1 Ya ni nopa tlali tlen TOTECO quinexti ipan nopa sorteo ma quimacaca nopa hueyi familia Jud'a. Inintlal pejqui ica campa quisa tonati ica inepa tlali Edom huan quipano nopa huactoc tlali Zin ica sur. 2 Quiijtosnequi ininnepa Jud'a ica sur pejqui ica nopa Hueyi Atl Mictoc campa inaliyo ica sur, 3 huan yohui quentzi m'as ica sur ipan nopa tlaixtemolis Acrabim, huan quipano nopa huactoc tlali Zin hasta ica sur tlen Cades Barnea huan hasta Hezr'on. Teipa ininnepa tlejco hasta Adar huan teipa tlayahualohua hasta Carca. 4 Tlen nopona ininnepa Jud'a yohui hasta Asm'on huan hasta nopa atlajtli tlen Egipto huan quitoquil'ia hasta nopa hueyi atl tlen itoca Mediterr'aneo. Ya ni ininnepa ica sur. 5 Huan ininnepa Jud'a ica campa quisa tonati eltoc iteno nopa Hueyi Atl Mictoc queja yohui ica norte hasta campa atemitl Jord'an calaqui ipan Hueyi Atl Mictoc. Nopona campa calaqui ne atemitl pejtehua ininnepa ica norte. 6 Teipa ininnepa tlejco hasta Bet Hogla huan pano ica norte tlen Bet Arab'a, huan teipa yohui campa eltoc nopa tetl tlen iaxca eliyaya Boh'an, icone Rub'en. 7 Teipa nopa nepamitl tlejco ipan nopa tlamayamitl Acor hasta altepetl Debir, huan teipa yohui ica norte hasta sampa ajsi ipan Gilgal imelac nopa tlaixtemolis Adum'in tlen mocahua ica sur tlen nopa atlajtli. Teipa nopa nepamitl pano campa meya nopa atl campa itoca En Semes huan yohui hasta Rogel. 8 Huan tlen nopona ininnepa pano ipan nopa tlamaya Benhinom tlen mocahua ica sur tlen nopa tlaixtemolis nechca Jeb'us. (Jeb'us ama itoca Jerusal'en.) Teipa tlejco nopa nepamitl para campa temo tonati hasta itzonixco nopa tepetl ipan tlamaya Hinom huan yohui ica norte ipan tlamaya Refaim hasta itlamiya. 9 Huan tlen itzonixco nopa tepetl ininnepa Jud'a yohui huijcoltic hasta campa meya nopa Atl tlen Neftoa. Teipa yohui hasta nopa altepetini ipan tepetl Efr'on. Huan teipa ininnepa yohui huijcoltic ica norte hasta Baala tlen nojquiya itoca Quiriat Jearim. 10 Teipa ininnepa iteipa ixhuihua Jud'a quiyahualojtoya tlen Baala para campa temo tonati hasta tepetl Seir huan hasta itlaixtemolis tepetl Jearim o Quesal'on ica norte, huan teipa ininnepa temo hasta Bet Semes huan hasta Timna. 11 Teipa ininnepa yohui ipan nopa tlaixtemolis Ecr'on ica norte huan yohui huijcoltic hasta Sicr'on huan hasta tepetl Baala huan hasta Jabneel huan ontlami ica nopa Hueyi Atl Mediterr'aneo. 12 Huan ininnepa Jud'a para campa temo tonati ya nopa iteno nopa hueyi atl. Huajca nochi ya ni inepa itlal nopa hueyi familia Jud'a ica nochi ininteipa ixhuihua. 13 Huan TOTECO quiilhui Josu'e ma quimaca Caleb itelpoca Jefone se tlali ipan inintlal iteipa ixhuihua Jud'a. Huajca quimacac altepetl Quiriat Arba (Arba elqui itata Anac) tlen nojquiya itoca altepetl Hebr'on. 14 Huan Caleb quintojtocac tlen Hebr'on nopa eyi itelpocahua Anac tlen inintoca Sesai, Ahim'an huan Talmai, huan moaxcati nopa altepetl. 15 Huan Caleb quisqui nopona huan quintehuito ipan nopa altepetl Debir tlen achtohuiya itoca eliyaya Quiriat Sefer. 16 Huan Caleb quinyolmelajqui isoldados para quimacas iichpoca, Acsa, para mochihuas isihua nopa tlacatl tlen quitlanisqu'ia nopa altepetl Debir. 17 Huan quitlanito Otoniel itelpoca Cenaz tlen elqui iicni Caleb. Huan huajca Caleb quimacac iichpoca Acsa para elis isihua Otoniel. 18 Huan ipan ne nenamictili quema nopa telpocatl quihuicayaya isihua, quiilhui ma quitlajtlani itata se quentzi m'as tlali para se regalo. Huajca Acsa temoc tlen iburro para quicamahui itata Caleb. Huan itata quitlajtlani: --¿Tlaque tijnequi? 19 Huan nopa ichpocatl quinanquili: --Nijnequi para ma nesi tinechtiochijtoc, huajca xinechmaca seyoc regalo. Nopa tlali tlen tinechmacatoc huactoc huan ax tleno hueli eli nopona, huajca nojquiya xinechmactili se tlali ica se ome ameli. Huajca Caleb quimacac nopa ameli tlen eltoc ica norte huan tlen eltoc ica sur. 20 Nica nimitzilhuis nopa altepetini tlen iteipa ixhuihua Jud'a quiselijque. 21 Ica sur nechca Edom quiselijque ni altepetini: Cabseel, Edar, Jagur, 22 Cina, Dimona, Adada, 23 Cedes, Hazor, Itn'an, 24 Zif, Telem, Bealot, 25 Hazor Hadata, Queriot, Hezr'on (tlen nojquiya itoca Hazor), 26 Amam, Sema, Molada, 27 Hazar Gada, Hesm'on, Bet Pelet, 28 Hazar Sual, Beerseba, Bizotia, 29 Baala, Iim, Esem, 30 Eltolad, Quesil, Horma, 31 Siclag, Madmana, Sansana, 32 Lebaot, Silhim, A'in huan Rim'on. Huajca elqui 29 altepetini huan ininpilaltepetzitzi. 33 Ipan tlamayamitl quiselijque ni altepetini: Estaol, Zora, Asena, 34 Zanoa, En Ganim, Tap'ua, Enam, 35 Jarmut, Adulam, Soco, Azeca, 36 Saaraim, Aditaim, Gedera huan Gederotaim. Huajca elqui 14 altepetini huan ininpilaltepetzitzi ipan tlamayamitl. 37 Huan nojquiya ipan tlamayamitl elqui ni altepetini: Zen'an, Hadasa, Migdal Gad, 38 Dile'an, Mizpa, Jocteel, 39 Laquis, Boscat, Egl'on, 40 Cab'on, Lahmam, Quitlis, 41 Gederot, Bet Dag'on, Naama huan Maceda. Huajca ya ni elqui 16 altepetini ica ininpilaltepetzitzi. 42 Nojquiya Libna, Eter, As'an, 43 Jifta, Asena, Nezib, 44 Keila, Aczib huan Maresa. Huajca mochijqui chicnahui altepetini huan ininpilaltepetzitzi. 45 Nojquiya quiselijque Ecr'on huan nochi nopa altepetini huan nopa pilaltepetzitzi nechca. 46 Huan tlen altepetl Ecr'on inepa tlali Jud'a yajqui hasta nopa Hueyi Atl Mediterr'aneo huan quipixqui nochi nopa altepetini nechca altepetl Asdod ica ininpilaltepetzitzi. 47 Huajca nopona Jud'a quipixqui altepetl Asdod ica ipilaltepetzitzi huan Gaza ica ipilaltepetzitzi huan nochi tlali hasta atemitl Egipto ica sur huan hasta iteno nopa Hueyi Atl Mediterr'aneo. 48 Campa tepetini quiselijque ni altepetini ica nochi ininpilaltepetzitzi: Samir, Jatir, Soco, 49 Dana, Quiriat Sana (tlen nojquiya itoca Debir), 50 Anab, Estemoa, Anim, 51 Gos'en, Hol'on huan Gilo. Huajca ya ni mochijqui 11 altepetini ica ininpilaltepetzitzi. 52 Huan quiselijque Arab, Duma, Es'an, 53 Janum, Bet Tap'ua, Afeca, 54 Humta, Quiriat Arba (tlen nojquiya itoca Hebr'on), huan Sior. Huajca ya ni mochijqui chicnahui altepetini ica ininpilaltepetzitzi. 55 Nojquiya quiselijque Ma'on, Carmel, Zif, Juta, 56 Jezreel, Jocdeam, Zanoa, 57 Ca'in, Gabaa, Timna. Huajca ni mochijqui majtlactli altepetini huan ininpilaltepetzitzi. 58 Nojquiya quiseli Halhul, Bet Sur, Gedor, 59 Maarat, Bet Anot, Eltec'on. Huajca ya ni mochijqui chicuase altepetini huan ininpilaltepetzitzi. 60 Nojquiya quiselijque altepetini Quiriat Baal (tlen nojquiya itoca Quiriat Jearim) huan Rab'a ihuaya ininpilaltepetzitzi. Huajca ya ni mochijqui ome altepetini. 61 Ipan nopa huactoc tlali quiselijque ni altepetini: Bet Arab'a, Mid'in, Secaca, 62 Nibs'an, nopa tlen itoca Altepetl tlen Istatl huan Engadi. Huajca mochijqui chicuase altepetini huan ininpilaltepetzitzi. 63 Pero iteipa ixhuihua Jud'a ax huelqui quintojtocaque nopa jebuseos tlen itztoyaj ipan altepetl Jerusal'en. Huajca jebuseos noja itztoque nopona ininhuaya iteipa ixhuihua Jud'a hasta ama.
