JUAN 4

1Huan teipa Jes'us quisqui estado Judea pampa quicajqui para nopa fariseos quimatiyayaj para nel'ia momiyaquiliyayaj imomachtijcahua huan para tojuanti tiquincuaaltiyayaj m'as tlacame que Juan. 2Nel'ia Jes'us axaca quicuaalti, pero tojuanti tiimomachtijcahua tiquincuaaltiyayaj tlen ajsiyayaj campa ya. 3Huan yeca tiquisque Judea campa itztoyaj nopa fariseos huan tiyohuiyayaj para estado Galilea. 4Huan ipan ojtli monequiyaya tijpanose estado Samaria. 5Huan Jes'us ajsito se altepetl tlen itoca Sicar ipan Samaria tlen mocajqui nechca nopa mili tlen tohuejcapan tata Jacob huejcajquiya quicahuilijtejqui icone Jos'e. 6Huan nepa eltoya se ameli tlen Jacob quixajqui huejcajquiya. Huajca Jes'us mosehui amelteno pampa tlaxicojtoya pampa nejnentoya huejca huan eliyaya tlajco tona. 7- 8Huan tiimomachtijcahua tiyajtoyaj ipan nopa altepetl para tijcohuatij tlen tijcuasqu'iaj. Huan atlacuico se sihuatl tlen ejqui tlali Samaria huan Jes'us quiilhui: --Xinechmaca se achi moa para niquis. 9Pero tiisraelitame ax timomajtoque tiquinnojnotzaj Samaria ehuani. Huajca nopa sihuatl Samaria ejquetl quisentlachili huan quiilhui Jes'us: --¿Para tlen ta tiisraelita tinechtlajtlan'ia ma nimitzamaca huan na niSamaria ejquetl? 10Huan Jes'us quinanquili: --Intla tijmatisqu'ia tlen Toteco Dios quinequi mitzmacas huan ajqueya na tlen nimitzatlajtlan'ia, ta tinechtlajtlanisqu'ia huan nimitzmacasqu'ia atl tlen temaca yolistli yancuic. 11Huan nopa sihuatl quiilhui: --Tate, ax tleno tijpiya para ica tijquixtis atl huan huejcatla ni ameli. ¿Canque tijcuis atl tlen temaca yolistli yancuic? 12¿Ta tiitztoc m'as hueyi que tohuejcapan tata Jacob tlen huejcajquiya quiic atl tlen ni ameli, huan nojquiya quiique iconehua huan itlapiyalhua, huan teipa techcahuilijtejqui? 13Huan Jes'us quinanquili: --Nochi tlen quiij atl ipan ni ameli sampa amiquise. 14Pero aqui quiis nopa atl tlen na nitemaca, ayoc quema amiquis pampa nopa atl tlen nitemaca elis queja se ameli tlen meyas ipan iyolo huan quimacas yolistli yancuic para nochipa. 15Huajca nopa sihuatl quiilhui: --Tate, xinechmaca nopa atl para ayoc niamiquis huan ayoc niatlacuiqui hasta ni ameli. 16Huan Jes'us quiilhui: --Xiya, xijnotzati mohuehue ma huala. 17Huan nopa sihuatl quinanquili: --Ax nijpiya nohuehue. Huan Jes'us quiilhui: --Melahuac tlen tinechilhuijtoc, ax tijpiya mohuehue. 18Pampa tiquinpixqui macuilme mohuehuejhua huan yajaya tlen ama mohuaya itztoc, ax mohuehue. Huajca tinechilhuijtoc tlen melahuac. 19Huan nopa sihuatl quiilhui Jes'us: --Tate, nimoilhu'ia ta tise tiocamanalojquetl. 20Huajca xinechilhui ya ni. Tohuejcapan tatahua tlen ejque ni tlali Samaria quiijtojque monequi ma tijhueyichihuaca Toteco ipan ni tepetl, pero inisraelitame inquiijtohuaj monequi tlacame quihueyichihuatij Toteco hasta altepetl Jerusal'en. ¿Ajqueya quiijtohua tlen melahuac? 21Huan Jes'us quiilhui: --Nane, xijneltoca tlen nimitzilhu'ia. Ajsis tonali quema ayoc monequis inhualase ipan ni tepetl, niyon ayoc monequis inyase Jerusal'en para inquihueyichihuase Toteco Totata. 22InSamaria ehuani ax inquiixmatij ajqueya inquihueyichihuase. Pero tiisraelitame tiquixmatij Toteco Dios huan tijhueyichihuaj. Huan Toteco temaquixtis ica se tlen israelita. 23Ajsis tonali, quena, ya ajsico nopa tonali, quema nochi tlen nel'ia quinequij quihueyichihuase Toteco Totata quihueyichihuase ipan ininyolo huan inintonal huan quiilhuise tlen melahuac pampa queja nopa Totata quinequi para nochi tlacame ma quihueyichihuaca. 24Toteco Dios yajaya se tonaltzi tlen axaca hueli quiita, huan tlacame tlen quinequij quihueyichihuase monequi quihueyichihuase ica inintonal huan monequi quiilhuise tlen melahuac. 25Huan nopa sihuatl quiilhui: --Nijmati hualas nopa Mes'ias, yajaya tlen quitocajt'iaj Cristo tlen Toteco techtitlanilis. Huan quema yajaya hualas, techmachtis nochi tlamantli. 26Huan Jes'us quiilhui: --Na tlen nimitzcamahu'ia, na niitztoc nopa Cristo. 27Huan quema Jes'us noja quicamahuiyaya nopa sihuatl, tiimomachtijcahua tiajsicoj huan san tijsentlachilijque pampa quicamahuiyaya se sihuatl Samaria ejquetl, pero axaca quitlajtlani: "¿Tlaque tijtemohua?" o "¿para tlen tijcamahu'ia?" 28Huajca nopa sihuatl quicajtejqui ico amelteno huan yajqui ipan nopa altepetl huan quinilhuito tlacame: 29--Xihualaca nohuaya, xiquitatij se tlacatl tlen nechilhuijtoc nochi tlen nijchijtoc. Xiquitatij intla ax ya nopa Cristo. 30Huan nopa tlacame quisque ipan altepetl huan hualajque campa tiitztoyaj. 31Huan quema aya ajsiyayaj nopa tlacame, tiimomachtijcahua tiquilhuijque Jes'us: --Tlamachtijquetl, xitlacuaya. 32Huan Jes'us technanquili: --Nijpiya notlacualis tlen ax inquimatij. 33Huan timoilhuijque se ica seyoc: --¿Huelis se acajya quihualiquili itlacualis? 34Pero Jes'us techilhui: --Quema nijchihua ipaquilis noTata tlen nechtitlanqui huan quema nijtlamichihua itequi, nechmaca chicahualistli queja tlacualistli nechmacasqu'ia. 35Inquiijtohuaj polihui nahui metztli para pixquistli. Pero xiquitaca ama ne miyac tlacame tlen hualahuij. Nimechilhu'ia, inijuanti itztoque queja se pixquistli tlen cualtitojca. Nechneltocase intla tiquinnotzase para ma nechneltocaca. 36Tlacame tlen quinpalehu'iaj sequinoc para ma nechneltocaca quiselise inintlaxtlahuil. Huan nopa pixquistli tlen quisentilise elise tlacame tlen itztose para nochipa. Quema oncas pixquistli, paquise san sejco tlen quitojqui xinachtli ipan se mili huan yajaya tlen quipixcas. Quej nopa nojquiya se tlen achtohui quiilhuis se tlacatl notlajtol, yajaya paquis ihuaya ne seyoc tlen teipa quipalehuis para nechneltocas. 37Quej ni quisas melahuac nopa tlajtoli tlen quiijtohua: 'Se quitoca xinachtli huan seyoc quisentilis nopa pixquistli.' 38Nimechtitlanqui xiquinpixcaca tlacame para nechneltocase, pero ax imojuanti tlen achtohui inquinilhuijque notlajtol. Sequinoc quitojque notlajtol ipan ininyolo achtohui huan inquipixcase tlen elqui inintequi. 39Huan nopa sihuatl tlen quicamahui Jes'us amelteno quinilhuijtoya miyac Samaria ehuani ipan altepetl Sicar para Jes'us quiilhuijtoya nochi tlen quichijtoya ipan iyolis. Huan miyac inijuanti quineltocaque para Jes'us eliyaya nopa Cristo pampa nopa sihuatl quiijto para Jes'us quiilhuijtoya nochi tlen quichijqui ipan iyolis. 40Huajca miyac Samaria ehuani ajsicoj campa tiitztoyaj huan chicahuac quitlajtlanijque Jes'us ma mocahuas ininhuaya. Huan yeca mocajqui ininhuaya ome tonali. 41Huan miyac m'as quineltocaque Jes'us ica tlen quinilhui iselti. 42Huan inijuanti quiilhuijque nopa sihuatl: --Ayoc tijneltocaj Jes'us san pampa tlen ta titechilhui pampa tojuanti toseltitzi tijcactoque tlen yajaya techilhui, huan tijmatij yajaya nel'ia nopa Cristo tlen huelis quinmaquixtis nochi tlacame ipan tlaltepactli tlen inintlajtlacolhua. 43Huan hualhuiptlatic, Jes'us quisqui estado Samaria huan yajqui ipan Galilea nopa estado campa ejqui. 44Huan yonque Jes'us quiijtojtoya para tlacame tlen san sejco ehuaj se tiocamanalojquetl ax quitlepanitaj, 45nochi Galilea ehuani quiselijque Jes'us ica paquilistli quema ajsito inintlal, pampa inijuanti yajtoyaj nopa Pascua Ilhuitl ipan altepetl Jerusal'en huan ya quiitztoyaj nochi nopa huejhueyi tlamantli tlen Jes'us quichijtoya nepa. 46Huan teipa Jes'us mocuepqui altepetl Can'a ipan estado Galilea campa achtohuiya quicuepqui atl ica xocomeca atl. Huan nechca Can'a ipan altepetl Capernaum itztoya se hueyi tequihuejquetl tlen quitequitlalijtoya nopa hueyi tlanahuatijquetl ipan altepetl Roma. Huan nopa tequihue quipixqui se icone tlen mococohuayaya. 47Huan quema nopa tlacatl quicajqui para Jes'us quistoya estado Judea huan ajsico ipan estado Galilea, yajqui campa Jes'us huan quitlajtlani ma yohui ichaj ma quichicahuati ioquichpil pampa miquisnequiyaya. 48Huan Jes'us quiilhui: --¿Monequi ajachica nijchihuas tlanescayotl huan chicahualnescayotl para huelis innechneltocase ajqueya na? 49Huan itequihue nopa tlanahuatijquetl quiijto: --Tate, ma tiyaca nimantzi pampa nocone miquis. 50Huan Jes'us quiilhui: --Xiya mochaj. Ya mochicajqui mooquichpil. Huan nopa tlacatl quineltocac tlen Jes'us quiilhui huan quistejqui. 51Huan tonili ipan ojtli quinnamijqui itlatequipanojcahua huan quiilhuijque: --Ya mochicajqui mocone. 52Huajca nopa tequihue quintlajtlani tlaque hora pejqui caxani nopa cocolistli, huan quiilhuijque: --Yalhuaya quema panotoya tlajco tona caxanqui nopa tlatotonilotl. 53Huan itata nopa oquichpil quimatqui mochicajqui ipan nopa hora quema Jes'us quiilhui para ya mochicajqui icone, yeca yajaya huan nochi ichampoyohua quineltocaque Jes'us. 54Huajca Jes'us quichijqui ni iompaca tlanescayotl quema quistoyaya estado Judea huan ajsitoya ipan estado Galilea.

will be added

X\