Jeremiah 40

1Ya ni nopa tlajtoli tlen TOTECO nechmacac na, niJerem'ias, quema ya nechmajcajqui ipan altepetl Ram'a huan nechcajqui ma nimocuepa ipan Jerusal'en. Nabuzarad'an, nopa hueyi tlayacanquetl tlen soldados, nechpanti niilpitoc ica tepos cadenas ica sequinoc israelitame tlen quinquixtijtoyaj ipan tlali Jud'a huan ipan altepetl Jerusal'en huan quinhuicayayaj ipan tlali Babilonia. 2Huan nopa tlayacanquetl tlen soldados nechnotzqui huan nechilhui: "MoTECO Dios quiyolmelajqui para quihualicas ni tlatzacuiltili ipan ni tlali, 3huan quichijtoc ma pano senquistoc queja quiijto quichihuasqu'ia pampa ni tlacame tlahuel tlajtlacolchijtoyaj ica moTECO huan ax quitlacaquilijque quema quincamahuiyaya. Yeca ama hualajtoc nochi ni tlamantli. 4Xiquita, ama ni tonali na nimitzquixtilis nopa tepos cadenas tlen ica mitzilpitoque huan nimitzcahuilis xiya. Intla tijnequi tihualas nohuaya ipan tlali Babilonia, huajca xihuala nohuaya huan na nimitzmocuitlahuis. Pero intla ax tijnequi tihualas nohuaya, huajca ximocahua. Huan xiquita, nochi ni tlali eltoc moixpa huan huelis tijtlapejpenis campa m'as mitzpact'ia para tiitztos. 5Intla timoilhu'ia timocahuas, huajca xiya campa itztoc Gedal'ias, tlen Tlanahuatijquetl Nabucodonosor tlen tlali Babilonia quitlalijtoc queja gobernador ipan ni tlali Jud'a, huan xiitztoti ininhuaya nopa tlacame tlen yajaya quinnahuat'ia. Ta xijtlapejpeni canque tijnequi tiyas. Xiya campa m'as mitzpact'ia." Huan Nabuzarad'an, nopa hueyi tlayacanquetl tlen soldados, nechmacac miyac tlacualistli huan tomi huan nechnahuatijtejqui. 6Huajca na, niJerem'ias, niyajqui campa Gedal'ias huan niitztoya ininhuaya nopa tlacame tlen noja mocajtoyaj ipan ni tlali. 7Pero nopa tlayacanani tlen israelita soldados tlen nemiyayaj cuatitla, quimatque para nopa tlanahuatijquetl tlen tlali Babilonia quitlalijtoya Gedal'ias queja gobernador ipan ni tlali para quinnahuatis nopa teicneltzitzi tlen noja mocajtoyaj tlen ax quinhuicatoyaj Babilonia. 8Yeca yajaya yajque quiitatoj Gedal'ias ipan Mizpa campa quipiyayaya se hueyi cali para soldados. Ya ni inintoca nopa tlayacanani tlen yajque quiitatoj: Ismael, icone Netan'ias; Johan'an huan Jonat'an, iconehua Carea; Sera'ias, icone Tanhumet; iconehua Efai tlen ehuaj Netofa; huan Jezan'ias, icone tlen se maacateo tlacatl. Nochi ni tlacame yajque ica ininsoldados para quiitatij Gedal'ias. 9Huan Gedal'ias tlatestigojquetzqui huan quinilhui: "Amo ximomajmatica, ximotemacaca nica para inquitequipanose nopa tlanahuatijquetl tlen tlali Babilonia huan inquisase cuali ipan nochi tlamantli. 10Huan na nimocahuas nica ipan Mizpa huan nicamatis imopampa imojuanti quema hualase nopa Babilonia ehuani para quitlachilise notequi. Ximochantica ipan tlen hueli altepetl campa imojuanti inmechpact'ia, huan ximopanoltica ica nochi tlamantli tlen eli ipan ni tlali. Xijtequica itlajca nopa xocomeca miltini, huan inintlajca cuatini, huan aceite, huan xicajcocuica ipan imochaj." 11Huan teipa nochi tlali Jud'a ehuani tlen mochololtijtoyaj ipan tlali Moab, Am'on huan Edom huan nochi tlen itztoyaj ipan sequinoc tlaltini nojquiya quimatque para sequin tlali Jud'a ehuani mocajtoyaj ipan tlali Jud'a, pampa nopa tlanahuatijquetl tlen tlali Babilonia ax quinhuicatoya nochi ipan itlal. Huan quimatque nojquiya para nopa tlanahuatijquetl tlen tlali Babilonia, quitlalijtoya Gedal'ias queja gobernador. 12Huajca yajuanti quisque ipan nopa tlaltini campa mochololtijtoyaj huan mocuepque ipan tlali Jud'a. Huan ajsicoj ipan Mizpa campa itztoya Gedal'ias para camatise ihuaya. Teipa yajque ipan nopa huejhueyi xocomeca miltini huan quitejque miyac itlajca para quichihuase xocomeca atl. Huan nojquiya quisentilijque miyac tlamantli cuatlactli. 13Pero teipa, Johan'an, icone Carea, huan nochi nopa sequinoc tlayacanani tlen soldados, yajque quiitatoj Gedal'ias ipan Mizpa, 14Huan quiilhuijque: --┬┐Ax tijmati para Baalis tlen inintlanahuatijca nopa amonitame, quititlantoc Ismael, icone Netan'ias para ma mitzmictiqui? Queja nopa quiilhuijque, pero Gedal'ias ax quinneltoquili. 15Huajca Johan'an camatqui ixtacatzi ihuaya Gedal'ias, huan quiilhui: --Xinechcahuili niyas nijmictiti Ismael huan axaca quimatis ajqueya quimicti. Ax hueli tijcahuilise para ma mitzmicti. Pampa intla mitzmictis, huajca nochi nopa tlali Jud'a ehuani tlen mosejcotilijtoque ica ta, mopasolose sampa huan quinmictise nochi nopa tlacame tlen noja mocajtoque nica ipan tlali Jud'a. 16Pero Gedal'ias quiilhui: --Amo xijmicti Ismael pampa san tiquistlacahu'ia.

will be added

X\