Jeremiah 41

1Pero ipan nopa metztli chicuase, Ismael, icone Netan'ias, tlen icone Elisama, tlen hualayaya ipan nopa familia tlen tlanahuatiani huan tlen eliyaya se itlayacanca nopa tlanahuatijquetl, hualajqui ipan Mizpa. Huan ihuaya ya hualajque seyoc majtlactli tlacame. Huan Gedal'ias quinnotzqui para tlacuase sentic. 2Huan quema tlacuayayaj, Ismael huan nopa majtlactli tlacame tlen hualajtoyaj ihuaya, moquetzque huan quiquixtijque ininmachete, huan quimictijque Gedal'ias, icone Ahicam, tlen icone Saf'an tlen nopa tlanahuatijquetl tlen Babilonia quitlalijtoya queja gobernador ipan tlali Jud'a. 3Teipa quisque tlen nopano huan quinmictijque nochi nopa tlayacanca Jud'a ehuani huan nochi nopa tlayacanani tlen soldados caldeos tlen itztoyaj ihuaya Gedal'ias. 4Huan hualmostla quema aya aca quimatiyayaj para Ismael quimictijtoya Gedal'ias, 5queja 80 tlacame tlen ehuayayaj ipan altepetl Siquem, Silo huan Samaria hualajque ipan Mizpa para quihueyitlaliquij TOTECO ipan itiopa. Nochi yajuanti quitejtectoyaj inintentzo, quitzayantoyaj ininyoyo, mococojtoyaj ipan inintlacayo huan quihualicayayaj tlacajcahualistli huan copali para quitlatisqu'iaj iixpa TOTECO. 6Huan Ismael quisqui ipan Mizpa chocatiyajqui. Huan ipan ojtli quinnamiquito nopa tlacame. Huajca Ismael quincajcayajqui huan quinilhui: --¬°Xihuala huan xiquitaca tlachque quipanotoc Gedal'ias, icone Ahicam! 7Pero quema yajuanti ajsicoj ipan altepetl Mizpa, Ismael huan isoldados, quinmictijque nopa tlacame huan quincalaquijque ipan se ameli tlen ax quipiyayaya atl. 8Pero majtlactli tlen nopa tlacame ax quinmicti, pampa yajuanti quiilhuijque Ismael: "Amo xitechmicti huan timitzhualiquilise trigo, cebada, aceite huan nectli tlen tijtlatijtoque cuatitla." Huajca Ismael ax quinmicti. 9Nopa ameli tlen Ismael quitemiti ica inintlacayohua nopa tlacame tlen quinmicti eliyaya nopa hueyi ameli tlen Tlanahuatijquetl Asa huejcajquiya quichijchijqui para quinmanahuis nopa tlacame tlen altepetl Mizpa quema quintehuiyaya Tlanahuatijquetl Baasa tlen tlali Israel. 10Huan Ismael quinitzqui iichpocahua nopa tlacatl tlen achtohuiya eliyaya tlanahuatijquetl nopano. Nojquiya quinitzqui nochi nopa tlacame tlen Nabuzarad'an, nopa hueyi tlayacanquetl tlen soldados quincajtoya imaco Gedal'ias nopa gobernador para ma quinnahuati. Huan Ismael quinhuicac nochi nopa tlacame queja tlatequipanohuani huan pejqui ipan ojtli para inintlal nopa amonitame. 11Huan quema Johan'an, icone Carea, huan nochi nopa tlayacanani tlen soldados tlen itztoyaj ihuaya quimatque nochi tlen Ismael quichijtoya, 12quinsentilijque nochi ininsoldados huan quitepotztocaque Ismael para quiajasitij. Huan quiajasitoj campa nopa pileta tlen eltoc nechca altepetl Gaba'on. 13Huan quema nopa tlacame tlen quinhuicayaya Ismael quiitaque Johan'an huan nochi nopa tlayacanani tlen soldados, tlahuel yolpajque. 14Huan mochololtijque huan motlalojque quinnamiquitoj Jonat'an huan pejque quipalehu'iaj. 15Pero Ismael huan chicueyi isoldados, cholojque huan yajque ipan tlali Am'on. 16Huajca Johan'an huan nochi isoldados quinhuicaque nochi nopa soldados, sihuame huan coneme. Nojquiya quinhuicaque nopa tlacame tlen quincaparojtoyaj para mochihuase huejhueyi tequihuejme huan tlen Ismael quinquixtijtoya ipan altepetl Mizpa quema quimictijtoya Gedal'ias, icone Ahicam. 17Huan nochi yajque ipan altepetl Gerut Quimam, nechca altepetl Bel'en, para mocualtlalise para yase ipan tlali Egipto. 18Yajuanti majmahuiyayaj tlachque quichihuasqu'ia nopa caldeos quema quicaquisqu'ia para Ismael, icone Negan'ias quimictijtoya Gedal'ias, icone Ahicam, tlen nopa Tlanahuatijquetl tlen Babilonia quitlalijtoya queja gobernador ipan tlali Jud'a.

will be added

X\