona mocajque para itztose. 44Huan TOTECO quinmacac tlasehuilistli queja quiijto. Huan axaca huelqui ininhuaya motlalis para quintehuis pampa TOTECO quinmacac chicahualistli para ma quintlanica nochi inincualancaitacahua. 45Nochi nopa cuali tlamantli tlen TOTECO quinilhui quinmacasqu'ia, nochi quinmactili.

will be added

X\