Joshua 16

1Huan nopa sorteo quinexti para iteipa ixhuihua itelpocahua Jos'e ma quiselica se tlali tlen quipixqui inepa ica sur. Pejtejqui ica iteno atemitl Jord'an campa altepetl Jeric'o huan quentzi m'as para campa quisa tonati tlen ameli Jeric'o. Huan ininnepa teipa panoc ipan huactoc tlali huan yajqui ica norte tlen Jeric'o hasta nopa tepeyo Betel. 2Huan tlen Betel tlen nojquiya quiilhu'iaj Luz panoc hasta Atarot ipan inintlal arquitame. 3Teipa ininnepa yohui para campa temo tonati hasta inintlal nopa jafletitame huan hasta inepa Bet Hor'on Tlen Tlatzintla huan hasta Gezer. Huan teipa yohui hasta nopa hueyi atl Mediterr'aneo hueyi atl. 4Huajca nopa ome huejhueyi familias, Manas'es huan Efra'in, quiselijque ni tlali para iniaxca. Nochi inijuanti iteipa ixhuihua Jos'e tlen huejcajquiya itztoya. 5Ama nimechilhuis catl'ia tlali quiselijque iteipa ixhuihua Efra'in. Ininnepa ica campa quisa tonati pejtehua ica altepetl Atarot Adar huan yajqui hasta Bet Hor'on Tlen Huejcapa, 6huan teipa yohui hasta Hueyi Atl Mediterr'aneo campa temo tonati. Huan ininnepa ica norte pehua nopona ipan nopa hueyi atl, huan yohui para campa quisa tonati hasta Micmetat ica norte huan pano hasta Taanat Silo huan Janoa. 7Huan inepa quisa Janoa, huan yohui ica sur hasta Atarot huan Naarat, huan pano iteno altepetl Jeric'o huan onquisa campa atemitl Jord'an. 8Huan nopa nepamitl ica norte tlen elqui m'as para campa temo tonati pehua ica Tap'ua huan quitoquili nopa pilatlajtzi tlen itoca Can'a para campa temo tonati hasta nopa Hueyi Atl Mediterr'aneo. Huan ya ni elqui nopa tlali tlen quiselijque iteipa ixhuihua Efra'in huan ihuehueyaca nopa tlali elqui queja imiyaca ininfamilias. 9Nojquiya Efra'in iteipa ixhuihua quiselijque sequin altepetini ipan nopa tlali tlen quintocaro nopa tlajco hueyi familia Manas'es. 10Pero iteipa ixhuihua Efra'in ax huelque quintojtocaj nopa cananeos tlen itztoque ipan altepetl Gezer. Yeca nopa cananeos noja itztoque ininhuaya israelitame huan quintequipanohuaj.

will be added

X\