Isaiah 7

1Quema quihuicayaya tequitl ipan tlali Jud'a nopa Tlanahuatijquetl Acaz tlen elqui icone Jotam huan iixhui Uz'ias, hualajque tlanahuatiani para quitehuise. Hualajque Tlanahuatijquetl Rez'in tlen tlali Siria huan Tlanahuatijquetl Peka, icone Remal'ias, tlen tlali Israel huan pejque quitehuise altepetl Jerusal'en, pero ax huelque quitlanise. 2Huan nopa tlajtoli ajsico hasta campa ichaj nopa tlanahuatijquetl tlen iixhui David huan quinilhuicoj: "Nopa Siria ehuani mosejcotilijtoque ininhuaya nopa tlali Israel ehuani para techtehuise." Queja nopa quinilhuicoj. Huan quema nopa tlanahuatijquetl huan nopa tlacame quicajque ya nopa, pejque huihuipicaj ica majmajtli queja mojmolin'iaj nopa cuatini quema tlaajaca. 3Huajca TOTECO nechilhui na niIsa'ias: "Xiya ihuaya mocone Sear Jasub para xijnamiquiti Tlanahuatijquetl Acaz. Yajaya tijpantiti campa ontlami nopa aojtli tlen quisa tlen huejcapa campa meya nopa atl. Itztos nechca nopa ojtli tlen yohui hasta imila nopa Tlachicuenijquetl. 4Huan quej ni xiquilhui Tlanahuatijquetl Acaz: 'Amo ximocueso, niyon amo xiquimacasi icualancayo Rez'in huan nopa Siria ehuani, niyon amo xiquimacasi Peka, icone Remal'ias pampa ax tlatlanise. Yajuanti itztoque queja tlicuatini tlen san popocatoque. 5Quena, ni tlanahuatiani tlen tlali Siria huan Israel quisencajtoque san sejco para mitztehuise. 6Quiijtohuaj para moaxcatise tlali Jud'a huan inmechtemajmatise nochi tlen initztoque nopano. Teipa moilhu'iaj tlatehuitiyase hasta ajsitij ipan altepetl Jerusal'en huan nopano quitlalise icone Tabeel queja inintlanahuatijca. 7" 'Pero na niimoTECO niquijtohua para ax quema panos. Ax hueli quichihuase tlen yajuanti moilhuijtoque quichihuase, niyon ax tlatlanise. 8Pampa Tlanahuatijquetl Rez'in san tlanahuat'ia ipan altepetl Damasco huan nopa tlali Siria. Ax quema quinnahuatis sequinoc tlaltini. Huan nopa tlali Israel san huejcahuas 65 xihuitl. Teipa quitlamixolehuase huan ayoc elis se tlali ica se itlanahuatijca. 9Altepetl Samaria san quinahuat'ia tlali Israel, huan Peka, icone Remal'ias, san quinahuat'ia altepetl Samaria. Xinechneltoquili tlen nimechilhu'ia para ax tlatlanise intla inquinequij ma nimechmanahui, monequi inquineltocase tlen niquijtohua.' " 10Nojquiya TOTECO quititlanqui ni seyoc tlajtoli para Isa'ias ma quiilhuis Tlanahuatijquetl Acaz huan Isa'ias quiilhui: 11"Acaz, TOTECO moDios quiijtohua para xitlajtlani ma mitzchihuili se tlanescayotl para tijmatis temachtli panos queja mitzilhuijtoc. Xijtlajtlani tlen hueli tlanescayotl tlen tijnequi ma panos tlatzintla ipan ni tlaltepactli o hasta huejcapa ipan elhuicactli." 12Pero Acaz quinanquili: "¬°Axtle! Ax tleno nitlajtlanis huan ax nijyejyecos TOTECO." 13Huajca Isa'ias quiijto: "Xijtlacaquili ta tlen tiiixhui David. Tlahuel tinechyolaxit'ia. Pero ax san na tlen tinechyolaxit'ia, pero nojquiya tijyolaxit'ia TOTECO Dios. 14Yeca ama TOTECO iselti inmechmacas se tlanescayotl. Quena, se ichpocatl tlen ax quiixmajtoc se tlacatl, conecuis huan quitlacatiltis se oquichpil huan quitocaxtis Emanuel. (Emanuel quinequi quiijtos 'TOTECO itztoc tohuaya'.) 15Yajaya quicuas lechi ololtic huan sayol nectli huan moscaltis ipan tonali tlen tlaohuijcayotl hasta quimatis quihuejcamajcahuas tlen ax cuali huan quichihuas tlen cuali. 16Huan quema nopa conetl noja aya quimati quejatza quihuejcamajcahuas tlen ax cuali huan quitlapejpenis tlen cuali, nopa ome tlanahuatiani tlen tlahuel tiquinimacasi, ya mictose. 17"TOTECO quihualicas tonali tlen tlaohuijcayotl ipan ta, ipan motlacajhua huan ipan mofamilia. Ax oncatoc tonali queja nopa ohui hasta quema tlali Israel moiyocatlali tlen tlali Jud'a. Hualas imopani nopa tlanahuatijquetl tlen tlali Asiria ica nochi isoldados." 18Ipan nopa tonali, TOTECO quichihuas para ma hualaca queja sayolime nopa soldados tlen campa ontlami nopa atemitl ipan tlali Egipto. Huan quinnotzas ma hualaca nopa soldados tlen tlali Asiria tlen mosisin'iaj queja cuajnecme. 19Huan nopa soldados ajachica hualase hasta quitemitise nochi tlamayamitl ipan huactoc tlali, huan ipan nochi tlacajcahuaya ipan tetl, huan ipan cuatitlamitl campa onca huitztli huan ipan nopa tlali tlen tlahuel tlaeli. 20Ipan nopa tonali TOTECO quintequihuis nopa Asiria ehuani tlen inquintlaxtlahuijtoque para inmechmanahuise para inmechtlatzacuiltise. Yajuanti elise queja se cuchillo tlen inmechhuatanise ipan imotzonteco, ipan imoicxihua huan ipan imotentzo pampa inmechquixtilise nochi tlen inquipiyaj. Inmechquixtilise imotlal, imotlacajhua huan tlen inquitoctoque. 21Ipan nopa tonali, intla se tlacatl san mocahuas ica se huacax huan ome chivojme para quintomahuas, 22temacase tlahuel miyac lechi. Yeca nochi nopa tlacame tlen noja mocahuase ipan nopa tlali mopanoltise ica lechi tlen ololtic huan sayol nectli queja quichihuaj teicneltzitzi. 23Huan nojquiya ipan nopa tonali, san moscaltis huitztli huan sahua mecatl campa achtohuiya oncayaya tlahuel miyac xocomeca tzontli tlen yejyectzitzi huan ipati eliyaya tlahuel miyac tomi. 24Nochi tlali Jud'a san quipiyas huitztli huan sahua mecatl. Elis se tlali campa tlapehuani calaquise para tlapehuase ica cuahuitoli huan cuatlamintli. 25Huan ayoc aca huelis yas ipan nopa tepetini campa achtohuiya tlapoxahuayayaj ica azad'on pampa quiimacasise nopa huitztli huan sahua mecatl tlen oncas nopano. San huacaxme, borregojme huan chivojme tlacuase nopano.

will be added

X\