JUAN 20

1Ipan domingo nopa achtohui tonal ipan samano yajqui Mar'ia Magdalena ijnaltzi campa nopa tlacacahuaya quema noja tlatlayohua. Huan quiitac nopa hueyi tetl ayoc quiixtzactoya nopa tlacacahuaya. 2Huajca nimantzi motlalojtejqui hasta campa Sim'on Pedro huan na tlen Jes'us miyac nechicneli. Huan Mar'ia techilhui: --Quiquixtijque itlacayo Tohueyiteco ipan tlacacahuaya huan quihuicaque huan ax tijmatij canque quicahuatoj. 3Huan Pedro huan na timotlalojtejque chicahuac para tijtlachilitij nopa tlacacahuaya. 4San sejco timotlalojque, pero achi m'as nimoisihuilti nimotlalo queja Pedro huan achtohui niajsito campa tlacacahuaya. 5Huan nimopacho huan nijtlachili tlacacahuaya ijtic. Huan niquitac quicajtejtoya nopa yoyomitl tlen ica quihuijcontoyaj itlacayo, pero ax nicalajqui tlacacahuaya ijtic. 6Teipa Sim'on Pedro tlen nechtoquiliyaya, nojquiya ajsico. Huan yaja, quena, calaquico tecacahua ijtic huan quiitac quicajtejtoya nopa yoyomitl tlen ica quihuijcontoyaj itlacayo. 7Huan nojquiya quiitac nopa payo tlen ica quiixtzactoyaj, quiquimilojtoyaj huan quicajtoya iyoca tlen nopa hueyi yoyomitl. 8Huajca na nojquiya tlen niajsico achtohui nicalajqui huan niquitac quejatza nopa tlamantli. Huan nijneltocac para ayoc aquiyaya. 9Pampa noja aya tijmachiliyayaj queja ijcuilijtoc ipan Itlajtol Toteco para monejqui moyolcuis. 10Huajca tiimomachtijcahua tiquisque huan tiyajque tochajchaj. 11Huan Mar'ia Magdalena mocajqui nopona huan moquetztoya iteno tlacacahuaya chocayaya. Huan quema noja chocayaya, mopacho huan tlachixqui iijtic tlacacahuaya. 12Huan quinitac ome elhuicac ehuani ica chipahuac ininyoyo tlen mosehuijtoyaj campa achtohuiya eltoya itlacayo Jes'us. Se mosehuijtoya campa eltoya itzontla huan seyoc campa iicxitla. 13Huan quiilhuijque: --Nane, ¿para tlen tichoca? Huan Mar'ia quinilhui: --Pampa sequin quiquixticoj itlacayo nohueyiTeco huan ax nijmati canque quicahuatoj. 14Huan quema quiijto ya ni, moicancuepqui Mar'ia huan quiitac Jes'us moquetztoya nopona, pero ax quiixmatqui intla Jes'us. 15Huan Jes'us quiilhui: --Nane, ¿para tlen tichoca? ¿Ajqueya tijtemohua? Huan Mar'ia moilhuiyaya elqui tlen quimocuitlahuiyaya nopa cuamili, huajca quiilhui: --Tate, intla ta tijhuicatoc itlacayo, xinechilhui canque tijtlalito huan niyas nijcuiti. 16Huan Jes'us quiilhui: --¡Mar'ia! Huan Mar'ia moicancuepqui huan quiilhui: --¡Raboni! (Ni tlajtoli quinequi quiijtos: 'Tlamachtijquetl'.) 17Huan Jes'us quiilhui: --Amo xinechitzqui pampa aya nitlejcotoc campa itztoc noTata. Pero xiya campa noicnihua huan xiquinilhuiti nitlejcos campa itztoc noTata tlen nojquiya imoTata huan yajaya tlen noTeco huan nojquiya imoTeco. 18Huan Mar'ia Magdalena quisqui techyolmelahuaco tiimomachtijcahua para quiitztoya Tohueyiteco. Huan techilhui nochi tlen Jes'us quiilhuijtoya. 19Huan quema tlayohuac nopa domingo, nopa achtohui tonal ipan samano tiimomachtijcahua timosentilijtoyaj ipan se cali. Huan cuali tijtzactoyaj nopa cuapuerta campa tiitztoyaj para axaca ma calaqui pampa tiquinimacasiyayaj nopa tlayacanani tlen israelitame. Huan Jes'us san tlalochtli monextico, moquetztoc tlatlajco tojuanti huan techilhui: --Xijpiyaca tlasehuilistli ipan imoyolo. 20Huan quema quiijto ya ni, technextili nochi ome ima campa quimalavoshuijque huan technextili ielchiquicanahuiya. Huan tiimomachtijcahua nel'ia tipaquiyayaj quema sampa tiquitaque Tohueyiteco. 21Huan Jes'us techilhui sampa: --Xijpiyaca tlasehuilistli ipan imoyolo. Ihuical queja noTata nechtitlantoc ma nijchihuas ipaquilis, na nojquiya nimechtitlani imojuanti para inquichihuase nopaquilis. 22Huan quema quiijto ya ni, techilpitzqui huan techilhui: --Ama xijselica Itonal Toteco. 23Intla inquitlapojpolhuise se tlacatl itlajtlacolhua, huajca Toteco quitlapojpolhuis. Huan intla ax inquitlapojpolhuise se tlacatl, huajca noja quihuicas tlajtlacoli. 24Pero ax aquiyaya Tom'as quema Jes'us ajsico ipan nopa tlasentilistli. Yajaya eliyaya se tlen timajtlactli huan ome tiimomachtijcahua Jes'us huan tijtocajtijque Cuate. 25Huan teipa tiquilhuijque para tiquitztoyaj Tohueyiteco. Pero Tom'as techilhui: --Intla ax niquitas ima, huan nijcalaquis nomacpil campa lipintic ica nopa lavos huan nijcalaquis noma ipan ielchiquicanahuiya campa quitlapohuilijque, ax nijneltocas intla nel'ia ya. 26Huan hualchicueyiijqui ipan seyoc domingo tiimomachtijcahua timosentilijtoyaj huan cuali tijtzactoyaj nopa cuapuerta huan Jes'us sampa san tlalochtli monextico, moquetztoc tlatlajco tojuanti. Huan techilhui: --Xijpiyaca tlasehuilistli ipan imoyolo. 27Huan nimantzi quiilhui Tom'as: --Xijcalaqui momacpil nica huan xijtlachili nomaixco huan xijcalaqui moma campa noelchiqui. Ayoc m'as xijchiya para tijneltocas. Xijneltoca para temachtli nimoyolcuitoc. 28Huan Tom'as quiilhui: --Ta tinohueyiTeco huan tinoDios. 29Huan Jes'us quiilhui Tom'as: --Pampa tinechitac, tinechneltocac. M'as paquilistli quipiyase tlacame tlen nechneltocase yonque ax nechitase. 30Huan miyac m'as tlanescayotl Jes'us quichijqui toixpa tiimomachtijcahua tlen ax ijcuilijtoc ipan ni amatl. 31Pero ni huejhueyi tlanescayotl tlen ijcuilijtoc ipan ni amatl, niquijcuilojtoc para xijneltocaca para Jes'us itztoc nopa Cristo tlen hualasqu'ia huan yajaya Icone Toteco Dios. Huan pampa inquineltocase, inquipiyase yolistli yancuic para nochipa ipan itoca.

will be added

X\