JUAN 2

1Huan hualhuiptlatic oncac se tlacualistli tlen nenamictili ipan altepetl Can'a ipan estado Galilea huan yajqui inana Jes'us. 2Huan nojquiya quinotzque Jes'us huan technotzque tiimomachtijcahua. Huan nochi tiyajque. 3Huan tlanqui xocomeca atl huan inana Jes'us quiilhui: --Ayoc quipiyaj xocomeca atl. 4Huan Jes'us quiilhui: --Nane, ┬┐para tlen tinechilhu'ia na? Aya ajsi nohora para nimonextis. 5Huan inana yajqui quinilhuito nopa tlatequipanohuani ipan nopa tlacualistli: --Xijchihuaca nochi tlen Jes'us inmechilhuis. 6Huan nepa eltoya chicuase huejhueyi comitl tlen quicoyonijtoyaj tlen tetl huan ipan atecayayaj para tlacame ma momajtequica queja toisraelita tlanahuatilhua quiijtohuaj. Huan sesen nopa comitl huelis quicuisqu'ia ochenta hasta cien litros atl. 7Huajca Jes'us quinilhui nopa tlatequipanohuani: --Xijtemitica nochi ne contini ica atl. Huan cuali quintejtemitijque. 8Huan Jes'us quinilhui: --Ama xijcuica quentzi huan xijhuiquilica nopa ilhuichijquetl. Huajca quihuiquilijque. 9Huan nopa ilhuichijquetl quiyeco nopa atl tlen ya mocueptoya xocomeca atl huan moilhui nel'ia se cuali xocomeca atl, pero ax quimatqui canque quicuitoyaj. San nopa tlatequipanohuani, quena, quimatque canque quiquixtijtoyaj. Huajca nopa ilhuichijquetl quinotzqui nopa mosihuajtijquetl, 10huan quiilhui: --Nochi tlen temacaj se tlacualistli achtohui temacaj xocomeca atl tlen cuali. Huan teipa quema nochi tlanotzalme achi tlaitoquejya, quinmacaj xocomeca atl tlen ax nel'ia cuali. Pero ta, ax tijchijtoc ya nopa. Ta ticajcojqui ni xocomeca atl tlen m'as cuali para titetlailtis amantzi. 11Jes'us quichijqui ni tlanescayotl ipan altepetl Can'a ipan estado Galilea. Huan ya ni elqui nopa achtohui tlanescayotl tlen quichijqui para technextilis ihueyitilis. Huan tiimomachtijcahua m'as tijneltocaque para yajaya nopa Cristo tlen Toteco techtitlanilisqu'ia. 12Teipa Jes'us temoc hasta altepetl Capernaum ihuaya inana, iicnihua teipa ehuani huan tiimomachtijcahua. Huan timocajque nepa se quentzi tonali. 13Ya nechca eliyaya nopa ilhuitl tlen itoca Pascua huan Jes'us yajqui hueyi altepetl Jerusal'en. 14Huan nepa quinpantito tlacame tlen mosentilijtoyaj nopa hueyi tiopan calijtic huan quinnamacayayaj huacaxme, borregojme huan palomas para ma quimacaca Toteco tlacajcahualistli. Huan nojquiya mosehuiyayaj tiopan calijtic tlacame tlen quipatlayayaj sejcoyoc tlali tomi ica israelita tomi para quitlanilisqu'iaj se quentzi. 15Huajca Jes'us quichijqui se cuarta tlen cuetlaxtli huan ica quinquixti nochi nopa tlacame ininhuaya ininborregojhua huan ininhuacaxhua. Huan quintepehuili inintomi nopa tomin patlani huan quincuamajcahuili inincuamesas. 16Huan quinilhui tlen quinamacayayaj palomas: --Xijhuicaca nochi tlen moaxcahua. Ayoc xijchihuaca imotianquis tiopan calijtic pampa ni tiopamitl ichaj noTata. 17Huan tiimomachtijcahua tiquilnamijque tlen ijcuilijtoc ipan Itlajtol Toteco campa quiijtohua para Cristo quitlepanitas itiopa iTata ica nochi iyolo, yonque ica ya nopa monequi miquis. 18Huan nopa tlayacanca israelitame quitlajtlanijque Jes'us: --┬┐Tlaque tlanescayotl hueli tijchihuas para titechnextilis tijpiya itequiticayo Toteco Dios para tiquintotocac tlen itztoyaj ipan ni tiopamitl? 19Huan Jes'us quinnanquili: --Xijxolehuaca ni tiopamitl huan ica eyi tonali sampa nijsencahuas queja ipa eltoya. 20Huan nopa israelitame quiilhuijque: --Miyac tlacame tequitique para cuarenta y seis xihuitl para quichijque ni tiopamitl; ta ax huelis tijchihuas sampa ica eyi tonali. 21Pero quema Jes'us quiijto eyi tonali, quincamahuiyaya tlen itlacayo tlen eliyaya se tiopamitl. 22Huan teipa quema panotoya miyac metztli huan Jes'us mijqui huan ica eyi tonali sampa moyolcuic, tiimomachtijcahua tiquilnamijque nopa tonal quema quiijto ni tlen itlacayo. Huajca tijneltocaque tlen ijcuilijtoc ipan Itlajtol Toteco huan tijneltocaque tlen yajaya techilhuijtoya. 23Huan Jes'us itztoya ipan altepetl Jerusal'en ipan nopa Pascua Ilhuitl. Huan quiitaque miyac tlacame nopa huejhueyi tlanescayotl tlen quichihuayaya huan quineltocaque para nel'ia yajaya nopa Mes'ias. 24Pero Jes'us ax motemachi ipan nopa tlacame pampa cuali quiixmatiyaya quejatza eltoya ininyolo. 25Huan ax monequiyaya seyoc ma quiilhui quejatza itztoc se tlacatl pampa yajaya cuali quimatqui tlen eltoc ipan ininyolo nochi tlacame.

will be added

X\