Jeremiah 21

1Huajca nopa Tlanahuatijquetl Sedequ'ias quititlanqui Pasur, icone Malqu'ias huan nopa totajtzi Sofon'ias, icone Maas'ias para ma nechitaquij na, niJerem'ias, huan para quej ni ma nechilhuiquij: 2"Xijtlajtlani TOTECO para ma techpalehui pampa Tlanahuatijquetl Nabucodonosor tlen tlali Babilonia hualajtoc para techtehuis. Huan huelis TOTECO techtlasojtlas huan quichihuas se chicahual nescayotl queja quichijqui huejcajquiya, huan ica ya nopa quichihuas para Nabucodonosor ma quinijcueni isoldados para amo techtehuise." 3Huan na niJerem'ias niquinilhui: "Xiyaca sampa campa Tlanahuatijquetl Sedequ'ias huan xiquilhuica, 4para quej ni quiijtohua TOTECO Dios tlen israelitame: 'Sedequ'ias na nijchihuas para nochi imotepos tlen ica intlatehu'iaj ma elica ax tleno ininpati. Huan yeca ax huelis inquintehuise nopa Babilonia ehuani huan nopa caldeos tlen inmechyahualojtoque. Huan niquinhualicas imocualancaitacahua hasta tlatlajco ni altepetl, 5huan na huan yajuanti timechtehuise ica nochi nohueyi chicahualis pampa tlahuel nicualantoc ica imojuanti. 6Huan niquinmictis nochi tlen itztoque ipan ni altepetl. Miquise nochi tlacame huan tlapiyalime ica se hueyi cocolistli tlen na nijtitlanis.' " 7Huan teipa TOTECO quiijto: "Nijtemactilis Sedequ'ias tlen tlanahuat'ia ipan tlali Jud'a imaco Tlanahuatijquetl Nabucodonosor tlen tlali Babilonia. Nojquiya niquintemactilis imaco nochi isoldados Sedequ'ias huan itlayacancahua huan nochi nopa tlacame tlen noja mocahuase ipan ni altepetl huan tlen ax mijque ica cocolistli, tlatehuijcayotl huan mayantli. Huan Nabucodonosor quintlamimictis. Ax quintlapojpolhuis, niyon ax quintlasojtlas. 8"Nojquiya xiquinilhui tlacame para quej ni niquijtohua, niininTECO: 'Xiquita ama nijtlalijtoc imoixpa nopa ojtli para yolistli huan nopa ojtli para miquistli para inquitlapejpenise. 9Pampa nochi tlen mocahuase ipan ni altepetl miquise ipan tlatehuijcayotl, ica mayantli huan ica cocolistli. Pero nochi tlen quisase tlen ni altepetl huan motemacase ica nopa caldeos, quimanahuise ininyolis. 10Pampa na nijtlapejpenijtoc para senquistoc nijxolehuas ni altepetl. Na nimochijtoc niicualancaitaca ni altepetl huan ax niihuampo. Yeca hualas nopa tlanahuatijquetl tlen tlali Babilonia huan quitlamitlatis.' " Queja nopa quiijtohua TOTECO. 11- 12Nojquiya TOTECO quiijto: "Xiquilhui nopa tlanahuatijquetl tlen tlali Jud'a tlen itztoc se iteipa ixhui David quej ni: 'Xijtlacaquili itlajtol TOTECO. Yajaya ya mocualtlalijtoc para mitztlajtolsencahuas nimantzi ipampa nochi tlamantli tlen ax cuali tlen tijchihua. Huajca mojmostla xiquinchihuili tlen xitlahuac nopa tlacame tlen tiquintlajtolsencahua. Xijpehualti xijchihua tlen xitlahuac semilhuitl. Xijmanahuica tlen ax quipiya fuerza ininmaco tlen quintlaijiyohuilt'ia para nocualancayo ax huetzis mopani queja se tlitl tlen axaca huelis quisehuis. 13" 'Pampa xiquita, inaltepetl Jerusal'en ehuani, na nimochijtoc imocualancaitaca. Nimechtehuis yonque imoaltepe mosehu'ia huejcapa huan inmohueyimatij huan inquiijtohuaj: Tojuanti tiitztoque temachtli ipan ni tepetl. Nica axaca huelis calaquis para techtehuis. 14Pero na noselti nimechtzontlamiltis para nimechtlatzacuiltis ipampa imotlajtlacolhua. Huan nojquiya nijtlicuiltis nochi cuatitlamitl huan quitlatis nochi tlen nechca. Queja nopa niimoTECO niquijtohua.' "

will be added

X\