JUAN 1

1Cristo, yajaya tlen tenextil'ia Toteco Dios, ya ipa itztoya quema aya oncayaya nochi tlen onca. Cristo senitztoya ihuaya Toteco Dios huan yajaya nojquiya Dios. 2Yajaya itztoya ihuaya Toteco ipan ipejya nochi tlen onca. 3Cristo quichijchijqui nochi tlamantli huan niyon se tlamantli tlen onca ax yolqui iselti. 4Yajaya tlen quipiya yolistli ipan ya huan quinmaca yolistli nochi tlen itztoque. Yajaya nopa tlahuili tlen quintlahuil'ia tlacame ipan ininyolo. 5Ni tlahuili tlahu'ia campa onca tzintlayohuilotl huan nopa tzintlayohuilotl ax hueli quisehu'ia. 6Itztoya se tlacatl tlen Toteco Dios quititlantoya tlen itoca eliyaya Juan. 7Juan hualajqui quipannextico Cristo tlen itztoc nopa tlahuili para nochi tlacame ma quineltocaca Cristo quema quicaquisqu'iaj tlen Juan quinilhuisqu'ia. 8Juan ax ya nopa tlahuili. San hualajqui quipannextico nopa tlahuili. 9Cristo yajaya nopa tlahuili tlen nel'ia temachtli huan hualajqui ipan tlaltepactli para techtlahuiliqui nochi titlacame ipan toyolo. 10Cristo itztoya ipan tlaltepactli huan yajaya quichijqui tlaltepactli, pero tlacame nica ax quiixmatque ajqueya ya. 11Yajaya hualajqui ica tojuanti tiisraelita tlacajhua, pero miyac tlen tojuanti ax tijselijque. 12Pero nochi tlacame tlen quiselijque Cristo, quinequi quiijtos nochi tlen quineltocaque, yajaya quinmacac tequihuejcayotl para elise iconehua Toteco. 13Inijuanti ax mochijque iconehua Toteco pampa tlacatque ipan se cuali xinachtli tlacame. Niyon ax iconehua queja tiiconehua totatahua, niyon ax iconehua pampa quinejqui se tlacatl. Inijuanti iconehua Toteco Dios pampa Toteco quinejqui ma elica. 14Huan Cristo tlen tenextil'ia Toteco Dios mocuepqui tlacatl ica itlacayo queja tojuanti huan itztoya tohuaya nica para se tlalochtli. Huan tiquitaque ihueyitilis huan tiquixmatque para yajaya iyojtzi Icone Toteco Totata. Nel'ia hueyi iyolo tohuaya huan yajaya senquistoc melahuac. 15Juan teyolmelajqui tlen Cristo huan quiijto: "Yajaya tlen nimechilhuiyaya quema niquijto para teipa hualas se tlen quipiya m'as itequihuejcayo que na. Pampa quema aya nitlacatiyaya, yajaya ya ipa itztoc." 16Nochi tojuanti tijselijtoque miyac tlatiochihuali tlen iricojyo Cristo pampa hueyi iyolo tohuaya. Huan mojmostla m'as techtiochihua. 17Quena, Toteco techmacac itlanahuatil ica Mois'es, pero ica Jesucristo technextilijtoc para hueyi iyolo ica tojuanti. Huan ica ya techmachti tlen nel'ia temachtli. 18Axaca quiitztoc Toteco Dios, pero Jesucristo, iyojtzi Icone tlen mocahua inechca, technextilico nochi tlen ya. 19Huan ya ni tlen Juan quinyolmelajqui nopa israelitame tlen ehuaj altepetl Jerusal'en quema quintitlanque israelita totajtzitzi huan levitame tlen tlapalehuijque ipan tiopamitl para ma quitlajtlanitij Juan ajqueya ya. 20Juan quinilhui xitlahuac: --Na ax niCristo. 21Huan inijuanti quitlajtlanijque: --¿Huajca ajqueya ta? ¿Ta tiEl'ias? Huajca Juan quiijto: --Na ax niEl'ias. Huan quitlajtlanijque: --¿Ta tiitztoc nopa tiocamanalojquetl tlen Toteco techilhui techtitlanilisqu'ia? Juan quinnanquili: --¡Axtle! 22Huajca inijuanti quiilhuijque: --Xitechilhui ajqueya ta para huelis tiquinyolmelahuase tlen techtitlantoque. ¿Tlaque motequi? 23Huajca Juan quinnanquili ica ni tlajtoli tlen tiocamanalojquetl Isa'ias quiijcuilo huejcajquiya. Quinilhui: --Na san nieli se tlacatl tlen Toteco quitequihu'ia para nicamatis chicahuac ipan nopa huactoc tlali campa ax tleno eli huan niquijtohua: 'Xijpatlaca imoyolo pampa hualas Tohueyiteco. Xijsencahuaca huan xijxitlahuaca iojhui para ipan nemis.' 24Huan nopa tlacame tlen fariseos quintitlantoyaj, 25quiilhuijque: --Huajca, ¿para tlen titecuaalt'ia intla ax tiCristo huan ax tiEl'ias, huan ax ta nopa tiocamanalojquetl tlen hualasqu'ia? 26Huajca Juan quiijto: --Na san nitecuaalt'ia ica atl, pero itztoc seyoc tlatlajco campa imojuanti tlen aya inquiixmatij. 27Yajaya hualas teipa huan yajaya quipiya m'as tequihuejcayotl que na. Na ax nicaxil'ia para nielis niitequipanojca, niyon para nijquixtilis itecac. 28Nochi ya ni panoc campa Juan tecuaaltiyaya ipan altepetl Bet'abara ipan ne seyoc nali atemitl Jord'an ica campa quisa tonati. 29Huan tonili Juan quiitac Jes'us hualayaya campa itztoya huan yeca quinilhui nopa tlacame: "Ne tlacatl yajaya tlen Toteco techtitlanilijtoc. Yajaya itoca ipilborregojtzi Toteco pampa elis nopa tlacajcahualistli tlen techquixtilis nochi totlajtlacolhua nochi titlacame ipan ni tlaltepactli. 30Nimechilhuiyaya tlen ya quema nimechilhui para teipa hualas se tlacatl tlen quipiya m'as tequihuejcayotl que na pampa quema aya nitlacatiyaya, yajaya ipa itztoya. 31Achtohui ax nijmatiyaya catl'ia ya, pero nihualajqui para nitecuaaltis pampa nijnequiyaya niquinpannextilis nochi israelitame." 32Nojquiya Juan quinyolmelajqui: "Niquitac Itonal Toteco hualtemoc tlen elhuicac queja se paloma huan mocahuaco ipan ya. 33Huan ax nijmajtosqu'ia intla ya, pero Toteco Dios tlen nechtitlanqui para nitecuaaltis nechilhuijtoya para quema niquitas Itonal hualtemos huan mocahuas ipan se tlacatl, huajca yajaya tlen temacas Itonal. 34Huajca ya nopa niquitac huan yeca nimechyolmelahua para ni tlacatl, yajaya Icone Toteco Dios." 35Huan tonili sampa moquetzayaya Juan ihuaya ome imomachtijcahua. 36Huan quiitac Jes'us quema panoyaya nechca huan quiijto: --Xiquitaca, ne tlacatl yajaya ipilborregojtzi Toteco. 37Huan nopa ome imomachtijcahua Juan quicajque tlen quiijto huan quitoquilijque Jes'us. 38Huan Jes'us moicancuepqui, huan quinitac quitoquiliyayaj huan quinilhui: --¿Tlaque inquinequij? Huan quiijtojque: --Tlamachtijquetl, ¿canque tiitztoc? 39Huan quinilhui: --Xihualaca, xiquitaquij canque nimocahua. Huajca yajque huan quiitatoj campa mocahuayaya huan mocajque ihuaya pampa eliyaya las cuatro ica tiotlac. 40Se tlen nopa ome tlen quicajqui tlen Juan quiijto huan yeca quitoquili Jes'us, yajaya itoca eliyaya Andr'es. 41Huan Andr'es yajqui xitlahuac quitemoto iicni, Sim'on, huan quiilhui: --Tijpantijque nopa Mes'ias. (Pampa ipan inintlajtol quitocajtijque nopa Cristo tlen Toteco quiijto para quititlanisqu'ia: 'Mes'ias'.) 42Huan Andr'es quihuicac Sim'on campa Jes'us. Huan Jes'us quitlachili huan quiijto: --Ta tiSim'on, tiicone Jon'as, pero nimitztocajtlalis tiCefas. (Cefas ica totlajtol quiijtosnequi Pedro.) 43Huan tonili Jes'us quinejqui yas estado Galilea. Huajca quipanti Felipe huan quiilhui: --Xinechtoquili. 44Felipe elqui se altepetl Betsaida ejquetl campa nojquiya ehuayayaj Andr'es huan Pedro. 45Huan Felipe quipantito Natanael huan quiilhui: --Tijpantijtoque nopa tlacatl tlen ica Mois'es quiijcuilo huejcajquiya ipan itlanahuatil. Yajaya tlen ica quiijcuilojque itiocamanalojcahua Toteco huejcajquiya para teipa hualasqu'ia. Yajaya Jes'us icone Jos'e huan ehua altepetl Nazaret. 46Huan Natanael quiijto: --¿Quejatza huelis? Axaca tlen cuali huelis hualas tlen altepetl Nazaret. Pero Felipe quiijto: --Xihuala, xiquitaqui. 47Huan quema Jes'us quiitac Natanael ajsiyaya, quiijto tlen ya: --Xiquitaca, ya huala se israelita tlen temachtli huan tlen ax quema tlacajcayahua. 48Huajca Natanael quitlajtlani Jes'us: --¿Quejatza tinechixmati? Huan Jes'us quinanquili: --Quema noja tiitztoya itzintla nopa higuera cuahuitl huan aya mitznotzayaya Felipe, na nimitzitac. 49Huan Natanael quiilhui: --Tlamachtijquetl, ta tiIcone Toteco. Ta titotlanahuatijca tlen titechnahuatis tiisraelitame ipan ni totlal. 50Huan Jes'us quinanquili: --¿Tinechneltoca ajqueya na san pampa nimitzilhui nimitzitac quema noja tiitztoya itzintla nopa higuera cuahuitl? Tiquitas tlamantli tlen noja m'as huejhueyi que ni. 51Nel'ia nimitzilhu'ia, tiquitas motlapos elhuicac huan tiquinitas ielhuicac ejcahua Toteco tlen tlejcotinemise hasta elhuicac huan temotinemise hasta tlaltepactli campa na tlen niMocuepqui Tlacatl para nechtequipanose.

will be added

X\