JUAN 12

1Quema polihuiyaya chicuase tonali para pehuas nopa ilhuitl tlen itoca Pascua, Jes'us sampa yajqui Betania campa itztoya L'azaro tlen quiyoliti quema ya mictoya. 2Huan inijuanti quichihuilijque Jes'us se tlacualistli. Huan itztoyaj L'azaro huan sequinoc ihuaya Jes'us campa mesa. Huan Marta quinmacayaya inintlacualis. 3Huan Mar'ia quihualicac tlajco litro aceite tlen tlahuel ajhuiyac eliyaya tlasencahuali ica nopa xochitl tlen itoca nardo. Nel'ia eliyaya patiyo nopa tlaajhuiyacayotl. Huan Mar'ia quitequili ipan iicxihua Jes'us huan quihuachili iicxihua ica itzoncal. Huan nel'ia ajhuiyac mijmiyotiyaya calijtic. 4Huan nopona nojquiya itztoya Judas Iscariote, icone Sim'on, se tlen tojuanti tiimomachtijcahua Jes'us. Yajaya tlen teipa quitemactili para ma quimictica. Huan Judas quiijto: 5--¿Para tlen quinenpolo ne tlaajhuiyacayotl? Hueltosqu'ia quinamacatosqu'ia para miyac tomi queja tlaxtlahuaj para eyi ciento tonali tequitl huan quinmacatosqu'ia nopa tomi tlacame tlen pilteicneltzitzi. 6Judas ax quiijto ya ni pampa nel'ia quinicneliyaya tlen teicneltzitzi. Quiijto pampa yajaya elqui se tlaxtejquetl. Yajaya quipixqui nopa tequitl para quihuicas nopa bolsa ica totomi nochi tiimomachtijcahua Jes'us huan ajachica quiixtacacuiyaya. 7Huajca Jes'us quiilhui: --Amo xijcuatotoni ni sihuatl. Yajaya quiajcoctoc ni tlaajhuiyacayotl hasta ama para quicualtlalis notlacayo para quema nimiquis huan nechtocase. 8Nochipa itztose imohuaya tlen pilteicneltzitzi para inquinpalehuise, pero na ayoc nihuejcahuas niitztos imohuaya. 9Huan miyac israelitame quicajque para Jes'us itztoya ichaj L'azaro huan yeca hualajque quitlachilicoj. Ax san quinequiyayaj quiitase Jes'us. Nojquiya quinequiyayaj quiitase L'azaro tlen mictoya huan Jes'us sampa quiyoliti. 10Pero nopa tlayacanca totajtzitzi quisencahuayayaj quejatza huelis quimictise L'azaro nojquiya, 11pampa miyac israelitame ayoc quinneltocaque inintlajtol. Pejque quineltocaj Jes'us pampa quiyoliti L'azaro. 12Huan tonili nopa miyac tlacame tlen ajsitoyaj para nopa Pascua Ilhuitl quicajque para Jes'us monechcahuiyaya Jerusal'en. 13Huan quitejque huejhueyi apachtli imacuayo huan yajque quinamiquitoj. Huan pejque quiilhu'iaj chicahuac: "¡Timitzhueyichihuaj! ¡Ma Toteco mitztiochihua ta tlen tihuala ipan itoca! ¡Ta titotlanahuatijca tiisraelitame!" 14Huan Jes'us quipanti se cone burro huan ipan tlejcoc queja ijcuilijtoc ipan Itlajtol Toteco para quichihuasqu'ia. Ijcuilijtoc: 15"Amo ximomajmatica inJerusal'en ehuani. Xiquitaca imotlanahuatijca ya huala ipan se cone burro." 16Achtohuiya tojuanti tiimomachtijcahua ax tijmachilijque para Jes'us quitlamiltiyaya tlen ijcuilijtoc ipan Itlajtol Toteco para panosqu'ia. Pero quema Jes'us mocueptoya elhuicac huan Toteco quihueyitlalijtoya, tiquilnamijque quesqui tlamantli panotoya tlen ijcuilijtoc ipan Itlajtol Toteco para yajaya quichihuasqu'ia o para tlacame ma quichihuilica. 17Huan nojquiya nochi nopa tlacame tlen itztoyaj ihuaya Jes'us quema quinotzqui L'azaro ma quisa campa tlacacahuaya ajachica quinilhuiyayaj sequinoc tlen panotoya. 18Huajca yeca mosentilijque miyac tlacame para quinamiquitij Jes'us ipan ojtli. 19Huan nopa fariseos moilhuijque se ica seyoc: --Xiquitaca, ax tleno hueli tijchihuase. Nochi tlacame tlen campa hueli ehuaj ipan tlaltepactli ya quitoquil'iaj. 20Huan itztoyaj sequin tlacame tlen ehuaj tlali Grecia tlen nojquiya yajque Jerusal'en para quihueyimatise Toteco ipan nopa ilhuitl. 21Huan inijuanti yajque campa Felipe tlen ehua altepetl Betsaida ipan estado Galilea huan quiilhuijque: --Tate, tijnequij tiquixmatise Jes'us. 22Huan Felipe hualajqui quiilhuico Andr'es tlen quiilhuijtoyaj. Huan san sejco Felipe huan Andr'es quiilhuijque Jes'us. 23Huan Jes'us quiijto: --Ya ajsic hora para na tlen niMocuepqui Tlacatl nimiquis huan noTata nechhueyitlalis. 24Nel'ia nimechilhu'ia, intla axaca quitocas se xinachtli, nopa xinachtli mocahuas san se xinachtli. Pero intla se quitocas tlaltitla queja quitocaj se tlen mictoc, iyoltzi nopa xinachtli ixhuas huan temacas miyac pixquistli. 25Aqui quinequi quichihuas san tlen quipact'ia, quipolos nochi quema miquis. Pero ajqueya quicahuas tlen yajaya quinequi ipan iyolis ipan ni tlaltepactli huan nechtoquilis, quipiyas se yolistli yancuic para nochipa. 26Intla ni griegos o tlen hueli tlacame quinequij elise notequipanojcahua, ma nechtoquilica. Huan campa na niitztos, nojquiya itztose notequipanojcahua. Huan intla se nechtequipanos, noTata quitlepanitas. 27"Ama tlahuel nimocuesohua, pero ax nijtlajtlanis noTata ma nechmanahui tlen ni tlaijiyohuilistli tlen hualas. Na nihualajtoc ipan ni tlaltepactli san para nitlaijiyohuis huan nimiquis ipan ni tonali." 28Huajca Jes'us quiilhui iTata: "Pap'a, xijchihua para nochi tlacame ma mitzhueyitlalica ipampa tlen nijchihua na." Huan Toteco Dios tlen itztoc elhuicac quiilhui Jes'us: "Ya nijchijtoc para ma nechhueyitlalica huan sampa nijchihuas." 29Huan nopa miyac tlacame tlen moquetzayayaj nepa quitoscajque. Huan sequin quiijtojque tlatomonqui huan sequinoc quiijtojque: --Se elhuicac ejquetl quinojnotzqui Jes'us. 30Pero Jes'us techilhui: --NoTata ax camatqui para na ma nijmati nechcajqui. Yajaya camatqui para imojuanti xijmachilica yajaya quicajqui tlen niquilhui. 31Ama ajsitoc hora para Toteco quintlajtolsencahuas tlen itztoque ipan ni tlaltepactli. Ama nijquixtilis itequihuejcayo Axcualtlacatl tlen tlanahuat'ia ipan ni tlaltepactli. 32Huan quema nechtlejcoltise ipan cuamapeli, niquinyoltilanas nochi tlacame para ma hualaca campa na. 33Techilhui ya ni para ma tijmatica quejatza miquisqu'ia. 34Huan nopa miyac tlacame quitlajtlanijque: --Tojuanti tijcactoque ipan Itlajtol Toteco campa quiijtohua nopa Cristo tlen hualasqu'ia itztos para nochipa. Pero tiquijtohua ta tlen tiMocuepqui Tlacatl, mitztlejcoltise ipan cuamapeli para timiquis. ¿Ta tlen tiMocuepqui Tlacatl tiitztoc san se ica nopa Cristo tlen hualasqu'ia o axtle? 35Huajca Jes'us quinilhui: --Na tlen niquintlahuil'ia tlacame ipan ininyolo san niitztos imohuaya se ome tonali. Xinejnemica ipan notlahuil ama quema noja inhuelij huan xinechneltocaca para ax inpolihuise. Pampa huala tzintlayohuilotl quema ayoc niitztos imohuaya. Tlacame tlen nejnemij ipan tzintlayohuilotl huan ax nechcahuil'iaj ma niquintlahuili, ax quimachil'iaj canque yohuij, niyon ax quimatij intla polihuise para nochipa. 36Xinechneltocaca ipan ni tonali quema na tlen nitlahuili noja niitztoc imohuaya para inelise innoconehua huan para huelis innejnemise ipan notlahuil. Huan quema Jes'us quiijto ya ni, quisqui huan motlatito tlen inijuanti. 37Huan yonque Jes'us quichijtoya miyac huejhueyi tlanescayotl iniixpa tlacame tlen quinnextili ichicahualis, nopa tlayacanca israelitame ax quineltocayayaj. 38Quej ni panoc para quitlamiltis tlen nopa tiocamanalojquetl Isa'ias quiijcuilo huejcajquiya campa quiijto: "Toteco, ax miyaqui tlacame quineltocaj tlen tiquinilhu'iaj. ¿Tiquinnextilijtoc san se ome mohueyi chicahualis?" 39Huajca ax huelque quineltoquil'iaj pampa eltoc queja Isa'ias quiijtohua ipan iama: 40"Toteco quinixtzactoc huan quinyoltetilijtoc. Quej nopa ax hueli quiitase huan quimachilise tlen na, huan ax moyolcuepase para huelis niquinmaquixtis." 41Huan Isa'ias quiijto ya ni pampa quiitztoya ihueyitilis Cristo huan techyolmelahuayaya tlen ya. 42Pero yonque queja nopa quiijtohua, miyac tlacame quineltocaque Jes'us para yajaya nopa Cristo. Huan hasta sequin tlayacanca israelitame nojquiya quineltocaque, pero axaca quiilhuiyayaj pampa quinimacasiyayaj nopa fariseos. Quimatiyayaj ayoc quincahuilisqu'iaj ma calaquica ipan israelita tiopamitl. 43Mohuihuichijque pampa m'as quinequiyayaj quinpaquilismacase tlacame, huan ax Toteco. 44Huan Jes'us pejqui camati tlamiyacapa ipan nopa ilhuitl huan chicahuac quiijto: "Yajaya tlen nechneltoca, ax san na nechneltoca. Nojquiya quineltoca noTata tlen nechtitlantoc. 45Aqui nechita, nojquiya quiita noTata tlen nechtitlantoc. 46Nihualajtoc ipan ni tlaltepactli queja se tlahuili. Niquintlahuil'ia ininyolo nochi tlen nechneltocaj para ayoc itztose ipan tzintlayohuilotl. 47Pero tlacame tlen quicaquij notlajtol huan ax nechneltocaj, ax niquintlajtolsencahuas. Ax nihualajtoc ama ipan tlaltepactli para nitetlajtolsencahuas. Nihualajtoc para niquinmaquixtis tlen inintlajtlacolhua. 48Pero ajqueya nechhuejcamajcahua huan ax quisel'ia notlajtol quipiyas tlen quitlajtolsencahuas ipan itlamiya tonali. Pampa ni tlajtoli tlen niquijtojtoc ipan tlaltepactli quiteilhuis ipan itlamiya tonali. 49Pampa ax nicamati san ica na notequihuejcayo. NoTata tlen nechtitlantoc nechnahuatijtoc tlaque ma niquijto huan tlaque ma nitlamachti. 50Huan nijmati ajqueya quineltocas notlajtol tlen noTata nechnahuatijtoc ma niteilhui, yajaya quipiyas yolistli tlen yancuic para nochipa. Pampa nochi tlen niquijtohua eltoc tlen noTata nechilhuijtoc ma niquijto."

will be added

X\