JUAN 19

1Huajca Pilato tlanahuati ma quicuartajhuica Jes'us ica se cuarta tlen iyecapa quipixtoya piltepostzitzi tlen tlatequi. 2Huan nopa soldados quisencajque se huitzcorona huan quiicpohuiltijque Jes'us. Huan quipantzajque ica se yoyomitl tlen moradojtic queja motlalil'iaj tlanahuatiani. 3Huan pejque quitlaijilhu'iaj queja quitlepanitasqu'iaj, pero axtle. Huan quiilhuiyayaj: --¡Ma itzto miyac tonali ni inintlanahuatijca israelitame! Huan quiixtejtejtzonque. 4Huan teipa Pilato yajqui calixpa iniixpa nochi israelitame huan quinilhui: --Xijtlachilica ni tlacatl quesqui tlaijiyohuijtoc. Nijnequi xijmatica na ax nijpantili niyon se itlajtlacol. 5Huan Jes'us quisqui calteno iniixpa quiicpohuijti nopa huitzcorona huan iyoyo tlen moradojtic. Huajca Pilato quiijto: --Xijtlachilica ni tlacatl. 6Huan quema quiitaque nopa tlayacanca totajtzitzi huan nopa polic'ias tlen tiopamitl, tlahuejchijque huan chicahuac quiijtojque: --¡Xijcuamapelolti! ¡Xijcuamapelolti! Huan Pilato quinilhui: --Imojuanti xijhuicaca huan xijcuamapeloltitij, pero na ax nijpantili niyon se itlajtlacol. 7Pero nopa tlayacanca israelitame quinanquilijque: --Tijtoquil'iaj se tlanahuatili tlen tiisraelitame tijpiyaj tlen quiijtohua monequi miquis pampa quiijto para yajaya Icone Toteco. 8Huan quema quicajqui Pilato para Jes'us teilhuijtoya para itztoya Icone Toteco, achi m'as momajmati. 9Huan sampa calaquito tequicalco huan quitlajtlani Jes'us: --¿Canque nel'ia tiehua? Pero Jes'us ax quinanquili. 10Huan Pilato quiilhui: --¿Para tlen ax tinechnanquil'ia? ¿Ax tijmati nijpiya tequihuejcayotl para nimitzcuamapeloltis o para nimitzmajcahuas para tiyas mochaj? 11Huan Jes'us quinanquili: --Niyon se tequihuejcayotl ax tijpiyasqu'ia noca na intla Toteco Dios ax mitzmacatosqu'ia. Huajca yajaya tlen nechtemactilijtoc momaco m'as quipiya tlajtlacoli que ta. 12Quema Pilato quicajqui ya ni, pejqui moyolilhu'ia quejatza huelisqu'ia quimajcahuas Jes'us para ma yas ichaj, pero nopa israelitame chicahuac tlahuejchihuayayaj huan quiijtohuayayaj: --Intla tijmajcahuas ni tlacatl ma yohui, ayoc tiihuampo nopa hueyi tlanahuatijquetl C'esar ipan altepetl Roma. Pampa se tlen mochihua tlanahuatijquetl queja mochihua ni Jes'us, yajaya icualancaitaca C'esar. 13Quema Pilato quicajqui ya ni, mosehui campa monequi para tetlajtolsencahuas ipan nopa tepejpechtli campa itoca Enlosado huan ica tlajtoli hebreo itoca Gabata. Huan tlanahuati ma quihualicaca Jes'us. 14Huan eliyaya ijnaloc ipan nopa tonal para quicualtlalise nochi tlen monequi para nopa Pascua tlacualistli. Huan Pilato quinilhui nopa miyac israelitame: --Xiquitaca nica itztoc imotlanahuatijca. 15Huan nopa israelitame chicahuac quiijtojque: --¡Xijquixti, xijquixti, xijcuamapeloltiti! Huan Pilato quinilhui: --¿Inquinequij ma nijmicti imotlanahuatijca? Huan nopa tlayacanca totajtzitzi quiilhuijque: --Axaca seyoc totlanahuatijca, san C'esar. 16Huajca Pilato quinmactili Jes'us para ma quicuamapeloltica huan quihuicaque. 17Huan quichijque Jes'us ma quihuica icuamapel huan ma quisa para se lugar campa itoca "Mijcatzontecomitl" (ipan tlajtoli hebreo itoca G'olgota). 18Nepa quicuamapeloltijque Jes'us huan nojquiya quincuamapeloltijque sequinoc ome tlacame, se ipan inejmatl huan seyoc ipan iarraves huan Jes'us tlatlajco mocajqui. 19Huan Pilato quichijqui se tlajcuiloli huan quitlatzquiltijque ipan cuamapeli itzonpac Jes'us. Huan nopa tlajcuiloli quiijto:|sc NI JES'US TLEN EHUA NAZARET, YAJAYA ININTLANAHUATIJCA ISRAELITAME|r. 20Huan miyac israelitame quipojque nopa tlajcuiloli pampa quicuamapeloltijque Jes'us nechca altepetl Jerusal'en. Huan quiijcuilojtoyaj nopa tlajcuiloli ica eyi tlajtoli; hebreo, griego huan lat'in. 21Huan nopa tlayacanca totajtzitzi quiilhuijque Pilato: --Amo xiquijcuilo: 'Inintlanahuatijca israelitame.' Achi cuali xiquijcuilo: 'Yajaya motocajti inintlanahuatijca israelitame.' 22Huan Pilato quinilhui: --Tlen niquijcuilojtoc, ya nopa mocahuas. 23Huan nopa nahui soldados tlen quicuamapeloltijque Jes'us quicuilijque iyoyo huan quichijque nahui tlamontomitl huan sesen soldado quihuicac se para iaxca. Nojquiya quicuilijque iyoyo huehueyac tlen ax tlatectli. Quisencajtoyaj nopa yoyomitl coxtaltic, ax tlajtzontli tlen iquechtla hasta iicxico. 24Huajca nopa soldados moilhuijque: --Ma ax tijtzayanaca. M'as cuali ma tijrifarose para tiquitase ajqueya quitlanis huan quihuicas. Huan ica tlen inijuanti quichijque quitlamiltiyayaj tlen huejcajquiya quiijcuilo nopa tiocamanalojquetl para quichihuasqu'iaj. Quiijcuilo: "Momajmacaque sequin noyoyo huan noyoyo tlen huehueyac, quirifarojque." Huajca queja nopa quichijque nopa soldados. 25Huan iicxitla icuamapel Jes'us moquetzayayaj inana, huan iicni inana, huan Mar'ia isihua Cleofas huan Mar'ia Magdalena. 26Huan quema Jes'us quiitac inana huan inechca nechitac na tlen niimomachtijca tlen m'as nechicneli, huajca quiilhui inana: --Nane, ni tlacatl elis queja mocone. 27Huan nechilhui: --Xijchihua nonana queja monana. Huajca ipan nopa tlalochtli quema tiquisque, nijhuicac inana nochaj para nijmocuitlahuis. 28Teipa Jes'us quimatqui ya tlantoya nochi itequi. Huajca para quitlamiltis tlen ijcuilijtoc ipan Itlajtol Toteco, yajaya quiijto: --Niamiqui. 29Huan eltoya nopona se xalo temitoc ica xocomeca atl tlen xococ. Huan quixolonijque se tlamantli tlen tzotzoltic huan quitlalijque iyecapa se huehueyac cuahuitl tlen itoca hisopo. Huan quitentoquiltijque Jes'us. 30Huan quema Jes'us quimachili nopa xocomeca atl tlen xococ, quiijto: --Ya tlanqui notequi tlen noTata nechmacac ma nijchihua. Huajca Jes'us mohuijtzonqui huan quitemactili itonal imaco Toteco huan mijqui. 31Huan Jes'us mijqui ipan nopa tonal quema tiisraelitame timomatque titlacualtlal'iaj nochi tlen monequi para nopa Pascua Ilhuitl pampa hualmostla elisqu'ia se tonal para timosiyajcahuase. Huajca axaca quinequiyaya ma mocahuaca nopa eyi mijcatzitzi ipan inincuamapel hasta tonilis pampa elisqu'ia nopa hueyi tonal tlen toilhui huan monequi timosiyajcahuase ica miyac tlatlepanitacayotl. Huajca yajque nopa tlayacanani tlen israelitame huan quitlajtlanitoj Pilato ma tlanahuati para ma quintlapanilise ininmetzomiyo tlen itztoyaj ipan cuamapeli para nimantzi ma miquica para huelis quinhuicase. 32Huajca hualajque soldados huan quintlapanilijque ininmetzomiyo tlen quincuamapeloltijtoyaj inejmatl Jes'us huan nojquiya nopa tlen iarraves. 33Pero quema ajsitoj campa icuamapel Jes'us, quiitaque ya mictoya, huajca ax quitlapanilijque imetzomiyo. 34Huajca se soldado quitlapohuili ielchiquicanahuiya ica icuatlami tlen huehueyac huan quisqui estli maneltic ica atl. 35Huan na niJuan nochi niquitac, huan nimechilhu'ia tlen nel'ia panoc pampa nijmati para melahuac tlen nimechilhu'ia huan huelis inquineltocase notlajtol. 36Nochi ya ni panoc para ma quitlamilti tlen ijcuilijtoc ipan Itlajtol Toteco campa quiijtohua: "Ax quitlapanilise niyon se iomiyo." 37Huan sejcoyoc ipan Itlajtol Toteco quiijtohua: "Quitlachilise yajaya tlen quitlapohuilijque ielchiquicanahuiya." 38Teipa ajsico Jos'e tlen ehua altepetl Arimatea. Yajaya quitoquili Jes'us ixtacatzi pampa quinimacasiyaya nopa tlayacanca israelitame. Pero quema nochi ni panoc, Jos'e yajqui huan quitlajtlani Pilato ma quicahuili quihuicas itlacayo Jes'us. Huan Pilato quicahuili. Huajca nimantzi Jos'e yajqui huan quitemohuito itlacayo ipan icuamapel. 39Huan nojquiya hualajqui Nicodemo tlen achtohuiya yajqui quicamahuito Jes'us ica tlayohua. Yajaya quihualicayaya nechca treinta kilos tlen se pajtli tlen ajhuiyac maneltic ihuaya seyoc tlaajhuiyacayotl tlen tlatixtic. 40Huan Jos'e ihuaya Nicodemo quihuicaque itlacayo Jes'us, huan quipolojque nopa tlaajhuiyacayotl huan quipijque ica se yoyomitl queja tiisraelitame timomatque tijchihuaj quema tijtocaj se mijcatzi. 41Huan nechca campa quimictijque Jes'us ipan icuamapel eltoya se cuamili. Huan ipan nopa cuamili eltoya se yancuic tlacacahuaya para ipan quintlalise mijcatzitzi. Huan niyon se mijcatzi aya quema quitlalijtoyaj nopona. 42Huajca quitlalitoj itlacayo Jes'us nepa pampa nopa tlacajcahuaya eltoya nechcatzi. Huan ya nechca las seis ica tiotlac tlen eliyaya quema pehua nopa tonal tlen Pascua huan monequi israelitame ma mosiyajcahuaca.

will be added

X\