Jonah 4

1Pero quema TOTECO moyolpatlac, Jon'as ax quicualitac. Nel'ia cualanqui. 2Huajca momaijto ica TOTECO, huan quiilhui: --Xiquita TOTECO, na cuali nijmatiyaya para panosqu'ia ya ni quema noja niitztoya ipan notlal. Yeca nimantzi nijnequiyaya nicholos huejca hasta altepetl Tarsis. Nijmatiyaya para ta se tiDios tlen titetlasojtla huan titeicnel'ia. Ax nimantzi ticualani, huan nelhueyi motlaicnelilis hasta titlayolmelahua se tlatzacuiltilistli huan teipa timoyolpatla. 3Yeca ama, TOTECO, nimitztlajtlan'ia xinechmicti na. M'as cuali para nimiquis huan ax niitztos. 4Pero TOTECO quinanquili: --¿Cuali tiquita para queja nopa ticualanis? 5Huan quisqui Jon'as ipan N'inive huan yajqui imelac nopa altepetl campa quisa tonati. Huan nopano quichijqui se pilxajcaltzi ica xihuitl. Teipa mosehui itzala para moecahuilis huan quiitas tlachque panosqu'ia ica nopa altepetl. 6Huan teipa ixihuiyo nopa xajcali huajqui pampa tlahuel tonayaya. Pero TOTECO Dios quichijqui para nimantzi ma moscalti se pilacuacualachtzi itzontla Jon'as para ma quiecahuilis ica ixihuiyo patlahuac huan para quipalehuis ma ax tlahuel tlaijiyohuis. Huan Jon'as nel'ia paquiyaya ica nopa pilacuacualachtzi. 7Pero hualmostla, Toteco Dios quichijqui se ocuili ma quicualolti nopa imacuayo huan yeca huajqui. 8Huan quema quisqui tonati, Toteco Dios quichijqui ma huala tlen campa quisa tonati se huac ajacatl tlen tlahuel totonic. Huan tonati quitlatiyaya Jon'as ipan itzonteco huan quimatqui tlapolosqu'ia. Huan quinequiyaya cualancamiquis pampa huajqui nopa pilacuacualachtzi. Huan quiijto: --M'as cuali nimiquis huan ayoc nitlaijiyohuis ipan ni yolistli. 9Pero Toteco Dios quinanquili: --¿Cuali tiquita para noca ticualanis quej ni pampa nijchijqui ma huaqui nopa pilacuacualachtzi tlen mitzecahuiliyaya? Huan Jon'as tlananquili: --¡Quena, cuali niquita! ¡Nicualani mohuaya hasta nijnequi nimiquis! 10Huajca TOTECO quiilhui: --Ticualantoc pampa tijtlasojtlac nopa pilacuacualachtzi tlen na nijmicti. Pero na nijtojqui huan nijchijqui ma moscalti, ax ta. Huan yonque ax nijmictijtosqu'ia, ax huejcajtosqu'ia. 11Huan intla ya nopa ipati moixpa, ¿ax tiquita noja m'as ipati nochi nopa miyac tlacame ipan ni hueyi altepetl N'inive huan monequi niquintlasojtlas? Nopano itztoque pano 120 mil tlen aya tleno quimachil'iaj. Huan iyoca itztoque miyac tlapiyalime. Quena, monequi niquintlasojtlas.

will be added

X\