Joshua 14

1Ya ni nopa tlaltini ipan tlali Cana'an tlen quinxejxelhuilijque nopa israelitame ipan nopa chicnahui huan tlajco huejhueyi familias tlen aya quiseliyayaj tlen quintocarohua. Huan Josu'e, nopa hueyi totajtzi Eleazar, huan nopa tlayacanquetl ipan sesen hueyi familia quipixque nopa tequitl para quinmajmacase nopa tlali. 2Achtohui mahuiltijque ica piltetzitzi huan ica ya nopa TOTECO quinexti tlaque hueyi familia quiselisqu'ia sesen tlali, pampa queja nopa TOTECO quinahuatijtoya Mois'es ma quichihua. 3Huan ipan seyoc inaliyo atemitl Jord'an para campa quisa tonati, Mois'es ya quinmacatoya tlali nopa huejhueyi familias Rub'en huan Gad huan tlajco nopa hueyi familia Manas'es. Pero nopa levitame ax quinmacac tlali. 4Pampa Jos'e quipixqui ome itelpocahua huejcajquiya tlen inintoca Manas'es huan Efra'in, huan inijuanti mochijque ome huejhueyi familias ipatlaca iteipa ixhuihua Lev'i tlen ax quinpojqui ininhuaya nopa 12 huejhueyi familias. Huan nopa tlayacanani ax quinmacaque iteipa ixhuihua Lev'i se tlali. San quinmacaque altepetini para ipan itztose ica quentzi potreros nechca para quiniscaltise tlapiyalime. 5Huajca nopa israelitame quixelojque nopa tlali queja TOTECO quinahuatijtoya Mois'es. 6Se tonal sequin iteipa ixhuihua Jud'a yajque campa Josu'e ipan Gilgal. Huan se tlen inijuanti tlen itoca Caleb tlen elqui itelpoca Jefone huan iixhui Cenez quiilhui Josu'e: "Xiquilnamiqui tlen TOTECO quiilhui Mois'es ipan Cades Barnea tlen ta huan na. 7Na nijpiyayaya 20 xihuitl quema Mois'es nechtitlanqui Cades Barnea ma tijtlachilitij nopa tlali tlen TOTECO techmacasqu'ia. Huan quema sampa nihualajqui, niquilhui tlen nijmatqui ipan noyolo para melahuac. 8Pero inijuanti tlen yajque nohuaya quichijque ma momajmatica nopa tlacame. Quinilhuijque ax huelis tijtlanise. Pero na nijtoquili TOTECO Dios ica nochi noyolo. 9Huajca Mois'es quitestigojquetzqui TOTECO huan nechilhui: 'Nochi nopa tlali tlen ipan tinejnentoc elis moaxca ta huan moixhuihua para nochipa, pampa timotemachi ipan TOTECO Dios ica nochi moyolo.' 10"Queja nopa nechilhui. Ya nopa quipiya 45 xihuitl. Huan queja quiijto TOTECO nechcahuilijtoc ma niitzto nochi nopa xihuitl quema tiisraelitame tinemiyayaj ipan huactoc tlali huan hasta ama. Huan ama xiquita, ya nijpixtoc 85 xihuitl. 11Huan noja nijpiya chicahualistli queja quema Mois'es nechtitlanqui ma nijtlachiliti ni tlali. Huan noja hueli ninejnemi cuali huan nitlatehu'ia queja ipan nopa tonal. 12Huajca nimitztlajtlan'ia, xinechmaca nopa tepeyo tlen TOTECO nechilhui nechmacasqu'ia ipan nopa tonal. Tiquilnamiqui nepa tiquinpantijque iixhuihua nopa huejcapantic tlacatl Anac. Huan nopona oncac huejhueyi altepetini tlen tzactoc ica tepamitl cuali tlachijchihuali, pero intla TOTECO nechpalehuis, niquintojtocas queja ya techilhuijtoc ma tijchihuaca." 13Huajca Josu'e quitiochijqui Caleb, huan quimacac nopa altepetl Hebr'on para elis iaxca huan iniaxca iteipa ixhuihua. 14Yeca nopa tlali eltoc iaxca Caleb huan iteipa ixhuihua hasta ama, pampa ica nochi iyolo Caleb quitoquili TOTECO Dios tlen tiisraelitame tijtequipanohuaj. 15Achtohui Hebr'on itoca eliyaya Quiriat Arba (Quiriat Arba quinequi quiijtos Ialtepe Arba), pampa Arba elqui nopa tlacatl tlen m'as hueyi ipan nopa anaceo tlacame. Huan tlanqui nochi tlatehuijcayotl, huan oncac tlasehuilistli ipan nopa tlali.

will be added

X\