Job 16

1Huajca Job quiilhui Elifaz: 2"Na nijcactoc miyac hueltas nochi ya nopa. Imojuanti ax nel'ia intechyoltlal'iaj. San achi m'as intechtlaijiyohuilt'iaj. 3¿Ax quema inmoquetzase incamatij? ¿Para tlen tlahuel inhuejcahuaj ica tlajtoli tlen ax tleno ipati? 4Na nojquiya nihuelisqu'ia nicamatisqu'ia queja imojuanti intla imojuanti inmopantisqu'iaj ipan tlaijiyohuilistli. Nimechtlaijilhuisqu'ia huan nicojolinisqu'ia notzonteco huan nimechpinajtisqu'ia. 5Pero ax ya nopa nijchihuasqu'ia. Nimechcamahuisqu'ia para nimechpalehuisqu'ia huan nimechyoltlalisqu'ia. Nijchihuasqu'ia campeca para xiquilcahuaca imotlaijiyohuilis. 6Pero ica na nijsenhuiquil'ia nitlaijiyohu'ia yonque nicamatisqu'ia para nimomanahuis o ax nicamatisqu'ia. 7"Toteco Dios, ta tinechtlaijiyohuiltijtoc huan tinechquixtilijtoc nofamilia. 8Tinechchijtoc nicocoxquetzi huan niteicneltzi, huan ni tlacame quiijtohuaj san nechajsi ni tlatzacuiltili ipampa notlajtlacolhua. 9"Toteco tlahuel nechcualancaita. Yajaya quitzayanqui nonacayo. Motlanhuehuechotza ica cualantli huan chicahuac nechsentlachil'ia. 10Nochi tlacame tlen hualahuij para nechyoltlalise nechhuetzquil'iaj huan san nechmaquil'iaj ipan noxayac. Nocualancaitacahua mosentil'iaj para nechpinajtise. 11Huan Toteco Dios nechtemactilijtoc ininmaco tlajtlacolchihuani huan ininmaco tlacame tlen fiero ininyolis. 12"Na niitztoya cuali huan ica paquilistli huan Toteco Dios pejqui nechtlaijiyohuilt'ia. Nechitzqui noquechtla huan nechmajcajqui tlalchi huan quichijqui cuechtic nochi notlacayo. Teipa nechcuahuiyoni huejcapa para nechmelac itas ica cuatlamintli. 13Isoldados nechyahualojque huan nechmajcahuilijque cuatlamintli. Quitlamicocojtoque notlacayo huan ni tlali xolonqui ica noeso. Niyon quentzi ax nechtlasojtlaque. 14Ajachica Toteco quisenhuiquil'ia nechmaquilijtoc. Nechtojtocatihualajtoc queja se tlatehuijquetl. 15Huan nica nimosehu'ia huan nimoquentijtoc nopa fiero yoyomitl tlen quinext'ia nocuesol. Ipan notzonteco nijtemil'ia cuanextli. Yajaya nimotemacatoc iixpa. 16Noixtiyolhua nochi chichiltic pampa tlahuel nichocatoc. Semajtoc huan yayahuic noixtencuetlaxo hasta nesi para nimiquisnequi. 17Queja nopa nopantitoc, yonque ax quema nimosisinijtoc. Huan nochi tlen niquilhuijtoc Toteco Dios quema nimomaijtojtoc ica ya eltoya cuali. 18"Ma ax quiis noeso ni tlali. Xijcahuili noeso ma tlahuejchihua ipampa quinextis notlaijiyohuilis. 19Pero yajaya tlen noTestigo huan noTlatempalehuijca itztoc huejcapa ipan elhuicac. Yajaya Toteco nechita huan quimati ax nijhuica tlajtlacoli. 20Nohuampoyohua nechpinajt'iaj, pero na nimochoquil'ia iixpa Toteco. 21Cuali elisqu'ia intla itztoya se tlen hueli motlajcoquetzas ica Toteco Dios huan ica na queja quichihuas se tlacatl tlen motlajcoquetza ica ome ihuampoyohua. 22Pampa ax huejcahuas para nimiquis huan niyas ipan nopa ojtli campa ayoc quema nimocuepas.

will be added

X\