JUAN 6

1Teipa Jes'us apanoc nopa Hueyi Atl Galilea o Hueyi Atl Tiberias huan ajsito neca nali. 2Huan quitoquilijque miyac tlacame pampa ya quiitztoyaj nopa chicahualnescayotl tlen quichijqui quema quinchicajqui cocoyani. 3Huan Jes'us huan tiimomachtijcahua titlejcoque ipan se tepetl huan yajaya mosehui tohuaya. 4Huan monechcahuiyaya nopa israelita ilhuitl tlen itoca Pascua. 5Huan yajaya quiitac nelmiyac tlacame ajsitihualayayaj campa tiitztoyaj huan huajca quitlajtlani Felipe: --¿Canque tijcohuase tlen quicuase nochi ni tlacame? 6Jes'us quiijto ya ni san para quimatis tlaque quiijtosqu'ia Felipe pampa ya quimatiyaya tlaque quichihuasqu'ia para quintlamacas. 7Huajca Felipe quinanquili: --Intla se quipiyasqu'ia itlaxtlahuil para ome ciento tonali tequitl, ax quiaxilisqu'ia para ica tijcohuasqu'iaj pantzi para sesen inijuanti quicuasqu'iaj se quentzi. 8Huajca Andr'es, iicni Sim'on Pedro, tlen nojquiya eliyaya imomachtijca Jes'us quiijto: 9--Nica itztoc se oquichpil tlen quipiya ome pilmichtzitzi huan macuili pantzi, pero ya ni neltlahuel pilquentzi para nochi ni tlacame. 10Huajca Jes'us quiijto: --Xiquinilhuica nochi ni tlacame ma mosehuica tlalchi. Huan nopona oncayaya miyac sacapetlatl huan nochi nopa miyaqui tlacame mosehuijque. Huan san nopa tlacame tlen itztoyaj nopona eliyaya macuili mil. 11Huan Jes'us quiitzqui nopa macuili pantzi huan quitlascamatqui Toteco. Teipa techmajmacac tojuanti tiimomachtijcahua para ma tiquinmajmacaca ica nochi tlen mosehuijtoyaj. Huan nojquiya quichijqui ihuical ica nopa michime. Huan nochi nopa tlacame quicuajque nochi tlen quinequiyayaj. 12Huan quema nochi ixhuitoyaj, Jes'us techilhui tiimomachtijcahua: --Xijsentilica nochi ne panpayaxtli huan ne michpayaxtli tlen mocajqui para ax tleno nenpolihuis. 13Huajca tijpejpenque nochi panpayaxtli huan tijtemitijque majtlactli huan ome chiquihuitl ica tlen mocajqui tlen nopa macuili pantzi. 14Huajca quema nopa tlacame quiitaque ni hueyi tlanextili quema Jes'us quimiyaquili nopa pantzi, quiijtojque para nel'ia yajaya nopa tiocamanalojquetl tlen Toteco quiijto quititlanisqu'ia ipan tlaltepactli. 15Huan Jes'us quimatqui para sequin inijuanti quinequiyayaj quiitzquise ica chicahualistli huan quitlalise queja inintlanahuatijca. Huajca sampa tlejcoc achi m'as huejcapa ipan tlamimili para itztos iselti. 16Huan quema tlayohuatinemiyaya, tiimomachtijcahua Jes'us titemoque hasta campa hueyi atl, 17huan ticalajque ipan cuacanahua huan pejque tiapano ipan nopa hueyi atl para tiajsitij altepetl Capernaum. Ya tlayohuatoya huan Jes'us aya ajsitoya campa tiitztoyaj. 18Huan pejqui mojmolin'ia nopa hueyi atl pampa tlaajacayaya chicahuac. 19Huan quema ya tijnejnemiltijtoyaj tocuacanahua queja se macuili o chicuase kil'ometros ipan hueyi atl, tiquitaque ajsitihualayaya Jes'us nejnemiyaya aixco huan timomajmatijque. 20Pero yajaya techilhui: --Najaya, amo ximomajmatica. 21Huajca ica paquilistli tijselijque Jes'us ipan tocuacanahua huan quema tlejcoc, nimantzi tiquitaque tiajsitoyaj ipan nopa tlali campa tijnequiyayaj tiajsitij. 22Huan tonili nochi nopa tlacame sampa mosentilijque ipan ne seyoc nali campa achtohui tiitztoyaj pampa quimatiyayaj tiimomachtijcahua tiquisque nopona san toseltitzi ipan cuacanahua huan Jes'us ax quisqui tohuaya. Nojquiya quimatque ax oncayaya seyoc cuacanahua nepa para ipan quisas Jes'us. Huajca quitemohuayayaj Jes'us ipan ne nali campa tiquistejque. 23Teipa ajsitoj nopona sequinoc pilcuacanahuajtzitzi tlen hualajtoyaj tlen altepetl Tiberias. Huan ajsitoj nechca campa Jes'us quitlascamatqui iTata para nopa pantzi huan tetlamacac. 24Huajca quema nopa tlacame quiitaque ax aquiyaya Jes'us neca nali huan ax tiaquiyayaj tiimomachtijcahua, inijuanti tlejcoque ipan nopa pilcuacanahuajtzitzi tlen ajsitoyaj huan hualajque hasta nica nali campa altepetl Capernaum campa tiitztoyaj para quitemose Jes'us. 25Huan quema inijuanti ajsicoj ni nali hueyi atl, quipantijque Jes'us huan quitlajtlanijque: --Tlamachtijquetl, ¿quemaya tiajsico nicani? 26Huan Jes'us quinnanquili: --Nel'ia nimechilhu'ia, san innechtemohuaj pampa inquicuajque pantzi huan inixhuique cuali. Ax innechtemohuaj pampa inquimachilijque nimechnextiliyaya ajqueya na ica nopa huejhueyi tlanescayotl. 27Amo tlahuel ximocuatotonica san para inquitlanise tlacualistli tlen inquicuase mojmostla huan tlen nimantzi tlami. M'as cuali ximocuatotonica para inquipantise nopa tlacualistli tlen huejcahuas huan tlen inmechmacas yolistli yancuic para nochipa tlen na tlen niMocuepqui Tlacatl huelis nimechmacas. Pampa noTata, Toteco Dios, nechtequimacatoc ya nopa ma nijchihua. 28Huajca quitlajtlanijque: --¿Tlaque monequi tijchihuase intla tijnequij tijchihuase tlen Toteco quinequi? 29Huan Jes'us quinnanquili: --Ya ni tlen Toteco quinequi xijchihuaca. Quinequi xinechneltocaca pampa yajaya nechtitlantoc. 30- 31Huan inijuanti sampa quiilhuijque: --Quema tijchihuas m'as tlanescayotl para tiquitase, huajca timitzneltocase. ¿Huelis titechtlamacas queja Mois'es huejcajquiya quintlamacayaya tohuejcapan tatahua mojmostla ipan nopa huactoc tlali campa ax tleno eli? Pampa ijcuilijtoc ipan nopa amatl para ya quinmacac tlacualistli tlen huetzqui tlen elhuicac. 32Huan Jes'us quinilhui: --Nel'ia nimechilhu'ia, ax yajaya Mois'es tlen quinmacac nopa tlacualistli tlen huetzqui tlen elhuicac. NoTata, quena, ya quinmacac. Quena, yajaya temaca nopa tlacualistli tlen nel'ia temachtli huan tlen huala elhuicac. 33Pampa nopa tlacualistli tlen Toteco temaca eltoc na tlen nitemoc tlen elhuicac huan niquinmaca yolistli yancuic tlen itztoque ipan tlaltepactli 34Huajca inijuanti quiilhuijque: --Tate, xitechmaca nopa tlacualistli mojmostla. 35Huan Jes'us quinilhui: --Na nieltoc nopa tlacualistli tlen nitemaca yolistli yancuic para nochipa. Aqui hualas campa na huan nechneltocas, ax tleno m'as quitemos pampa ipan iyolo ayoc mayanas, niyon ayoc amiquis. 36Pero queja nimechilhui, yonque inquiitztoque tlen nihueli nijchihua, ax innechneltocaj. 37Nochi tlacame tlen noTata quintlapejpenijtoc para nechmacas, hualase campa na, huan tlen hualase campa na, na ax quema niquincuepas. 38Ax nihualtemoc tlen elhuicac para nijchihuas nopaquilis. Nihualtemoc para nijchihuas tlen noTata quinequi pampa ya nechtitlanqui. 39Huan ya ni ipaquilis noTata tlen nechtitlantoc, quinequi para axaca ma nijpolos tlen nechmacatoc. Yajaya quinequi para nochi ma niquinyolitis quema ajsis itlamiya tonali. 40Huan ya ni ipaquilis noTata. Quinequi nochi tlacame tlen quimachilise para na niIcone huan nechneltocase, ma quipiyaca yolistli yancuic para nochipa. Huan quinequi ma niquinyolitis quema ajsis itlamiya tonali. 41Quema Jes'us quinilhui para yajaya nopa tlacualistli tlen hualtemoc tlen elhuicac, miyac israelitame pejque quiijilnamiquij, 42huan quiijtojque: --¿Quejatza hueli quiijtohua hualtemoc tlen elhuicac? Yajaya Jes'us, icone Jos'e. Tiquixmatij itata huan inana nojquiya. 43Huajca Jes'us quinilhui: --Amo xinechijilnamiquica se ica seyoc. 44Axaca hueli nechtoquilis ica iselti. San noTata tlen nechtitlanqui huelis quiyoltilanas se tlacatl para ma nechtoquili. Huan tlen nechtoquilis, nijyolitis ipan itlamiya tonali. 45Ijcuilijtoc ipan nopa amatl tlen itiocamanalojcahua Toteco quiijcuilojque campa quiijtohua: 'Toteco quinmachtis nochi inijuanti.' Huan huajca nochi inijuanti tlen quicaquij tlen noTata quinilhu'ia ipan ininyolo huan quimachil'iaj, nechtoquilise. 46"Axaca quiitztoc noTata, Toteco Dios, san na tlen nihualtemoc tlen campa itztoc. 47Nel'ia nimechilhu'ia, intla se tlacatl nechneltocas, quipiyas yolistli yancuic para nochipa. 48Na niitztoc nopa tlacualistli tlen temaca yolistli. 49Inmohuejcapan tatahua mijque yonque quicuajque nopa tlacualistli tlen huetzqui tlen elhuicac ipan nopa huactoc tlali. 50Na niitztoc nopa tlacualistli tlen hualtemoc tlen elhuicac huan intla se nechselis na queja niitlacualis, yajaya quipiyas yolistli yancuic para nochipa. 51Na niitztoc nopa tlacualistli tlen yoltoc huan tlen temaca yolistli yancuic para nochipa huan nihualtemoc tlen elhuicac. Intla se quicuas ni tlacualistli, yajaya itztos para nochipa. Huan ni tlacualistli eltoc notlacayo tlen nitemacas para tlacame ipan ni tlaltepactli ma yoltojca para nochipa." 52Huajca nopa israelitame pejque moijilhu'iaj huan quiijtohuaj se ica seyoc: --¿Quejatza huelis techmacas itlacayo para tijcuase? 53Huajca Jes'us quinilhui: --Nel'ia nimechilhu'ia na niMocuepqui Tlacatl. Huan intla ax innechselise queja elisqu'ia inquicuase nonacayo huan inquiise noeso, ax inquipiyase nopa yolistli tlen yancuic. 54Yajaya tlen nechselis queja se tlen quicuas nonacayo huan quiis noeso quipiyas yolistli yancuic para nochipa huan nijyolitis ipan itlamiya tonali. 55Pampa nonacayo eltoc nopa tlacualistli tlen nelnel'ia huan noeso nopa tlaili tlen nel'ia. 56Huan ajqueya quicuas nonacayo huan quiis noeso huan nechselis queja niitlacualis, yajaya senitztos ipan noyolo huan na nisenitztos ipan iyolo. 57NoTata tlen yoltoc nechtitlantoc huan na niyoltoc pampa nechmaca ichicahualis. Quej nopa nojquiya ajqueya nechselis queja niitlacualis, yoltos pampa nijmacas nochicahualis. 58Na niitztoc nopa tlacualistli tlen hualtemoc tlen elhuicac. Ax nieltoc queja nopa tlacualistli tlen imohuejcapan tatahua quicuajque huan ax quipantijque nopa yolistli para nochipa. Nochi tlen nechselise queja niinintlacualis, quena, itztose para nochipa. 59Huan Jes'us tlamachti ya ni ipan israelita tiopamitl ipan altepetl Capernaum. 60Huajca sequin imomachtijcahua Jes'us quicajque tlen quinilhuijtoya, huan quiijtojque para nel'ia ohui itlajtol huan axaca hueli quimachil'ia. 61Huajca Jes'us quimatqui para sequin imomachtijcahua quiijilnamiquiyayaj huan quinilhui: --¿Ama inquiohuimatij para inquimachilise tlen niquijtohua? 62Miyac m'as inquiohuimatise quema innechitase na, tlen niMocuepqui Tlacatl, nitlejcos elhuicac campa niitztoya achtohuiya. 63Niquijto para san Itonal Toteco huelis temacas yolistli yancuic tlen ax quema tlamis. Intla se quicuasqu'ia tlen nel'ia nonacayo, ax quimacas yolistli. Nimechilhuijtoc ni tlajtoli para xijmachilica ipan imotonaltzitzi pampa ipan imotonaltzitzi notlajtol inmechmacas yolistli yancuic para nochipa. 64Pero sequin imojuanti aya innechneltocaj. Ipan ipejya Jes'us ipa quimatiyaya ajqueya ax quineltocasqu'ia huan ajqueya quitemactilisqu'ia. 65Huan Jes'us quinilhui: --Ya nimechilhuijtoc axaca huelis nechtoquilis intla noTata ax quiyoltilanas para ma nechneltoca. 66Huan yeca miyac tlacame tlen nejnemiyayaj ihuaya Jes'us quistejque huan ayoc yajque ihuaya. 67Huajca Jes'us techtlajtlani nochi timajtlactli huan ome tiimomachtijcahua: --¿Nojquiya inquinequij innechtlahuelcahuase imojuanti? 68Huan Sim'on Pedro quinanquili: --Tohueyiteco, san tlapic elisqu'ia intla seyoc tijtoquilisqu'iaj. San ta titlamacht'ia nopa tlajtoli tlen hueli quinmaca yolistli yancuic para nochipa nopa tlacame tlen quineltocaj. 69Huan timitzneltocatoque huan cuali tijmatij ta tlen titlatzejtzeloltic. TiIcone Toteco Dios, yajaya tlen itztoc para nochipa. 70Huan Jes'us quinnanquili: --Na nimechtlapejpenijtoc inmajtlactli huan ome, pero se tlen imojuanti nel'ia iaxca Axcualtlacatl. 71Jes'us techcamahuiyaya tlen Judas Iscariote icone Sim'on pampa teipa quitemactilis yonque Judas itztoya se tlen timajtlactli huan ome tiimomachtijcahua.

will be added

X\