Joshua 18

1Huan quema tlantoyaj quixelojque nopa tlali, nochi israelitame mosentilijque nechca altepetl Silo para quiquetzase nopa yoyon tiopamitl campa TOTECO mopantiyaya ininhuaya. 2Huan yonque nopa israelitame quipixque tequiticayotl ipan nochi nopa tlali, tlacame ipan chicome huejhueyi familias aya quiselijtoyaj inintlal. 3Huajca Josu'e quinilhui nopa israelitame: "┬┐Hasta quema huelis inquichiyase para inmoaxcatise nopa tlali tlen inmechmacatoc TOTECO Dios yajaya, tlen quitequipanojque imotatahua? 4- 5Nopa hueyi familia Jud'a ya quipiya itlal ica sur huan iteipa ixhuihua Jos'e ya quipiyaj inintlal ica norte. Pero monequi sesen nopa chicome huejhueyi familias tlen aya quiselijtoque inintlal ma quintlapejpenica eyi tlacame huan nechtitlanilise. Huan na niquintitlanis ipan nopa tlali tlen polihui timoaxcatise. Huan inijuanti quicotonase nopa tlali ica chicome tlacotomitl. Huan quitlachilijtinemise nopa tlali, 6huan quichihuase se iixcopinca tlen nopa tlali huan quiijcuilose inepa nopa tlali tlen quinequij quiselise huan nechhualiquilise. Huan nijtlalis iixpa TOTECO Dios huan nimahuiltis ica nopa piltetzitzi para niquitas ajqueya quiselis sesen tlali. 7Pero iteipa ixhuihua Lev'i ax quipiyase se tlali tlen quintocaros pampa quintocarohua quitequipanose TOTECO queja totajtzitzi para quiselise nopa tlacajcahualistli huan ya nopa elis nopa tlatiochihualistli tlen TOTECO quinmaca. Huan Mois'es, itlatequipanojca TOTECO, ya quinmactilijtoc iteipa ixhuihua Gad huan Rub'en huan tlajco iteipa ixhuihua Manas'es inintlal ipan seyoc inaliyo atemitl Jord'an para campa quisa tonati." 8Huajca Josu'e quinilhui nopa tlacame tlen quintlapejpenijtoyaj: "Xipanotinemica ipan nochi nopa tlali huan xiquixcopinaca ipan se amatl huan xiquijcuiloca quejatza ihuexca. Teipa techhualiquilica, huan nimahuiltis iixpa TOTECO nica ipan Silo para ma nechnextili quejatza ma nimechmactilis sese imojuanti tlen inmechtocaros." 9Huajca nopa tlacame quitlachilijtinenque nopa tlali huan quitlamachijque huan quicotonque ica chicome tlacotomitl. Huan tlajcuilojque sese altepetl tlen eltoya ipan sese tlacotomitl. Huan teipa sampa yajque campa Josu'e itztoya ipan Silo. 10Huan Josu'e mahuilti ica piltetzitzi iixpa TOTECO para quimatis ajqueya quiselis sesen tlali. Huan queja TOTECO quinextili, quinmajmactili inintlal sesen hueyi familia tlen nopa israelitame, huan ihuexca inintlal elqui queja imiyaca ininfamilias. 11Huan ajsic hora para mahuiltis para quimatis catl'ia tlali elis iniaxca iteipa ixhuihua Benjam'in. Huan quintocaro se tlali tlen mocajqui tlatlajco inintlal iteipa ixhuihua Jud'a huan Jos'e. 12Ininnepa benjaminitame ica norte pejqui ica atemitl Jord'an campa quisa tonati, huan yajqui para campa temo tonati huan ica norte apano altepetl Jeric'o, huan teipa panoc ipan nopa tepetini hasta ajsic nopa huactoc tlali nechca altepetl Bet Av'en. 13Tlen nopona ininnepa sampa yajqui para altepetl Luz (o Betel) huan temoc hasta altepetl Atarot Adar ipan nopa tepeyo tlen mocahua ica sur tlen altepetl Bet Hor'on Tlen Tlatzintla. 14Huan tlen nopona ininnepa iteipa ixhuihua Benjam'in quimaca se huelta huan yohui ica sur para apanos nopa tepetini nechca Bet Hor'on para campa temo tonati. Teipa ajsi ipan nopa pilaltepetzi tlen itoca Quiriat Baal (tlen nojquiya itoca Quiriat Jearim) huan eltoya se altepetl tlen iniaxca iteipa ixhuihua Jud'a. Ya ni ininnepa Benjam'in ica campa temo tonati. 15Huan ininnepa benjaminitame ica sur pehua ica Quiriat Jearim huan yohui para campa temo tonati hasta campa nopa ameli itoca Neftoa. 16Teipa ininnepa yohui hasta itzintla nopa tepetl tlen mocahua ica norte tlen nopa Tlamayamitl Refaim campa pehua nopa Tlamayamitl Hinom. Huan teipa ininnepa benjaminitame yohui m'as ica sur ipan nopa Tlamayamitl Hinom huan pano ica sur hasta nopa tlaixtemolis tlen nopa altepetl tlen ama itoca Jerusal'en huan teipa yohui m'as ica sur hasta nopa ameli Rogel. 17Teipa ininnepa benjaminitame quimaca huelta huan yohui ica norte hasta En Semes huan teipa hasta Gelilot tlen mocahua iixmelac nopa tlaixtlejcolis para Adum'in. Teipa temo m'as ica sur hasta nopa tetl tlen itoca Boh'an. (Boh'an elqui icone Rub'en tlen huejcajquiya itztoya.) 18Teipa ininnepa pano ica norte iteno nopa tlamayamitl nechca atemitl Jord'an huan teipa quitoquili nopa tlaixtemolis hasta nopa tlamayamitl itoca Arab'a. 19Teipa ininnepa iteipa ixhuihua Benjam'in ica sur pano Bet Hogla ica norte huan ajsi hasta campa atemitl Jord'an calaqui ipan nopa Hueyi Atl Mictoc ica norte. 20Huan ininnepa benjaminitame ica campa quisa tonati eltoc atemitl Jord'an. Huajca nochi ya ni techilhuijtoc nochi ininnepa nopa tlali tlen iteipa ixhuihua Benjam'in quiselijque ica nochi ininfamilias. 21Huan nojquiya quiselijque iteipa ixhuihua Benjam'in ni altepetini queja ininmiyaca ininfamilias. Quiselijque: Jeric'o, Bet Hogla, Casis, 22Bet Arab'a, Zemaraim, Betel, 23Avim, Par'a, Ofra, 24Quefar Haamoni, Ofni, huan Geba. Huajca 12 altepetini huan ininpilaltepetzitzi. 25Nojquiya quiselijque Gaba'on, Ram'a, Beerot, 26Mizpa, Cafira, Mozah, 27Requem, Irpeel, Tarala, 28Zela, Elef, Jeb'us (tlen nojquiya itoca Jerusal'en), Gabaa huan Quiriat. Mochijque 14 altepetini huan iyoca nochi ininpilaltepetzitzi. Nochi ya ni quintocaro iteipa ixhuihua Benjam'in ica nochi ininfamilias.

will be added

X\