Job 6

1Huajca Job quiilhui: 2"Cuali elisqu'ia intla se quiyejyecojsqu'iaj nochi notlaijiyohuilis ipan balanza para quiitase quesqui niquijiyohuijtoc. 3Notlaijiyohuilis eltoc m'as etic que nopa xali tlen onca campa atentli. Yeca nimantzi nicamatitoc chicahuac. 4Toteco Tlen Quipiya Nochi Chicahualistli nechmaquilijtoc ica cuatlamintli. Eltoc queja itencococa nopa cuatlamintli ajsitoc ipan noyolo huan ipan nochi notlacayo. Eltoc queja Toteco Dios nechtehu'ia ica nochi ni hueyi tlaijiyohuilistli tlen nechajsitoc. 5Quinamiqui para na nijnextis nocuesol. Tzajtzi se burro intla ax quipiya tlacualistli. Tzajtzi se huacax quema ax quipanti sacatl para quicuas. 6Tlaijilnamiqui se tlacatl intla se tlacualistli ax cuali poyec. Nochi cualanisqu'iaj intla monequisqu'ia quicuase iistaca se tecsistli pampa ax quipiya iajhuiyaca, san asejsec. 7Quema nijtlachil'ia iistaca se tecsistli, nimantzi nijmati ayoc nimayana huan pehua nimisotlasnequi. Huan ama nocuesol eltoc noja m'as fiero. 8"Cuali elisqu'ia intla Toteco Dios nechmacasqu'ia tlen nijnequi huan tlen nijchiya. 9Quena, cuali elisqu'ia intla nechmictisqu'ia para ayoc nitlaijiyohuijtos imaco. 10Queja nopa noja nijpiyasqu'ia ni paquilistli: Ax nijtlailhuijtoc itlajtol Toteco Dios tlen Tlatzejtzeloltic yonque nijpanotoc nochi ni tlacuajcualocayotl tlen ax nechcahua. 11Ayoc nihueli niquijiyohuis ni cocolistli pampa ax tleno tlen cuali nijchiya. ¿Quejatza huelis niquijiyohuis hasta nimiquis? 12¿Huelis nijpiya tetili queja se tetl? ¿O huelis nonacayo mochijtoc ica nopa tepostli bronce? 13¡Axtle! Ayoc nijpiya chicahualistli para nimopalehuis. Ayoc tleno hueli nijchihuas para quisas cuali. 14"Quinamiqui para se tlacatl quiicnelis ihuampo tlen itztoc ipan tlaijiyohuilistli, pero ta tlahuel tinechtlateilhuijtoc. Niyon ax tiquimacastoc Toteco Tlen Quipiya Nochi Chicahualistli. 15Pero tinoicni, timonextijtoc para ax titemachtli. Tiitztoc queja se atlajtli tlen temi ica atl quema tlasejselt'ia cuatini, 16pampa temitoc ica setl huan sitlal setl tlen ya atiya. 17Pero ipan nopa tonali quema tlahuel tlatotoniya, nopa atlajtli ayoc quipiyas atl huan nimantzi huaquis. 18Miyac tlacame tlen nemij san sejco ica inintlapiyalhua panoj nopona nechca nopa atlajtli. Quicahuaj iniojhui huan yahuij para moseseltisqu'iaj, pero ax quipant'iaj atl para atlise. San miquij ica amiquistli ipan nopa huactoc tlali. 19Quema hualahuij nopa miyac paxalohuani tlen sentic nemij tlen tlali Tem'an huan Sab'a huan moquetzaj nopona para atlise, 20quinechcahu'iaj nopa atlajtli huan mopinahuaj pampa ax quipantijque tlen tlahuel quichiyayayaj. San quipant'iaj tlen huactoc. 21Huan queja nopa nojquiya ta tiitztoc ica na. Ax tinechpalehuijtoc queja nijchiyayaya. San tiquitztoc nococolis huan timohuejcatlalijtoc tlen na. 22¿Para tlen? ¿Huelis nimitztlajtlani ma tinechchihuili se favor? ¿Huelis nimitztlajtlani se regalo tlen tomi? ¡Axtle! ¡Ax quema nijchijtoc! 23Ax quema nimitztlajtlani se tlapalehuili para tinechmanahuis tlen nocualancaitacahua o para tinechmanahuis ininmaco tlaxtequini. 24"San nijnequi xinechnanquili xitlahuac huan teipa na ayoc nimolinis. Xinechilhui tlaque ax cuali nijchijtoc. 25Yonque tlajtoli tlen melahuac achtohui tecocohua, teipa tepalehu'ia. Pero ta motlajtol ax quiijtohua tlen melahuac. 26¿Huelis tinechijilnamiquis san pampa nitzajtzic chicahuac ipampa notlaijiyohuilis? 27Eltoc queja tijtlaijiyohuiltisqu'ia se conetl tlen icnotzi, o queja tijcajcayahuasqu'ia huan tijnamacasqu'ia se mohuampo. 28¡Xinechtlachili! ¿Huelis timoilhu'ia quinamiqui nimitzistlacahuis moixpa? 29Amo xijchihua tlen ax cuali. Amo xiquijto para nijhuica tlajtlacoli. Ximomaca cuenta para nise tlacatl tlen nixitlahuac. 30¿Inmoilhu'iaj niistlacati? ¿Huelis inmoilhu'iaj ax niquixmati tlen cuali huan tlen ax cuali? Intla nitlajtlacolchijtosqu'ia, ¿huelis ax nimomacasqu'ia cuenta?

will be added

X\