JUAN 8

1Pero Jes'us yajqui ipan se tepetl tlen itoca Olivo, 2huan tonili ijnaltzi mocuepqui campa nopa hueyi tiopamitl ipan Jerusal'en. Huan hualajque miyac tlacame campa Jes'us huan ya mosehui huan pejqui quinmacht'ia. 3Huajca nopa tlamachtiani tlen itlanahuatil Mois'es huan nopa fariseos quihualicaque se sihuatl tlen quipantijque quichihuayaya tlen hueli ihuaya se tlacatl tlen ax ihuehue. Huan quiquetzque nopa sihuatl tlatlajco nopa tlacame iixpa Jes'us. 4Huan quiilhuijque Jes'us: --Tlamachtijquetl, tijpantijque ni sihuatl quichihuayaya tlen hueli ica se tlacatl tlen ax ihuehue. 5Itlanahuatilhua Mois'es technahuat'ia ma tiquinmictica ni tlamantli sihuame ica tetl. Huan ta, ¿quejatza tiquijtohua? 6Quitlajtlanijque Jes'us ya ni para quimasiltise huan para huelis quiteilhuise intla ax quineltocasqu'ia itlanahuatil Mois'es. Huajca Jes'us molocotzsehui huan tlajcuilo ipan tlali ica se imacpil. 7Pero inijuanti noja quitlajtlaniyayaj quejatza quiijtosqu'ia. Huajca Jes'us moquetzqui huan quiijto: --Cualtitoc. Nopa tlacatl tlen ax quema tlajtlacolchijtoc achtohui ma quimajcahuili se tetl. 8Huan sampa molocotzsehui huan tlajcuilo ipan tlali. 9Huan quema inijuanti tlen quiteilhuiyayaj nopa sihuatl quicajque tlen Jes'us quiijto, pejque yajtiyohuij sesentzitzi. Achtohui yajqui tlen m'as huehuentzi huan teipa sesentzitzi yajtiyajque hasta san nopa sihuatl mocajqui iixpa Jes'us. 10Huajca Jes'us moquetzqui huan quiilhui: --¿Canque itztoque tlen mitzteilhuiyayaj? ¿Axaca tlen quinequi mitztepachos? 11Huan nopa sihuatl quiijto: --Axtle, tate, axaca aqui. Huajca Jes'us quiijto: --Niyon na ax nimitzteilhu'ia. Xiya huan ayoc xitlajtlacolchihua. 12Sampayano Jes'us quincamahui nopa tlacame tlen quiyahualojtoyaj huan quinilhui: --Na niitztoc queja nopa tlahuili ipan ni tlaltepactli huan nitetlahuil'ia ipan teyolo. Tlen nechtoquilise ayoc quipiyase tzintlayohuilotl ipan ininyolo pampa quipiyase nopa tlahuili tlen temaca yolistli tlen yancuic. 13Huajca nopa fariseos quiilhuijque: --Ticamati tlen ta moselti huan huajca ax melahuac motlajtol. 14Pero Jes'us quinnanquili: --Yonque nimechilhu'ia tlen na, melahuac tlen niquijtohua pampa nijmati campa nihualajqui huan campa niyas. Pero ax inquimatij campa nihualajqui huan campa niyas teipa. 15Intetlajtolsencahuaj queja momajtoque tlacame. Na axaca nijtlajtolsencahua amantzi. 16Pero intla nitetlajtolsencahuasqu'ia, nijchihuasqu'ia xitlahuac pampa ax san na nijchihua, pero nitetlajtolsencahuasqu'ia ihuaya noTata tlen nechtitlantoc. 17Ipan imotlanahuatil ijcuilijtoc intla itztoque ome tlen quiitztoque tlen panoc huan quiijtohuaj san se tlamantli, huajca xiquitaca para temachtli tlen quiijtohuaj. 18Ama nimechilhu'ia tlen na huan nojquiya noTata tlen nechtitlantoc inmechilhu'ia tlen na, huajca temachtli tlen tiome timechyolmelahuaj. 19Huan inijuanti quitlajtlanijque: --¿Canque itztoc motata? Huan Jes'us quinnanquili: --Imojuanti ax innechixmatij huan ax inquiixmatij noTata. Intla innechixmatisqu'iaj, nojquiya inquiixmatisqu'iaj noTata. 20Nochi ni tlajtoli Jes'us quinmachti ipan nopa hueyi tiopan calijtic nechca campa tlacame temacaj inintomi para tiopamitl. Huan axaca quiitzqui pampa aya ajsiyaya ihora para quiitzquise. 21Huan Jes'us sampa quinilhui: --Na niyas huan teipa innechtemose. Huan quema inmiquise, noja inquipiyase imotlajtlacolhua pampa axaca inmechtlapojpolhuijtos. Campa na niyas, imojuanti ax huelis inyase. 22Huajca nopa tlayacanani tlen israelitame pejque motlajtlan'iaj se ica seyoc: --¿Para tlen quiijto para ax huelis tiyase campa yas? ¿Huelis san momictis? 23Huan Jes'us quinilhui: --Inehuaj nica tlatzintla, na niehua huejcapa ipan elhuicac. Inehuaj ipan ni tlaltepactli, pero na ax niehua ipan ni tlaltepactli. 24Huajca nimechilhu'ia inmiquise huan noja inquipiyase imotlajtlacolhua huan inyase campa tlitl. Pampa intla ax innechneltocase para na niCristo, huajca inmiquise ipan imotlajtlacolhua. 25Huajca inijuanti quiilhuijque: --¿Ajqueya ta? ¿Tlaque tequihuejcayotl tijpiya? Huan Jes'us quinilhui: --Niitztoc senquistoc tlen nimechilhuiyaya nochi ni tonali hasta quema nipejqui nitlamacht'ia. 26Onca miyac m'as tlajtoli tlen huelisqu'ia nimechilhuisqu'ia huan onca miyac tlamantli tlen ica nihuelis nimechtlajtolsencahuas. Pero san niquinilhu'ia tlacame ipan ni tlaltepactli tlen yajaya tlen nechtitlantoc nechilhuijtoc ma niquinilhui. Huan yajaya nel'ia temachtli. 27Huan nopa israelita tequihuejme ax quimachiliyayaj para quincamahuiyaya tlen iTata, Toteco Dios. 28Huajca Jes'us quinilhui: --Quema innechcuamapeloltise na tlen niMocuepqui Tlacatl, huajca inquimachilise niitztoc tlen nimechilhu'ia. Huan inquimachilise ax tleno nijchihua noselti, pero nimechilhuijtoc tlen noTata nechmachtijtoc. 29Huan noTata tlen nechtitlantoc itztoc nohuaya huan ax nechcajtejtoc pampa mojmostla nijchihua tlen quipact'ia. 30Quema Jes'us quiijto ni tlamantli, miyac israelitame quineltocaque para yajaya nopa Cristo. 31Huajca Jes'us quinilhui nopa israelitame tlen quineltocaque: --Intla mojmostla inquichijtiyase tlen nimechilhu'ia, huajca nel'ia initztose innomomachtijcahua. 32Huan inquimatise tlen melahuac, huan nopa tlen melahuac inmechtojtomas para huelis innemise inmajcajtoque. 33Huan nopa tlayacanca israelitame quinanquilijque: --Tojuanti tiiteipa ixhuihua Abraham huan ax quema techcojtoc se tecojtli para tiiaxcahua. ¿Para tlen titechilhu'ia titechtojtomas para tiyase timalacantoque? 34Huan Jes'us quinnanquili: --Nimechilhu'ia, yajaya tlen tlajtlacolchihua melahuac monamacatoc ica tlajtlacolotl huan tlajtlacolotl iteco. 35Se tlatequipanojquetl tlen iaxca iteco ax quipiya tequihuejcayotl para mocahuas para nochipa ipan ifamilia iteco, intla iteco ayoc quinequis; pero icone nopa caltecojtli, quena, quipiya tlanahuatili para mocahuas nochipa pampa ya icone. 36Na niIcone Toteco huan intla nimechtojtomas tlen tlajtlacoli, nel'ia inelise senquistoc inmajcajtoque. Huan ayoc monequis inquichihuase tlen tlajtlacoli inmechnahuatis xijchihuaca. 37Cuali nijmati initztoque initeipa ixhuihua tohuejcapan tata Abraham, pero yonque initztoque initeipa ixhuihua, inmoilhu'iaj quejatza huelis innechmictise pampa ax inquisel'iaj notlajtol. 38Nimechilhu'ia tlen niquitztoc nepa iixpa noTata. Huan inquichihuaj tlen imotata inmechilhu'ia. 39Huan quinanquilijque: --Abraham yajaya totata. Huan Jes'us quinilhui: --Intla nel'ia initztosqu'iaj iniconehua Abraham, huajca inquichihuasqu'iaj tlen cuali queja Abraham quichijqui. 40Pero inquinequij innechmictise, huan nimechilhuijtoc tlen melahuac. Huan tlen Toteco nechilhuijtoc. Abraham ax quichijqui tlamantli queja nopa. 41Inquichihuaj queja tlen nel'ia imotata quichihua. Huan nopa tlayacanca israelitame quiilhuijque: --Amo xiquijto para san tiicno coneme. Tijpiyaj se totata, yajaya Toteco Dios. 42Huan Jes'us quinilhui: --Intla Toteco Dios nel'ia elisqu'ia imotata, huajca innechicnelisqu'iaj pampa nihualajqui iixpa. Ax nihualajqui pampa san nijnejqui, pero yajaya nechtitlantoc. 43Ax inquinequij inquitlacaquilise notlajtol, huajca ax hueli inquimachil'iaj tlen nimechilhu'ia. 44Imotata yajaya Axcualtlacatl huan inquinequij inquichihuase tlen ya ipaquilis. Nopa Axcualtlacatl ipa eliyaya se temictijquetl hasta ipejya huan quicocol'ia nochi tlen melahuac huan ax hueli quiijtohua tlen melahuac. Senquistoc istlacatitinemi pampa queja nopa iyolo. Yajaya se istlacatiquetl huan nochi istlacayotl pehua ica ya. 45Nimechilhu'ia senquistoc tlen melahuac, huajca ¿para tlen ax innechneltocaj? 46Niyon se tlen imojuanti hueli nechteilhuis ica se tlajtlacoli. Huajca intla nimechilhu'ia tlen melahuac, ¿para tlen ax innechneltocaj? 47Tlacame tlen iconehua Toteco quitlacaquil'iaj itlajtol, pero ax inquinequij inquitlacaquilise itlajtol pampa ax initztoque iconehua Toteco. 48Huajca nopa tlayacanani tlen israelitame quinanquilijque Jes'us huan quiilhuijque: --Melahuac tlen tojuanti tiquijtojque tlen ta. Tiitztoc se tlacatl tlen ax cuali queja tlen ehua estado Samaria huan tijpiya se iajacayo Axcualtlacatl. 49Huan Jes'us quinnanquili: --Na ax nijpiya se iajacayo Axcualtlacatl. Na nijtlepanita noTata huan ax innechtlepanitaj. 50Pero ax nijtemohua tlacame ma nechhueyimatica. NoTata, quena, quinequi tlacame ma nechhueyimatica huan yajaya tlen quitlajtolsencahuas ni tlamantli. 51Nel'ia nimechilhu'ia, ajqueya quichihuas tlen niquilhu'ia, ax quipantis miquistli. 52Huan nopa israelitame quiilhuijque: --Amantzi tijmatij tijpiya se iajacayo Axcualtlacatl pampa Abraham mijqui huan nopa tiocamanalohuani nojquiya. Huan ta tiquijtohua ajqueya quichihuas tlen tiquilhu'ia, ax quipantis miquistli. 53Ta timoilhu'ia tiitztoc m'as hueyi que totata Abraham. Yajaya mijqui huan nopa tiocamanalohuani nojquiya. ¿Ajqueya timoilhu'ia para tiitztoc ta? 54Huajca Jes'us quinnanquili: --Intla san na nimohueyimati, huajca ax tleno ipati tlen niquijtohua. Pero noTata, Toteco Dios, nechhueyimati huan inquiijtohuaj yajaya imoTeco. 55Nel'ia ax inquiixmatij noTata. Pero na, quena, niquixmati. Intla niquijtosqu'ia ax niquixmati, huajca niistlacatisqu'ia queja inistlacatij. Pero, quena, na niquixmati huan nijchihua tlen nechilhu'ia. 56Huejcajquiya tohuejcapan tata Abraham pajqui quema quimatqui para teipa nihualasqu'ia, huan yajaya nechitac quema nihualajqui huan nel'ia quipixqui paquilistli. 57Huan nopa tlayacanca israelitame quiilhuijque: --Ta ax quema tiquitztoc Abraham. Aya tijpiya niyon cincuenta xihuitl. 58Huan Jes'us quinilhui: --Melahuac ya ni tlen nimechilhu'ia, quema polihuiyaya para tlacatis Abraham, na ipa niitztoya. 59Huajca inijuanti quitlalanque sesen tetl para quitepachosqu'iaj, pero Jes'us ixtaca quistejqui ipan nopa hueyi tiopamitl huan panotiyajqui tlatlajco inijuanti.

will be added

X\