JUAN 18

1Huan Jes'us tlanqui momaijtohua ica iTata huan yajqui tohuaya tiimomachtijcahua hasta seyoc nali nopa atlajtli tlen itoca Cedr'on campa eltoya se cuamili tlen olivo cuatini. Huan ticalajque nepa. 2Huan Judas tlen quitemactilisqu'ia Jes'us nojquiya cuali quiixmatiyaya nopa olivo cuamili pampa Jes'us huan tiimomachtijcahua miyac huelta timosentiliyayaj nepa. 3Huan Judas ajsico quinyacanayaya se pamitl tlen seis cientos soldados. Nojquiya nopa tlayacanca totajtzitzi huan nopa fariseos quititlanque nopa polic'ias tlen quimocuitlahuijque tiopamitl. Huan nochi quihualicayayaj tlahuili, huan tlicualelemectli huan machetes. 4Pero Jes'us ya quimatiyaya nochi tlen quipanosqu'ia huan yeca yajqui quinnamiquito. Huan quinilhui: --¿Ajqueya inquitemohuaj? 5Huan inijuanti quiilhuijque: --Tijtemohuaj Jes'us tlen ehua altepetl Nazaret. Huan quinilhui: --Na niJes'us. Huan Judas tlen quitemactiliyaya Jes'us ijcatoya ininhuaya. 6Huan quema quinilhui: "Na niJes'us", motzinquixtijque nochi inijuanti huan ajquetzhuetzque. 7Huajca sampa Jes'us quinilhui: --¿Ajqueya inquitemohuaj? Huan sampa quiilhuijque: --Tijtemohuaj Jes'us tlen ehua Nazaret. 8Huan Jes'us quinilhui: --Nimechilhui na niJes'us. Huajca intla innechtemohuaj, xiquincahuaca ma yaca ni tlacame tlen itztoque nohuaya. 9Quej ni tlamisqu'ia tlen Jes'us quiilhui iTata achtohuiya para ax quipolojtoya niyon se tlacatl tlen quimacatoya. 10Huan Sim'on Pedro tlen quihuicayaya imachete, quiquixti huan quitzontequili inacas tlen inejmatl se tlacatl tlen quitocajtiyayaj Malco. Yajaya elqui itlatequipanojca nopa hueyi totajtzi. 11Huajca Jes'us quiilhui Pedro: --Xijcalaqui momachete ipan icuetlaxo. Monequi nijselis nopa tlaijiyohuilistli tlen noTata nechmacatoc. 12Huajca nopa soldados, huan inintlayacanca huan israelita polic'ias tlen tiopamitl quiitzquijque Jes'us huan quiilpijque. 13Huan achtohui quihuicaque hasta ichaj An'as tlen eliyaya imontat Caif'as. Huan Caif'as yancuic calactoya para elis hueyi totajtzi para nopa xihuitl. 14Huan elqui Caif'as tlen achtohuiya quinilhuijtoya israelitame para quinamiqui san setzi tlacatl miquisqu'ia ininpampa nochi tlacame. 15Huan Sim'on Pedro huan na tijtoquiliyayaj Jes'us. Huan nechixmatiyaya nopa hueyi totajtzi, yeca nechcahuili ma nicalaqui icalixpa ihuaya Jes'us. 16Pero Pedro mocajqui calteno nechca cuapuerta. Huajca niyajqui nijcamahuito se ichpoca tlatequipanojquetl tlen quimocuitlahuiyaya cuapuerta. Huan quicahuili Pedro ma calaqui. 17Huan nopa ichpocatl quiilhui Pedro: --Ta nojquiya tiimomachtijca ne tlacatl. ¿Ax que? Huan Pedro quinanquili: --Na, axtle. 18Huan moquetzayayaj nepa nopa tlatequipanohuani huan nopa polic'ias. Huan tlipitztoyaj huan mototoniyayaj pampa tlaseseyayaya. Huan Pedro nojquiya itztoya ininhuaya. 19Huan An'as tlen onquistoya queja hueyi totajtzi quitlajtlani Jes'us tlaque inintoca nochi imomachtijcahua huan tlaque tlamachtiyaya. 20Huan Jes'us quinanquili: --Nicamatiyaya tlamiyacapa ica nochi tlacame. Mojmostla nitlamachtiyaya ipan israelita tiopantini ipan campa hueli pilaltepetzitzi huan ipan nopa hueyi tiopamitl nica ipan Jerusal'en campa mosentil'iaj nochi israelitame. Ax tleno niquijtojtoc ixtacatzi. 21¿Para tlen tinechtlajtlan'ia tlaque nitlamachti? Xiquintlajtlanica tlen nechtlacaquilijque quema nitlamachti. Inijuanti quimatij tlaque niquinilhuijtoc. 22Quema Jes'us quiijto ya ni, se polic'ia tlen israelita tiopamitl quiixtejtzonqui huan quiilhui: --Ax cuali tijnanquil'ia ni hueyi totajtzi queja nopa. 23Huan Jes'us quinanquili: --Intla niquijto tlen ax cuali, xijnexti tlaque ax cuali niquijto, huan intla niquijto tlen xitlahuac, ax quinamiqui tinechixtejtzonas. 24Huajca An'as quititlanqui Jes'us ilpitoc campa Caif'as nopa hueyi totajtzi tlen yancuic calactoya. 25Huan Pedro ijcatoya nechca campa tlitl mototoniyaya huan quiilhuijque: --Ta tiitztoc se imomachtijca nojquiya. Huan Pedro ax monexti, quiijto: --Na, axtle. 26Huan itztoya nepa se itlatequipanojca nopa hueyi israelita totajtzi huan nopa tlatequipanojquetl eliyaya iteixmatca nopa tlacatl tlen Pedro quitzontequilijtoya inacas. Huajca yajaya quiilhui Pedro: --Nimitzitac yehuaja ipan nopa olivo cuamili ihuaya Jes'us. ¿Ax que? 27Huan Pedro sampayanoc ax monexti, huan nima tzajtzic se cuapelech. 28Huan quema tlanestihualayaya quisque ichaj Caif'as huan quihuicaque Jes'us hasta campa hueyi tequicali campa mocahua Gobernador Pilato. Pero nopa israelitame tlen quiteilhuiyayaj Jes'us ax calajque ichaj Pilato. Pampa toisraelita tlanahuatil ax techcahuil'ia tiisraelitame ma ticalaquica ichaj se tlen ax israelita. Huan intla se calaquisqu'ia, ayoc eli tlapajpactic iixpa Toteco huan ax huelis quicuas nopa tlacualistli ipan Pascua Ilhuitl. 29Huan Pilato quisqui calteno huan quintlajtlani: --¿Ica tlaque inquiteilhu'iaj ni tlacatl? 30Huan quinanquilijque: --Intla yajaya ax elisqu'ia se tlaixpanoquetl, ax timitzhualiquilijtosqu'iaj. 31Huan Pilato quinilhui: --Xijhuicaca imojuanti huan xijtlajtolsencahuaca queja quiijtohuaj imotlanahuatilhua tlen inquitoquil'iaj. Huan nopa tlayacanca israelitame quinanquilijque: --Ax tijpiyaj tequihuejcayotl para tijcuamapeloltise se tlacatl, pero ta, quena. 32Huajca ica ni tlajtoli elqui melahuac tlen Jes'us quiijtojtoya quema quiijto para tlacame quitlejcoltisqu'iaj ipan cuamapeli huan quimictisqu'iaj. 33Huan Pilato sampa calajqui ichaj huan quinotzqui Jes'us huan quitlajtlani: --¿Ta tiinintlanahuatijca israelitame? 34Huan Jes'us quinanquili: --¿Tijmachil'ia niinintlanahuatijca o tinechtlajtlan'ia ya ni pampa sequinoc mitzilhuijtoque para nitlanahuatijquetl? 35Huan Pilato quiilhui Jes'us: --Tijmati na ax niisraelita. Elque moisraelita tlacajhua tlen san se imoeso huan imotlayacanca totajtzitzi tlen mitztemactilicoj nomaco. ¿Para tlen? ¿Tlaque tijchijtoc? 36Huajca Jes'us quinanquili: --Notlanahuatilis campa na nitlanahuat'ia ax mocahua ipan ni tlaltepactli. Intla niitztosqu'ia nitlanahuatijquetl nica, notlacajhua ipan notlanahuatilis tlatehuijtosqu'iaj para ma ax nechtemactilijtosqu'iaj ica ni israelita tlayacanani. Pero ax nitlanahuat'ia nica. 37Huan Pilato quiilhui: --¿Huajca melahuac titlanahuatijquetl? Huan Jes'us quiilhui: --Quena, nitlanahuatijquetl. Yeca nitlacatqui ipan ni tlaltepactli. Nihualajqui nica para nitlamachtis tlen melahuac huan nochi tlen quinequij quimatise tlen melahuac nechtlacaquil'iaj. 38Huan Pilato quiilhui: --¿Tlaque eltoc melahuac? Huan quema Pilato quiijto ya ni, yajqui calteno campa nopa miyaqui israelitame itztoyaj huan quinilhui: --Niyon se itlajtlacol ax nijpantil'ia. 39Pero inmomajtoquejya ica sesen xihuitl ipan ni Pascua Ilhuitl, innechtlajtlan'iaj ma nijcahuili ma yohui ichaj se tlen tzactoc. Huajca, ¿inquinequij ma nimechmajcahuili imotlanahuatijca inisraelitame? 40Huan inijuanti tlahuejchijque chicahuac: --¡Axtle! ¡Ax tijnequij! Xitechmajcahuili Barrab'as. Huan nopa Barrab'as eltoya se fiero tlaixpanoquetl.

will be added

X\