Jeremiah 45

1Quema Baruc ya quiijcuilojtoya nochi nopa tlajtoli tlen achtohuiya niquilhuijtiyajqui, na, niJerem'ias, sampa nijpohuili Baruc ni sequinoc tlajtoli quema Joacim, icone Jos'ias, yahuiyaya para nahui xihuitl para tlanahuatis. Niquilhui: 2"Baruc, ya ni tlen TOTECO huan toDios tiisraelitame mitzilhu'ia: 3'Baruc, ta tiquijtohua para nel'ia titeicnelti pampa TOTECO tlahuel mitztlaijiyohuiltijtoc. Huan ama tiquijtohua para TOTECO noja m'as tlaohuijcayotl mitzmacas. Tiquijtohua tlahuel tisiyajtoc ica cuesoli huan ax tijpant'ia tlasiyajcahualistli.' Queja nopa tiquijtohua. 4Pero ama Baruc, TOTECO quiijtohua: 'Na nijxolehuas ni tlali tlen nijchijchijqui huan nijtlamiltis nochi tlen nijtlali. 5¿Huelis tijtemohua huejhueyi tlamantli para ta? ¡Ax quej nopa xijchihua! Pampa yonque na nijhualicas huejhueyi tlatzacuiltili ipan nochi ni tlacame, ta nimitzmanahuis campa hueli campa tiyas.' "

will be added

X\