Joshua 17

1Ama nimechilhuis catl'ia tlali quiselijque iteipa ixhuihua Manas'es tlen elqui iachtohui ejca cone Jos'e huejcajquiya. Manas'es huejcajquiya quipixqui iachtohui ejca tlen itoca eliyaya Maquir. Huan Maquir cuali quimatqui tlatehu'ia. Huan Maquir ihuaya itelpoca Galaad huan iniixhuihua ya quiselijtoyaj inintlal ipan seyoc nali Jord'an para campa quisa tonati tlen ama itoca nopa tlali Galaad huan tlali Bas'an. 2Huajca ama ipan ni inaliyo Jord'an para campa temo tonati san quixelohuayayaj tlali ica iteipa ixhuihua Manas'es tlen quisque tlen itelpocahua tlen inintoca eliyaya Abiezer, Helec, Asriel, Siquem, Hefer, huan Semida. Ya ni inintoca itlaca ixhuihua Manas'es, icone Jos'e, huan sesen quipixqui miyac ininteipa ixhuihua. 3Pero se iteipa ixhui Manas'es tlen itoca Zelofehad ax quipixqui niyon se oquichpil. Zelofehad elqui icone Hefer huan iixhui Galaad, huan iteipa ixhui Maquir tlen elqui icone Manas'es huejcajquiya. Zelofehad san quinpixqui macuilti ichpocame tlen inintoca eliyaya Maala, Noa, Hogla, Milca huan Tirsa. 4Huan nopa ichpocame yajque iniixpa totajtzi Eleazar huan Josu'e, icone Nun, huan quinilhuijque: "TOTECO quinahuati Mois'es ma techmactili tlali queja quiselisqu'iaj sequinoc ixhuime ipan tohueyi familia." Huajca queja TOTECO tlanahuatijtoya, Josu'e quinmacac tlali queja imiyaca tlen quiselijque inintlaihua. 5Huajca iteipa ixhuihua Manas'es quiselijque majtlactli huejhueyi tlaltini. Iyoca nojquiya quintocaro nopa tlaltini Galaad huan Bas'an tlen mocahua ipan seyoc inaliyo Jord'an para campa quisa tonati, 6pampa ni ichpocame tlen iteipa ixhuihua Manas'es nojquiya quiselijque tlali para iniaxca ica tlacame tlen iteipa ixhuihua. 7Huan nopa tlali tlen quintocaro iteipa ixhuihua Manas'es quipixqui inepa ica norte huan quentzi m'as para campa temo tonati tlen pejqui ica itlal hueyi familia Aser. Huan itlal Manas'es yajqui tlen inepa ica Aser ica sur hasta altepetl Micmetat tlen elqui iixmelac Siquem para campa quisa tonati. Huan tlen Micmetat inepa yajqui ica sur hasta nopa tlali campa itztoyaj Tap'ua ehuani. 8(Nopa tlali Tap'ua eliyaya iaxca Manas'es, pero altepetl Tap'ua eliyaya iniaxca iteipa ixhuihua Efra'in yonque mocajqui ipan inepa itlal Manas'es.) 9- 10Teipa inepa Manas'es quitoquili iteno ica norte tlen nopa pilatlajtzi Can'a huan onquisayaya hasta nopa Hueyi Atl Mediterr'aneo. (Sequin altepetini tlen mocahuayaya ica sur tlen nopa pilatlajtzi eliyaya iaxca nopa hueyi familia Efra'in yonque mocajqui ipan itlal Manas'es.) Huajca itlal Efra'in eltoya iteno ica sur. Huan ica norte iteno eltoya inintlal iteipa ixhuihua Manas'es huan nopa hueyi atl eltoya ininnepa ica campa temo tonati. Huan ininnepa Manas'es ica norte huan quentzi para campa temo tonati monepant'ia ihuaya inintlal iteipa ixhuihua Aser. Huan ica norte huan quentzi para campa quisa tonati monepant'ia ihuaya inintlal iteipa ixhuihua Isacar. 11Huan iteipa ixhuihua Manas'es nojquiya quiselijque altepetini ipan inintlal nopa huejhueyi familias Isacar huan Aser. Huan nopa altepetini inintoca Bet Se'an, Ibleam, Dor (tlen eltoya ateno), Endor, Taanac huan Meguido. Huan ica sese altepetl nojquiya quiselijque nochi ininpilaltepetzitzi tlen quiyahualo. 12Pero iteipa ixhuihua Manas'es ax huelque moaxcatise nochi nopa altepetini pampa cananeos mocajque nopona huan ax huelque quintojtocaque. 13Pero teipa quema nopa israelitame quentzi m'as motlalanque, quinchihualtijque nopa cananeos ma quintequipanoca san tlapic; pero ax nel'ia quintojtocaque. 14Huan iteipa ixhuihua Jos'e tlen nojquiya itztoyaj ininteipa ixhuihua Manas'es huan Efra'in yajque quicamahuitoj Josu'e huan quiilhuijque: --┬┐Para tlen titechmacac san se piltlaltzi huan TOTECO techtiochijtoc hasta timiyac? 15Huan Josu'e quinnanquili: --Intla nel'ia inmiyaquij huan ax inmechaxil'ia nopa tlali, huajca monequi xitlejcoca campa nochi nopa cuatini tlen iniaxca ferezeos huan refaitame huan nopona xitlatzontequica huan ximoaxcatica. 16Huan iteipa ixhuihua Jos'e tlananquilijque: --Niyon nopa hueyi cuatitlamitl amo techaxilis. Huan nochi nopa cananeos tlen itztoque campa tlamayamitl quipiyaj tepos carros para tlatehuise. Huan nojquiya quipiyaj tepos carros tlen itztoque ipan Bet Se'an huan ipilaltepetzitzi huan tlen itztoque ipan tlamayamitl Jezreel. 17Huajca Josu'e quinnanquili ininteipa ixhuihua Efra'in huan Manas'es huan quinilhui: --Inmiyaqui huan inquipiyaj miyac chicahualistli. Ax san inquiselise se piltlaltzi, 18pero nojquiya inmoaxcatise nopa hueyi cuatitlamitl. Xitlatzontequica hasta campa inepa ica norte. Yonque nopa cananeos quipiyaj tepos carros huan neltetique, nijmati inhuelise inquintojtocase.

will be added

X\