1 Teipa Jes'us sampa monextico ica tojuanti tiimomachtijcahua nechca campa nopa hueyi atl tlen itoca Tiberias o Galilea huan queja ni panoc. 2 Nochi tojuanti tiitztoyaj san sejco: Sim'on Pedro, Tom'as tlen tijtocajtijque Cuate, Natanael tlen ejqui Can'a ipan estado Galilea huan na ihuaya noicni tlen tiiconehua Zebedeo. Huan nojquiya tohuaya itztoyaj seyoc ome imomachtijcahua. 3 Huan Sim'on Pedro techilhui: --Na niyas nimichtlajtlamati. Huajca tiquilhuijque: --Nojquiya tiyase mohuaya. Huan tiyajque ateno huan titlejcoque ipan se cuacanahua. Huan timichtlajtlamajque seyohual, pero niyon se michi ax tiquitzquijque. 4 Huan quema tlanestihualayaya, san tlalochtli monextico Jes'us, moquetztoc xalixco, pero ax tiquixmatque intla Jes'us. 5 Huajca technojnotzqui: --Nohuampoyohua, ¿inquinitzquitoque michime? Huan tiquilhuijque: --Axtle, ax tleno. 6 Huan techilhui: --Xijmajcahuaca imomatla ipan inejmatl imocuacanahua huan inquinitzquise. Huan tijchijque huan ax tihueliyayaj tijquixt'iaj tomatla ipan atl pampa nel'ia miyac michime tiquinmasiltijque. 7 Huajca na tlen Jes'us nechicneli niquilhui Pedro: "Yajaya Tohueyiteco." Huajca quema Pedro quicajqui para eliyaya Tohueyiteco, moquenti icamisa pampa moquixtilijtoya, huan tzicuinqui ipan hueyi atl huan ajquitiyajqui hasta campa itztoya Jes'us. 8 Huan teipa tisequinoc imomachtijcahua tiajsicoj ateno ipan tocuacanahua pampa ax huejca tiitztoyaj tlen tlali, huelis san cien metros. Huan tijhuahuatatztihualajque tomatla tlen temitoya ica michime. 9 Huan quema tiajsicoj campa tlalixco, tiquitaque para Jes'us ya tlipitztoya huan quicacatzohuayaya se michi ipan tlicoli. Huan nojquiya eltoya pantzi. 10 Huan techilhui: --Xinechhualiquilica se ome michime tlen inquinitzquijque. 11 Huan Sim'on Pedro tlejcoc ipan cuacanahua huan quiitzqui nopa matlatl huan iselti quihuahuatatzqui hasta tlalpani. Huan nopa matlatl quinpixtoya 153 huejhueyi michime. Pero yonque nel'ia miyac quinpixtoya, ax tzayanqui tomatla. 12 Huan Jes'us techilhui: --Xihualaca, ma titlacuaca. Huan niyon se tlen tojuanti tiimomachtijcahua ax monejqui tijtlajtlanijque intla nel'ia eliyaya Tohueyiteco pampa nochi tiquixmatque para yaja. 13 Huajca Jes'us quicuito pantzi huan michime, huan techmacac ma tijcuaca. 14 Ica ni mochijqui eyi hueltas para Jes'us monexti ica tojuanti tiimomachtijcahua quema ya mictoya huan sampa moyolcuitoya. 15 Huan quema titlanque titlacuaj, Jes'us quiilhui Sim'on Pedro: --Sim'on, tiicone Jon'as, ¿tinechicnel'ia m'as queja ne sequin? Huan Pedro quiilhui: --Quena, noTeco, tijmati na nimitzicnel'ia. Huan Jes'us quiilhui: --Xiquinmachti notlacajhua notlajtol. Itztoque queja pilborregojtzitzi. 16 Huan Jes'us ica ompa quitlajtlani: --Sim'on, tiicone Jon'as, ¿tinechicnel'ia? Huan Sim'on Pedro quiilhui: Quena, noTeco, tijmati nimitzicnel'ia. Huajca Jes'us quiilhui: --Xiquinmocuitlahui notlacajhua queja se quinmocuitlahu'ia iborregojhua. 17 Huan Jes'us ica expa quitlajtlani: --Sim'on, tiicone Jon'as, ¿tinechicnel'ia? Huan Pedro mocueso pampa expa quitlajtlanijtoya intla quiicnel'ia. Huajca quiilhui Jes'us: --NoTeco, ta tijmati nochi tlamantli. Tijmati nimitzicnel'ia. Huan Jes'us quiilhui: --Xiquinmachti notlacajhua notlajtol queja se quintlamaca iborregojhua. 18 Nel'ia nimitzilhu'ia, quema tiitztoya titelpocatl, timoyoyonti, timotlajcoilpi huan tiyajqui campa tijnequiyaya, pero quema tihuehuejtiyas, tijxitlahuas moma huan seyoc mitzyoyontis huan mitzhuicas campa ax tijnequi tiyas. 19 Ica ni tlajtoli, Jes'us techilhuiyaya queja Pedro miquisqu'ia ipan cuamapeli nojquiya, huan ica imiquilis m'as quinextisqu'ia ihueyitilis Toteco. Huan teipa Jes'us quiilhui Pedro: --¡Xinechtoquili! 20 Huan Pedro moicancuepqui huan nechitac na tlen Jes'us m'as nechicneli niquintoquiliyaya. Niitztoc tlen nimosehuijtoya inechca Jes'us ipan nopa tiotlac quema nochi titlacuayayaj san sejco huan nijtlajtlani Jes'us ajqueya quitemactilisqu'ia. 21 Huan quema Pedro nechitac niquintoquiliyaya, quitlajtlani Jes'us: --NoTeco, ¿tlaque panos ica ya? 22 Huan Jes'us quiilhui Pedro: --Intla nijnequisqu'ia para ma itztosqu'ia hasta nimocuepas, ax mocuenta Pedro. Ta xinechtoquili. 23 Huajca ica tlacame tlen quineltocatoyaj Jes'us momoyajqui nopa tlajtoli para ax nimiquisqu'ia. Pero Jes'us ax quiilhui Pedro ax nimiquisqu'ia. San quiilhui para intla quinequisqu'ia ma niitztosqu'ia hasta ya mocuepas, ax icuenta. 24 Huan na nieli nopa tlayolmelajquetl tlen niquijcuilojtoc nochi ni tlamantli tlen niquitac. Huan nijmati para melahuac nochi tlen nimechilhuijtoc. 25 Huan onca miyac m'as tlamantli tlen Jes'us quichijqui tlen ax niquijcuilojtoc nica. Intla niquijcuilojtosqu'ia senquistoc nochi tlen Jes'us quichijqui, nimoilhu'ia para ipan nochi tlaltepactli ax quicuisqu'ia nochi amatini. San ya nopa.
