Joshua 19

1Huan ica ompa mahuilti Josu'e ica piltetzitzi iixpa TOTECO, huan quinextili catl'ia tlali ma quimaca nopa hueyi familia Sime'on ica ihuexca queja imiyaca ininfamilias. Huan quiselijque tlali ipan inintlal iteipa ixhuihua Jud'a. 2Tlen iteipa ixhuihua Sime'on quiselijque elqui nochi ni altepetini ica nochi ininpilaltepetzitzi: Beer Seba, Seba, Molada, 3Hazar Sual, Bala, Ezem, 4Eltolad, Betul, Horma, 5Siclag, Bet Marcabot, Hazar Susa, 6Bet Lebaot huan Saruh'en. Huajca mochijqui 13 altepetini ica ininpilaltepetzitzi. 7Huan quiselijque A'in, Rim'on, Eter huan As'an, nahui altepetini huan ininpilaltepetzitzi. 8Huan iteipa ixhuihua Sime'on quiselijque nochi ni altepetini tlen m'as mocajqui ica sur queja altepetl Baalat Beer (tlen nojquiya itoca Ramat) tlen eltoc ipan nopa Neguev. Nochi ya ni quiselijque iteipa ixhuihua Sime'on ica ihuexca queja imiyaca ininfamilias. 9Nopa tlali tlen quinmacaque, quiquixtilijque tlen nopa tlali tlen quiselijtoyaj iteipa ixhuihua Jud'a pampa onpano hueyi para inijuanti. 10Huan ica expa mahuilti ica piltetzitzi iixpa TOTECO, huan quinexti catl'ia tlali ma quimaca nopa hueyi familia Zabul'on ica ihuexca queja imiyaca ininfamilias. Huan ininnepa iteipa ixhuihua Zabul'on ajsic ica sur hasta altepetl Sarid, 11huan tlen Sarid yajqui para campa temo tonati hasta Marala huan hasta Dabeset huan teipa ajsic nopa pilatlajtzi nechca Jocneam. 12Huan tlen Sarid ininnepa iteipa ixhuihua Zabul'on yajqui para campa quisa tonati hasta campa monepant'ia ica Quislot Tabor huan teipa ajsic altepetl Daberat huan tlejcoc hasta altepetl Jaf'ia. 13Teipa yohui para campa quisa tonati hasta altepetini Gat Hefer, Ita Caz'in huan Rim'on. Huan teipa quichihua se huelta para yas altepetl Nea. 14Ica norte ininnepa iteipa ixhuihua Zabul'on yohui hasta altepetl Hanat'on, huan ontlami ica nopa tlamayamitl tlen itoca Jefte El. 15Huan ipan nopa tlali iteipa ixhuihua Zabul'on nojquiya quiselijque ni altepetini: Catat, Naalal, Simr'on, Idala, huan Bel'en ihuaya nochi ininpilaltepetzitzi. Huajca ica nopa sequinoc elqui 12 altepetini. 16Huajca ya ni elqui tlen quiselijque iteipa ixhuihua Zabul'on huan ihuexca inintlal elqui queja imiyaca ininfamilias. 17Huan ica najpa mahuilti Josu'e ica piltetzitzi iixpa TOTECO, huan quinextili catl'ia tlali ma quinmaca iteipa ixhuihua Isacar ica ihuexca queja imiyaca ininfamilias. 18Huan ipan nopa tlali tlen quiselijque iteipa ixhuihua Isacar quipixqui ni 16 altepetini ica ininpilaltepetzitzi: Jezreel, Quesulot, Sunem, 19Hafaraim, Sih'on, Anaharat, 20Rabit, Quisi'on, Abez, 21Remet, En Ganim, En Hada huan Betpases. 22Huan ininnepa Isacar ajsic hasta altepetini Tabor, Sahazima huan Bet Semes, huan ontlami ipan atemitl Jord'an. 23Nochi ya ni quiselijque iteipa ixhuihua Isacar huan ininfamilias tlen pejque ica ininhuejcapan tatahua. 24Huan ica macuilpa mahuilti Josu'e ica piltetzitzi iixpa TOTECO, huan quinexti catl'ia tlali ma quinmaca iteipa ixhuihua Aser ica ihuexca inintlal queja imiyaca ininfamilias. 25Huan inintlal quipixqui ni altepetini: Helcat, Hal'i, Bet'en, Acsaf, 26Alamelec, Amad huan Miseal ipan ininnepa ica sur. Huan ininnepa para campa temo tonati onajsi hasta altepetl Carmelo huan Sihor Libnat. 27Ininnepa ica campa quisa tonati yohui tlen altepetl Betdag'on hasta quinamiquiyaya itlal Zabul'on huan quiajsic nopa tlamayamitl Jefte El, huan teipa panoc ica norte hasta Bet Emec, Neiel, huan hasta Cabul, 28Hebr'on, Rehob, Ham'on, Can'a huan hasta Sid'on tlen hueyi. 29Teipa ininnepa quimacac huelta hasta altepetini Ram'a huan Tiro, nopa altepetl ica se hueyi tepamitl. Huan teipa ininnepa ajsic ipan nopa Hueyi Atl Mediterr'aneo ipan altepetl Hosa. Ni tlali nojquiya quipixqui Aczib, 30Uma, Afec huan Rehob. 31Huajca ni tlali quipixqui 22 altepetini ica nochi ininpilaltepetzitzi huan quiselijque iteipa ixhuihua Aser huan ihuexca inintlal elqui queja imiyaca ininfamilias. 32Huan ipan nopa chicuasempa huelta mahuilti Josu'e ica piltetzitzi iixpa TOTECO, quinextili catl'ia tlali ma quinmaca iteipa ixhuihua Neftal'i ica ihuexca queja imiyaca ininfamilias. 33Huan ininnepa pejqui ica altepetl Helef ipan nopa hueyi ahua cuahuitl nechca Al'on Saananim huan yajqui Adami Neceb, Jabneel, Lacum, huan onquisa ipan atemitl Jord'an. 34Teipa nopa nepamitl yajqui para campa temo tonati huan panoc Aznot Tabor huan yajqui hasta Hucoc. Huan monepantiyaya ica sur ica inintlal iteipa ixhuihua Zabul'on, huan monepantiyaya ica inintlal iteipa ixhuihua Aser ica campa temo tonati. Huan atemitl Jord'an eliyaya inepa para campa quisa tonati. 35Huan nopa altepetini tlen quinyahualtzactoque ica tepamitl elqui Sidim, Zer, Hamat, Racat, Cineret, 36Adama, Ram'a, Hazor, 37Cedes, Edrei, En Hazor, 38Ir'on, Migdal El, Horem, Bet Anat huan Bet Semes. Huajca inintlal quipixqui 19 altepetini ica nochi ininpilaltepetzitzi. 39Nochi ni altepetini ica nochi ininpilaltepetzitzi quiselijque iteipa ixhuihua Neftal'i ica nochi ininhuejhueyi familias. 40Huan ica chicompa, mahuilti Josu'e ica piltetzitzi iixpa TOTECO, huan quinextili catl'ia tlali ma quinmaca iteipa ixhuihua Dan queja imiyaca ininfamilias. Huajca iteipa ixhuihua Dan quiselijque ni altepetini: 41Zora, Estaol, Ir Semes, 42Saalab'in, Ajal'on, Jetla, 43El'on, Timnat, Ecr'on, 44Elteque, Gibet'on, Baalat, 45Jehud, Bene Berac, Gat Rim'on, 46Mejarc'on, Rac'on huan nojquiya nopa tlali tlen eltoc nechca Jope. 47Pero iteipa ixhuihua Dan noja ax moaxcatijtoyaj nochi nopa tlali tlen quintocaro. Huajca tlejcoque huan quintehuijque tlen itztoyaj ipan tlali Lesem huan moaxcatijque huan quintlamimictijque nopona. Huan mocajque para itztose nopona, huan teipa quitocajtijque Lesem, Dan, queja itoca ininhuejcapan tata. 48Huajca nochi ni altepetini ica nochi ininpilaltepehua quintocaro iteipa ixhuihua Dan huan ihuexca inintlal elqui queja imiyaca ininfamilias. 49Huan nopa israelitame tlanque quixejxelohuaj nopa tlali ica nopa 12 huejhueyi familias. Huan teipa iyoca quimactilijque se tlali Josu'e para iaxca. 50Huan queja TOTECO quiijto, quimacaque Josu'e tlen tlajtlanisqu'ia. Huajca Josu'e tlajtlanqui ma quimacaca altepetl Timnat Sera campa tepeyo ipan tlali Efra'in. Huan quimacaque. Huajca Josu'e sampa quisencajqui nopa altepetl huan nopona mocajqui para itztos. 51Huajca elqui nopa totajtzi Eleazar, Josu'e huan nochi israelita tlayacanani tlen mahuiltijque ica piltetzitzi iixpa TOTECO nechca altepetl Silo huan quinmajmactilijque nopa tlali ica nopa huejhueyi familias. Huan mahuiltijque calixpa campa calaquij ipan nopa yoyon tiopamitl campa TOTECO mopantiyaya Ininhuaya. Huan tlanque quixejxelohuaj nopa tlali.

will be added

X\