JUAN 3

1Itztoya se tlacatl tlen itoca eliyaya Nicodemo huan elqui se fariseo huan se tlayacanquetl tlen israelitame. 2Yajaya hualajqui ica tlayohua quiitaco Jes'us huan quiilhui: --Tlamachtijquetl, tojuanti tijmatij Toteco Dios mitztitlanqui nica para xitechmachtis pampa axaca hueli quichihua huejhueyi tlanescayotl tlen technextil'ia ichicahualis Toteco queja tijchihua intla Toteco ax itztosqu'ia mohuaya. 3Huan Jes'us quiilhui: --Nel'ia nimitzilhu'ia, intla se tlacatl ax tlacatis sampa huan quipiyas yolistli tlen yancuic, ax quema huelis yas campa tlanahuat'ia Toteco. 4Huan Nicodemo quiilhui Jes'us: --¿Quejatza hueli se tlacatl tlen ya quipiya miyac xihuitl calaquis ipan inana para tlacatis sampa? 5Huan Jes'us quinanquili: --Nel'ia nimitzilhu'ia, intla se tlacatl ax sampa tlacatis ica atl huan ica Itonal Toteco, ax huelis yas campa Toteco tlanahuat'ia. 6Se conetl tlen inana quitlacatilt'ia quipiya inacayo huan iomiyo queja inana quipiya. Pero Itonal Toteco quitlacatilt'ia itonal se tlacatl. Huan elis itonal nopa tlacatl tlen quiselis yolistli yancuic. 7Amo xinechsentlachili quema nimitzilhu'ia monequi yancuic titlacatis. 8Xiquita queja eltoc ica ajacatl. Tojuanti tijcaquij nopa ajacatl tlen pano, pero ax tijmatij canque quistejqui, niyon ax tijmatij canque ajsiti. Nojquiya quema Itonal Toteco quitlacatilt'ia se tlacatl, tijmatij quipiya yolistli yancuic, pero ax hueli tijmachil'iaj quejatza elqui. 9Huan Nicodemo quiilhui Jes'us: --Ax nijmachil'ia tlen tinechilhu'ia. 10Huan Jes'us quiilhui: --Tiitztoc se hueyi tlamachtijquetl tlen Itlajtol Toteco ipan ni tlali Israel. ¿Para tlen ax tijmachil'ia tlen niquijtohua? 11Nel'ia nimitzilhu'ia, nimitzyolmelahua tlen nijmati huan tlen niquitztoc, pero ax tijneltoca notlajtol. 12Intla nimitzilhuijtoc tlen pano nica ipan tlaltepactli huan ax tinechneltoca, ¿quejatza huelis tinechneltocas quema nimitzilhuis tlen eltoc elhuicac? 13"Axaca yajtoc elhuicac huan mocueptoc nica para inmechilhuiqui quejatza eltoc. San na tlen niMocuepqui Tlacatl tlen nihualtemoc tlen elhuicac hueli nimitzilhu'ia tlen eltoc nepa. 14Tiquilnamiquij queja Mois'es huejcajquiya quiquetzqui se tlaquetzali ipan nopa huactoc tlali campa ax tleno eli huan ipani quitlalanqui se tepos cohuatl. Huan nochi tlacame tlen quintzacanijtoyaj cohuame hueliyayaj quitlachilise nopa tepos cohuatl huan mochicahuase. Quej nopa nojquiya noca na. Tlacame nechtlalanase na tlen niMocuepqui Tlacatl ipan se cuamapeli. 15Huan nochi tlen nechneltocase quiselise yolistli yancuic para nochipa." 16Toteco nel'ia miyac quinicnel'ia nochi tlacame ipan ni tlaltepactli huan yeca quititlanqui Icone iyojtzi para miquis ininpampa. Huan queja nopa nochi tlen quineltocase, ax polihuise, pero quipiyase yolistli tlen yancuic para nochipa. 17Toteco ax quititlanqui Icone ipan ni tlaltepactli para tetlatzacuiltis. Quititlanqui para temaquixtis. 18Toteco ax quitlatzacuiltis tlen quineltoca Icone. Pero tlen ax quineltoca, quena, Toteco ya quitlalijtoc para quitlatzacuiltis pampa ax quineltoca itoca Icone iyojtzi. 19Huan quitlatzacuiltis pampa Icone hualajqui ipan tlaltepactli para quitlahuilis inintlalnamiquilis tlacame, pero tlacame quiicnel'iaj m'as tzintlayohuilotl que tlahuili pampa fiero tlen quichihuaj. 20Nochi tlacame tlen quichihuaj tlen ax cuali quicocol'iaj tlahuili huan ax quinequij monechcahuise campa tlahuili pampa quimatij nesis para ax cuali tlen quichihuaj. 21Pero tlacame tlen quichihuaj tlen cuali hualahui campa nopa tlahuili ica paquilistli para monextis para Toteco quinpalehu'ia ica nochi nopa cuali tlamantli tlen quichihuaj. 22Teipa Jes'us huan tiimomachtijcahua tiyajque ipan estado Judea huan nepa timocajque m'as tonali pampa tlacame hualayayaj para mocuaaltise. 23Huan ipan nopa tonali Juan tecuaaltiyaya nechca altepetl En'on tlen mocajqui nechca altepetl Salim pampa nepa oncayaya miyac atl. Huan tlacame yohuiyayaj campa ya para ma quincuaalti. 24Ya ni panoc quema aya quitzacuayayaj Juan. 25Huan sequin itlatoquilijcahua Juan pejque mocamaijixnamiquij ininhuaya sequin tlayacanani tlen israelitame ica catl'ia tlacuaaltilistli achi cuali para tetlapajpacchihua iixpa Toteco. 26Huajca imomachtijcahua Juan yajque campa ya huan quiilhuijque: --Tlamachtijquetl, ¿tiquilnamiqui nopa tlacatl Jes'us tlen itztoya mohuaya ipan nopa seyoc nali atemitl Jord'an campa quisa tonati? Tiquinilhuiyaya nochi para yajaya nopa Cristo. Ama nochi tlacame yohuij campa ya para mocuaaltise. 27Huajca Juan quinnanquili: --Toteco Dios quimaca sesen tlacatl nopa tequitl tlen quinequi ma quichihua. 28Inquimatij nimechilhui xitlahuac para ax na nopa Cristo, pero Toteco nechtitlantoc achtohui para nitlayacanas huan teipa yajaya hualas. 29Quema onca se nenamictili, nopa ichpocatl yohui campa nopa mosihuajtijquetl, pero ihuampo nopa mosihuajtijquetl quicaqui quema quinotza nopa ichpocatl ma huala, huan nel'ia paqui nojquiya. Na niitztoc queja ihuampo nopa mosihuajtijquetl. Na ninelpaqui pampa tlacame yohuij ihuaya Jes'us. 30Monequi yajaya elis m'as hueyi huan na, axtle. 31"Cristo hualajqui tlen huejcapa huan yajaya m'as hueyi que nochi sequinoc. Na san niehua ipan ni tlaltepactli huan san nijmati tlen eltoc ipan ni tlaltepactli. Pero yajaya hualajqui tlen elhuicac huan quipiya tlanahuatili ica nochi tlamantli. 32Huan yajaya tlayolmelahua tlen quiitztoc huan quicactoc nepa elhuicac, pero miyac tlacame ax quineltocaj tlen quinilhu'ia. 33Pero ajqueya quineltoca tlen Cristo quiijtohua, quipannext'ia para Toteco quiijtohua tlen melahuac. 34Pampa Toteco quititlanqui huan yajaya camati itlajtol Toteco. Pampa Toteco quimacatoc Jes'us Itonal huan ax quimacac san se quentzi. Quimacatoc Itonal ica nochi ichicahualis. 35Toteco Dios quiicnel'ia Icone huan quimacatoc tequihuejcayotl ica nochi tlen onca. 36Intla se tlacatl quineltoca Icone Toteco, yajaya quipiya yolistli para nochipa. Pero intla se ax quineltoca Icone Toteco, ax quipiyas nopa yolistli huan temachtli Toteco quitlatzacuiltis."

will be added

X\